पहिला इतिहास 1 - पवित्तर बाइबिल

आदम स नूह तलक परिवारे क इतिहास

^1-3 आदम, सेत, एनोस, केनान, महललेल, येरेद, हनोक, मतूसेलह, लेमेक, नूह।

⁴ नूह क पूत सेम, हाम अउ येपेत रहेन।

येपेत क सन्तानन

⁵ येपेत क पूत गोमेर, मागोग, मादै, याबान, तूबल मेसेक अउर तीरास रहेन।

⁶ गोमेर क पूत असकनज, दीपत अउ तोगर्मा रहेन।

⁷ यावान क पूत एलीसा, तर्सीस, कित्ती अउर रोदानी रहेन।

हाम क सन्तानन

⁸ हाम क पूत कूस (मिस्रम), पूत अउ कनान रहेन।

⁹ कूस क पूत सबा, हबीला, सबाता, रामा अउर राब्तका रहेन। रामा क पूत सबा अउ ददान रहेन।

¹⁰ कूस क संतान निम्रोद संसार मँ सब स जियादा सक्तीसाली बीर जोधा भवा।

¹¹ मिस्र लूदी, अनामी, लहावी, नप्तही,

¹² पत्रूसी, कसलूही अउ कप्तोरी क बाप रहा। (पलिस्ती क लोग कसलूही क संतान रहेन।)

¹³ कनान सीदोन क बाप रहा। सीदोन ओकर पहिला पूत रहा। कनान, हित्तियन,

¹⁴ यबूसी एमोरी, गिर्गासी,

¹⁵ हिव्वी, अर्की, सीनी,

¹⁶ अर्वदी, समारी अउ हमाती क लोगन क भी बाप रहा।

सेम क सन्तानन

¹⁷ सेम क पूतन एलाम, अस्सूर, अर्पच्छद, लूद अउर अराम रहेन। अराम क पूत ऊस, हूल, गेतेर अउ मेसेक रहेन।

¹⁸ अर्पच्छद सेलह क बाप रहा। सेलह एबेर क पिता रहा।

¹⁹ एबेर क दुइ पूत रहेन। एक ठु पूत क नाउँ पेलेग रहा, काहेकि धरती क मनई ओकरे जीवनकाल मँ कइउ भाखन मँ बटे रहेन। पलेग क भाई क नाउँ योक्तान रहा।

²⁰ (योक्तान स पइदा भए अल्मोदाद, सुलेप, हसर्मावेत, येरह,

²¹ हदोराम, ऊजाल, दिक्ला,

²² एबाल, अबीमाएल, सबा,

²³ ओपीर, हवीला अउ योबाब, इ सबइ सब योक्तान क सन्तान रहेन।)

²⁴ सेम, अर्पच्छद, सेलह,

²⁵ एबेर, पेलेग, रु

²⁶ सरूम, नाहोर, तेरह

²⁷ अउर अब्राम (अब्राम क इब्राहीम भी कहा जात ह।)

इब्राहीम क परिवार

²⁸ इब्राहीम क पूत इसहाक अउर इस्माएल रहेन।

²⁹ इ सबइ एकर सन्तान अहइँ: हाजिरा क सन्तानन इस्माएल क पहिला पूत नबायोत रहा। इस्माएल क दूसर पूत केदार, अदवेल, मिबसाम,

³⁰ मिस्मा, दूमा, मस्सा, हदद, तेमा,

³¹ यतूर नापीस अउ केदमा रहेन। उ सबइ इस्माएल क पूत रहेन।

³² कतूरा इब्राहीम क रखैल रही। उ जिम्रान, योच्छान, मदान, मिद्यान, यिसबाक अउ सूह क जन्म दिहस। योच्छान क पूत सबा अउ ददान रहेन।

³³ मिद्यान क पूत एपा, एपेर, हनोक, अबीदा अउर एलदा रहेन। इ सबहिं कतूरा क पूत रहेन।

सारा क पूतन

³⁴ इब्राहीम इसहाक क बाप रहा। इसहाक क पूत एसाव अउ इस्राएल रहेन।

³⁵ एसाव क पूत एलीपज, रुएल, यूस यालाम अउर कोरह रहेन।

³⁶ एलीपज क पूत तेमान, ओमार, सपी, गाताम अउर कनज रहेन। एलीपज अउ तिम्ना क पूत अमोलेक नाउँ क रहा।

³⁷ रूएल क पूत नहत, जेरह, सम्मा अउ मिज्जा रहेन।

सेईर क एदोमी

³⁸ सेईर क पूत लोतान, सोबाल, सिबोन, अना, दीसोन, एसेर अउ दीसान रहेन।

³⁹ लोतान क पूत होरी अउ होमाम रहेन। लोतान क एक बहिन तिम्ना नाउँ क रही।

⁴⁰ सोबाल क पूत अल्यान, मानहत, एबाल, सपी अउर ओनाम रहेन। सिबोन क पूत अय्या अउ अना रहेन।

⁴¹ अना क पूत दीसोन रहा। दीसोन क पूत हम्रान, एसबान, यित्रान अउ करान रहेन।

⁴² एसेर क पूत बिल्हान, जावान अउ याकान रहेन। दीसोन क पूत ऊस अउ अरान रहेन।

एदोम क राजा

⁴³ इस्राएल मँ राजा लोगन क होइ क बहोत पहिले एदोम मँ राजा रहेन। एदोम क राजा लोगन क नाउँ इ सबइ अहइँ: ओनकर नाउँ रहेन: बोर क पूत बेला पहिला राजा रहेन। बेला क नगर क नाउँ दिन्हाबा रहा।

⁴⁴ जब बेला मरा, तब जेरह क पूत योबाब नवा राजा बना। योबाब बोस्रा स आएस।

⁴⁵ जब योबाब मरा, हूसाम नवा राजा भवा। हूसाम तेमनी लोगन क देस क रहा।

⁴⁶ जब हूसाम मरा, बदद क पूत हदद नवा राजा बना। हदद मिद्यानियन क मोआब देस मँ हराएस। हदद नगर क नाउँ अवीत रहा।

⁴⁷ जब हदद मरा, सम्ला नवा राजा भवा। सम्ला मस्रेकाइ क रहा।

⁴⁸ जब सम्ला मरा, साऊल नवा राजा बना। साऊल महानद क किनारे क रहोबोत क रहा।

⁴⁹ जब साऊल मरा, अकबोर क पूत बाल्हानान नवा राजा भवा।

⁵⁰ जब बाल्हानान मरा, हदद नवा राजा बना। हदद क नगर क नाउँ पउ रहा। हदद क मेहरारु क नाउँ महेतबेल रहा। महेतबेल मत्रेद क बिटिया रही। मत्रेद, मेज़ाहाब क बिटिया रही।

⁵¹ तब हदद मरा। एदोम क प्रमुख तिम्ना, अल्या, यतेत,

⁵² ओहोलीवामा, एला, पीनोन,

⁵³ कनज, तेमान, मिबसार,

⁵⁴ मग्दीएल अउर ईराम रहेन। इ एदोम क प्रमुखन क एक ठु सूची अहइ।