Filimuun 1 - Kitaab al Vahd aj Jadid 1978

¹ Min Buulus maḥbuus al Masiiḥ Yasuuv wa min Timutaawus al axu le Filiimuun ḥabiibna wa_l vaamil mavaana.

² Wa le Abfiyya al uxut wa Arxibbus al vaskari mavaana wa le_l kaniisa_l fi beetak.

³ Nivma leekum wa salaam min Allaah Abuuna wa_r Rabb Yasuuv al Masiiḥ.

ASH SHUKR WA_Ṣ ṢALA

⁴ Bashkur Ilaahi daaiman wa batzakkarak fi ṣalawaati.

⁵ Vashaan basmav be maḥabbatak wa iimaanak naḥwa ar Rabb Yasuuv wa le kullu_l giddiisiin.

⁶ Baṣalli ’an sharikat iimaanak bitsaavidkum vashaan tavrifu kullu_l xeer al fiina be_l Masiiḥ.

⁷ Vashaan vindana faraḥ katiir wa tavziya min maḥabbatak. Valashaanak, yaa axuui, addeet raaḥa le guluub al giddiisiin.

⁸ Valashaan kida, vindi fi_l Masiiḥ shujaava katiira ’an aamurak tavmil zei al mustaḥigg.

⁹ Laakin fishaan al maḥabba, baṭlub be_l aktar, ana, Buulus ash sheex wa hassav maḥbuus al Masiiḥ kamaan.

¹⁰ Aṭlub leek fishaan waladi Unisiimus al waladtu fi_j janaaziir.

¹¹ Wa gubbaal da, hu maa kaan vindu faaida leek, wa laakin hassav vindu faaida leek wa leiya.

¹² Ana barajjivu leek, wa da zei maa barassil leek galbi zaatu.

¹³ Wa kunta daayir aḥfaẓu mavaai, valashaan yaxdimni badalak fi janaaziir al injiil.

¹⁴ Laakin ana maa vaawiz asawwi shi biduun fikrak, fishaan xeerak maa bikuun min al laazim tavmilu, laakin vashaan inta ixtaartu.

¹⁵ Yimkin hu masha minnak le wakit galiil valashaan yakuun leek le_l abad.

¹⁶ Wa bavd da maa taftakir hu zei vabd laakin aḥsan min vabd. Huwa zei axu maḥbuub, xuṣuuṣan leiya, wa kam be_l aktar leek, fi_j jisim wa fi_r Rabb.

¹⁷ Wa iza taḥsibni shariik, agbalu zei nafsi.

¹⁸ Wa iza kaan ẓalamak fi shi, walla hu madyuun leek, aḥsib daak valeiya.

¹⁹ Ana Buulus baktib da be iidi. Ana badfav. Wa maa baguul leek inta madyuun leiya ḥatta be nafsak kamaan.

²⁰ Aiwa, yaa axuui, ana vaawiz faaida minnak fi_r Rabb. Addiini raaḥa le galbi fi_l Masiiḥ.

²¹ Wa valashaan vindi ta’kiid ’innak taṭiiv, baktib leek wa bavrifak tavmil aktar min al baṭlub.

²² Wa mava da, jahhiz leiya ooḍat aḍ ḍeef, fishaan vindi rajaa barjav leekum be ṣalawaatkum.

²³ Abafraas al maḥbuus mavaai fi_l Masiiḥ Yasuuv yasallim valeek.

²⁴ Wa kamaan Markus wa Aristarxus wa Diimas wa Luuga al vaamiliin mavaai.

²⁵ Nivmat ar Rabb Yasuuv al Masiiḥ mava ruuḥkum. Aamiin.