Tsiqeeq 1 - Akeu (Gaolkheel)

Tsiq eeq 1 Tsiq eeq nail haoqgavq iqmoeq ilmoeq khe pavq 1-41 Geeq laoq eeq nail tsaol-aq

¹ Haq eiv nail tsaol-aq juq-i mail gaq bivq nail bhai maq tsao the nail juq neq geeqlaoq eeq nail ngaol. Aqyu juq neq oeqbal nl nail tsaol-aq juq nail gailkhaol bhai maq thul phaol-ail. Miqyail bhai khal ge movq ail ge nail tsaol-aq juq nee tavq lai jil lai khi maq jaol deel-ail.

² Thail hai ngaol-aoq, Heeqphaq Miqyail nail aolthaq kovqthaq-ai nal daiq nail bhai lavqkhiq tsail khi nqkiv n-gaol maq ceiv lai dai aolthaq kovqthaq bhai noeq daiq dul daiq nail ngaol.

³ Aqyu juq neq, laoljaol daolbhaq bhai doevq nail aqbhaol khe-ai, dul nail ngaol. Aq bhaol al neq, yanq yaq lao tsaq dai aqheeq heeq khi aqpavq khuq lai nail maq bhao dai khal nl nail phaq geeqlaoq bhao nail ngaol.

⁴ Thail hai ngaol-aoq haqeiv nail tsaol-aq juq neq al hai maq dul dai lilmoel-i mail bhi bhoe jal-aivq nail khaq pheeq khe-ai, dul nail ngaol.

⁵ Haq eiv nail tsaol-aq juq neq Miqyail-i mail yalkhaq bhi dal khi oeqbal nl nail tsaol-aq juq neq tsaq nail daol nail tsaol-aq juq nail lavqkhoel bhai maq ya aol lai-ail.

⁶ Tsaq nail daol nail juq nail gailkhaol bhai neq Heeqphaq Miqyail hel daiq phail nail ngaol. Haq eiv nail tsaol-aq juq nail gailkhaol neq luq ail seil ail nail ngaol.