Ghalaaṭiyya 2 - Kitaab al Vahd aj Jadid 1978

BUULUS WA_R RUSUL AT TAANYIIN

¹ Wa bavd arbavṭaashar sana, ṭalavta marra taanya le Uurushaliim mava Barnaaba, wa axadta mavaai Tiiṭus kamaan.

² Masheet valashaan Allaah warraani be ru’ya. Wa vallamtahum al injiil al babashshir beehu been al umam. Laakin vamalta da baraai giddaam al muḥtarmiin, min xoof yimkin ana bajri, walla kunta jareet biduun faaida.

³ Laakin Tiiṭus, al kaan mavaai, wa huwa Griigi, maa jabaroohu yakuun muṭahhar.

⁴ Wa laakin kaanu fih axwaan kaḍḍaabiin daxalu beenana be_s sirr. Wa hum indassu vashaan yaḥrasu be_s sirr ḥurriyyatna al vindana fi_l Masiiḥ Yasuuv, vashaan yavmiluuna vabiid.

⁵ Wa maa simivna leehum wa laa saava, vashaan naḥfaẓ leekum ḥagg al injiil.

⁶ Wa laakin al muḥtarmiin maa zaadu wa laa shi le bishaarti. Wa_l muḥtarmiin kaanu shinu maa bihimmni, vashaan Allaah maa bishuuf al wushuush.

⁷ Be_l vaks, hum shaafu Allaah addaani xidmat bishaarat al injiil le_l maa muṭahhar, zei maa hu adda Buṭrus xidmat bishaarat al injiil le_l muṭahhar.

⁸ Vashaan huwa, al vamal fi Buṭrus vashaan yakuun rasuul le_l muṭahhar, vamal fiyya kamaan vashaan akuun rasuul le_l umam.

⁹ Wa Yavkuub wa Buṭrus wa Yuuḥanna, wa hum al muḥtarmiin zei vimdaan, addaani ana wa Barnaaba yamiin ash sharika, lamma virfu_n nivma al addaani Allaah. Hum ittafagu niḥna namshi le_l umam wa hum le_l muṭahhar.

¹⁰ Hum ṭalabu minnana bass nitzakkar al masaakiin. Wa da be zaatu kunta mustavidd asawwiihu.

BUULUS YAGAAWIM BUṬRUS

¹¹ Laakin lamma Buṭrus ja le Anṭaakiya, ana vaakastu le washshu, vashaan al ḥagg kaan valeehu.

¹² Vashaan gubbaal maa bavḍ min ar rujaal jo min Yavkuub, hu kaan yaakul mava_l umam. Laakin lamma hum wiṣlu, kaan yamrug minnahum wa yafarrig nafsu, vashaan xaaf minnahum al muṭahhariin.

¹³ Wa baagi_l Yahuud ishtaraku mavaahu fi_n nifaag, ḥatta saagu Barnaaba le nifaagum.

¹⁴ Wa lamma shuftum maa maashiin dughri be ḥasab ḥagg al injiil, gulta le Buṭrus giddaam kullahum, “Inta Yahuudi wa taviish zei al umam, wa maa zei al Yahuud. Le shinu tajbur al umam yaviishu zei al Yahuud?”

¹⁵ Niḥna be_l wilaada Yahuud, wa niḥna maa min al umam xaaṭyiin.

¹⁶ Wa binavrif az zool maa yitbarrar be avmaal al gaanuun, laakin be_l iimaan be Yasuuv al Masiiḥ. Niḥna kamaan aamanna be Yasuuv al Masiiḥ vashaan nitbarrar be_l iimaan be_l Masiiḥ, mush be avmaal al gaanuun. Valashaan wa laa waaḥid yitbarrar be avmaal al gaanuun.

¹⁷ Wa laakin iza niḥna naṭlub nitbarrar fi_l Masiiḥ wa yalguuna niḥna kamaan xaaṭyiin, (?) da yavni al Masiiḥ yaxdim al xaṭiyya? Mush mumkin!

¹⁸ Wa iza kaan abni marra taanya al xarabtu, awarri nafsi muxaalif al gaanuun.

¹⁹ Vashaan be_l gaanuun ana mutta le_l gaanuun, vashaan aviish le Allaah.

²⁰ Inṣalabta mava_l Masiiḥ. Wa ana maa baviish taani, laakin al Masiiḥ, huwa biviish fiyya. Wa_l ḥayaat al baviisha hassav fi_j jisim, baviisha fi_l iimaan be Ibn Allaah al ḥabbaani, wa adda nafsu fishaanni.

²¹ Ana maa barfuḍ nivmat Allaah, vashaan iza_l birr be_l gaanuun, al Masiiḥ maat biduun faaida.