Sefaniya 1 - Amashiwi Aba Lesa

¹ Ili lisiwi lyaŵaYawe ilyaisile kuli Sefaniya, umwana wakwe Kusi, umwana wakwe Gedaliya, umwana wakwe Amaliya, umwana wakwe Esikaya, pansiku syakwe Josaya umwana wakwe Amoni, imfumu yakuJuda.

² Ŋkafyonala ukulukufisilisya lukoso ifintu fyonse pamenso aealo; efilukulaŵila ŵaYawe.

³ Ŋkasilisya lukoso neŵantu nenama; nekusilisya nefyuni ifyamwiulu nesaŵi ilyamucisiŵa, neficieilo pamo nembifi; kaŵili ŋkaŵapinika aŵantu ukuŵafumya pamenso aealo; efilukulaŵila ŵaYawe.

⁴ Lomba ŋkatambicila ukuŵoko kwanji paJuda napanjikale syonse isyakuJelusalemi; kaŵili ŋkapinika aŵasyelepo kuli Bala apa-pantu, nesina lyaŵaCemali pamo neŵapapatilisi;

⁵ naŵaŵo kaŵili aŵaŵomba kwiŵumba lyakwiulu peulu pamaŋanda; naŵaŵo aŵaŵomba, aŵalapa kuli ŵaYawe ili ŵalapa Malikomo;

⁶ naŵaŵo aŵabwesiwa ukuleko'kuŵalonda ŵaYawe; naŵaŵo aŵataŵafwaile ŵaYawe neii kwipusya-po ifyakuli ŵo.

⁷ Koikele eelele pakulukuli-po ŵaSikulu Yawe; pakuti akasuŵa kaŵaYawe kali apepi; pakuti ŵaYawe ŵaansika umulambu, nekuŵaswesya aŵensu aŵo ŵaitile.

⁸ Popele, pakasuŵa kamulambu waŵaYawe, pakaŵa ati ŋkapama utufumu, neŵana ŵamfumu, naŵaŵo ŵonse aŵafwite ifyakufwala fyabwensu.

⁹ Nakaŵili pakasuŵa ako ŋkawapama ŵonse aŵakusotoka pacibwambilo, aŵesusya iŋanda yaŵawisikuluŵo uwuŋgwa nekutumpaika.

¹⁰ ŴaYawe ati: Pakasuŵa ako pakalukuli icipupa cakulila icakufuma kumusiko wesaŵi, nemusowa uwakufuma kumupunda waŵuiŵili, nekusansaika nsa nsa nsa ukufuma kumapili.

¹¹ Kamusowakana, mwenjikale isyakuMakatesi, pakuti aŵolisi ŵonse walionaicile; ŵonse aŵo aŵapintile isilifa ŵalipinicilwe.

¹² Lomba pampindi iyo pakawa ati ŋkalukufwaya-fwaya mujelusalemi nenyale; eli ŋkawacito'mulandu aŵantu aŵo amasiwa aŵo akatama pansi, aŵalukulaŵila mumitima yaŵo ati: ŴaYawe tekuti ŵacite ifiweme neli kucita ifiŵipile.

¹³ Peŋka uŵuŵile bwaŵo ŵukaŵa fyakutapwa, nemananda aŵo nekuŵa konalwa; icine, ŵakeŵaka amananda, sombi taŵakekala-mo; wakalimba mumaŵala amifaina, sombi taŵakanwa-po imfaina syakuko.

¹⁴ Akasuŵa kaŵaYawe akakulu kali apepi; kali apepipepi, kalukwaŋgufya, esiwi lyakasuŵa kaŵaYawe; umuntu wamakosa alukulililo'ko nekulila kwansoni isikulu.

¹⁵ Ako-kasuŵa kasuŵa kaŵukali, kasuŵa kalupensyo nekukululuka, kasuŵa kakonaika nekonalwa, kasuŵa kamfinsi nematesi, kasuŵa kamakumbi nekufita bwii,

¹⁶ kasuŵa kalupeŋga neŋgwele, akakuwucila imisi yamaliŋga nemananda aŋkondo atali.

¹⁷ Peŋka ŋkafisya paŵantu ukukululuka, ati ŵakalukwenda koti nimpofu, pakuti ŵalukucite'fiŵipile kuli ŵaYawe; popele imilopa yaŵo iketululwa koti likuŋgu, nemunefu waŵo koti tufi.

¹⁸ Neli lisilifa lyaŵo neli ligolide lyaŵo talikesiŵa ukuŵapulusya pakasuŵa kaŵukali bwaŵaYawe; sombi icalo eonse cikalikwa kumulilo waŵukwa bwaŵo; pakuti ŵakaŵasilisya nekusilisya ukwakutinisya aŵo ŵonse aŵalukwikala paealo.