2 Dzɔ̌n 1 - To kə Kəzə̀ kə̀ Fughu ko

¹ Mùghò, Tsoʼ an ndughu e Kə̀zə̀, Ǹ tɔɔ wò mwàʼsò kən â ghù a Wìzən wəla Zə̀ kə̀ shîaa kɔʼ ghɛ̀ â ghê wɛ ghə̂a ghò. Ŋ̀ kûum ŋgěe ləghaa nù ghɛ, à kà yo ko mugho, ghî ghə̀n à dzə̀m ghe kwo səŋò zò lə̀ghaa sùghò nù ghɛ.

² Ǹ ləghaa ghɛ̀ bòʼ enyəa sɛ̀ kwo nû ghəa à səŋò ghò, səŋò zəa e lo doʼn təla a zəŋò sɛ̀.

³ To Kə̀zə̀, Tsele ù sɛ̀ ghèe Wɛ ù wə̄n, Yɛso Kə̀lestò mò dê sɛ̀ â dzɔ̀ e ghee zo àsùghò se è kwuso zo, ghe fughuu sughò sɛ̀ â bughuun zo, bòʼ enyəa sɛ̀ ti alo esəŋò àsùghò aŋghəa sɛ̀ ləghaa ghue zo a te.

Êsəŋò àsùghò ləgha zo

⁴ Mùghò mo ŋge duʼn nû aŋghəa mùgho mò bughò kôʼ wǒ wɛ ghə̂a a li ghò mo ghe mughu ko alo êsəŋò aŋghəa Tsele ù sɛ̀, Kə̀zə̀ mò dzɛ̂ naŋā â sɛ̀.

⁵ M̀ buʼu wò kə̀ ghu â ghû a Wìzən ù dzùŋ, à yò dzə̂ enyəa kən lò lâŋ kə fughu ko, à lo lâŋ kəla sɛ̀ ki ki tsəgha, enyəa: Sɛ̀ è ləghaa ghue e sɛ̀ zò tò waazə̂.

⁶ Ləgha zəla Ǹ dzâa fɛ moʼnlò enyəa, sɛ̀ è mughu an lâŋ kə Kəzə̀. Lâŋ kə̀là ghɛ̀ a dzə̀m mò zuw alekaʼa nughù wo, lò enyəa: Ghɛ̀ a dzə̀m ki aleləghaa ghue zɛʼɛ zo tò waazə̂.

⁷ Ndə̀mà tə ghî ghə agha tə n sə̀ ndùw am mbī, ghî ghəla ghe tuū maʼnlo enyəa Yɛso Kə̀lestò ka fə fɛ am mbī bughò dzə̀ to ghùw. Ŋgòʼ e ghì ghən lo ghî ghəla ghe sèe məŋso ghî ghò, lò sugho ghîikətuw a Yɛso.

⁸ E ghomlo nlò â ghue zɛʼɛ̄ zo, e kwo ko ghɛ̀ lô ŋgûŋ fəgha kəla ghɛ̀ lo mò ghɛ̀ m fwàʼ nàŋa ghè kò, kuuwn də̀ma tən tsughu ko nlò nû, tò ghɛ̀ ke kele mɛʼɛ̄ namso kɛʼɛ̄ ko kə dzə̀m.

⁹ Ghùw wəla ù ndùuw ko â sə ko, mo ù bɔ̌ɔm bwìi ndùw yò an tsʉ̀ è Kə̀lestò, ù fi baʼso tsughu a wə̄n gho a te, ghùw ù te yo dzə alo kəfəgha kɔ mɔ̀ʼ ghèe Zə̀ kò. Ghùw wəla ù mughu am tsʉ̀ e Yɛso Kə̀lestò, ù lò alo kəfəgha kə mɔ̀ʼ ghèe ghê Tsele àsùghò Wɛ.

¹⁰ Abugho ghùw bùghò a vʉ̀a ghɛ̀ mò ù kà bùghò â tsʉ̀ zən, e kwo ghɛ̀ lô nîi naāŋ wə̄n an ndughu alô ghɛ̀, ŋkāa ghɛ̀ buʼ fughu wə̄n â tɔɔŋ zo.

¹¹ Nu ghùw wəla ù kpeni ŋgòʼ è ghùw wə̄n fəla dòʼn ndùw sùghò tǒ wə̄n aŋ ghəa à biigh ghəla ù ghəŋlo.

¹² Ŋ̀ ki ndə̀mà tə aghəa aledzɛ̀ wô â ghɛ̀, yia Ǹ yo aletɔɔ̄ wô ghəa a te gho alo kəmwàʼsò. Ŋ̀ kuuwn mòʼnlò alebùghò kôʼ ghɛ̀ ghuūghùe waŋā enyəa sɛ̀ kə̂aa dzəə̄ŋ ndûw àghəa tò sɛ̀ ke e ŋge lo alo eduʼnlo.

¹³ Wɛ a wàazughù ù zən ghəla ghe tsɔʼ naŋā kɔʼ fɛ fughu wò ghɛ̀ â tɔɔŋ zo.