Jona 1 - Amashiwi Aba Lesa

¹ Lombe'siwi lyaŵaYawe lyaliisile kuli Jona umwana wakwe Amitai, ati:

² lma, koya kuNinife, kuli woyo-musi ukulu makosa, ukauŵilicile ukuusinina; pakuti ukuŵifya kwaŵantu aŵo kuliisile pamenso anji.

³ Sombi Jona waliimine ukulukuya kuTasisi ukufyuka pamenso aŵaYawe; lomba aliile kuJopa, nekusaŋgano'bwato uŵulukuya kuTasisi; peŋka kaapatale' ndalame'syalwendo, kaeeila-mo, ukulukuya naŵo kuTasisi, ati mfume pamenso aŵaYawe.

⁴ Sombi ŵaYawe ŵalitumine icipupu icikulu pacisiŵa, lomba kwaliŵucile nekutukala ukukulu pacisiŵa, fyopele'fyo ubwato bwati ŵukakonoke.

⁵ Peŋka aŵoŵesi kaŵaŵa nemwenso, nekulilila ŵalesa ŵaŵo ŵonse; lomba kaŵaposa mucisiŵa ifintu fyamaŵoni ifyali mubwato, ati tuŵupufye. Sombi Jona kale aile mukati lukoso mubwato, walilele mutulo ukwakuti.

⁶ Popele apo umwine wabwato waliisile kuli ye, nekulaŵila kuli ye ati: We, uli mutulo, mbasyani ulele? Wuka! Ulilile kuli ŵaLesa ŵoŵe, kani cipale ŵaLesa ŵakutulaŋguluka, twifwa!

⁷ Lomba ŵalukuŵulansyanya ŵonse ati: Twendeni, ŋgatuteye ifipa ati tukesiŵe ati nipakuti pali nani kwatuficila ukukatasyo'ku. Peŋka kaŵateye'fipa; kacimwikata Jona icipa.

⁸ Peŋka'po ŵalilaŵile kuli ye ati: Tulukukukombetela ati utuŵule ati nipakuti pali nani kwatuficila ukukatasyo'ku. Mbemilimo yoŵe ulacite'ndo? Mbolifumine kulipi? Mbakuealo cakwenu kwisa? Mbaŵesa-ŵantu aŵakwaŵenu?

⁹ Naye kaaŵaŵula ati: Neŵo enemuEbeya; ndatonda ŵaYawe, Lesa wakwiulu, awaleŋgele necisiŵa napamutunta apomine.

¹⁰ Popele aŵantu kaŵasuswo'kwakuti, nekulaŵila kuli ye ati: Mbaeindo ici ucitile? Pakuti aŵantu ŵaliisiŵile ati alifyueile pamenso aŵa Yawe, pakuti kale aŵaŵulile.

¹¹ Popele apo ŵalilaŵile kuli ye ati: Mbatukucite syani, ati eituŵele iciŵombe icisiŵa? Pakuti icisiŵa kacitukalo'kwakuti makosa.

¹² Naye kaalaŵila kuli ŵo ati: Njimyeni, mumpose mucisiŵa, ifyo cakumuŵeleni iciŵombe icisiŵa: pakuti ndiisiŵile ati ukutukalo'ku ukukulu kuli pali mweŵo pakuti pali neŵo.

¹³ Naŋgawe' fyo aŵantu ŵalioŵele makosa ati tulibwesesye kumutunta; sombi kacikaŋga: pakuti icisiŵa calicilile makosa ukutukala pali ŵo.

¹⁴ Pakuti pali fyefyo ŵalililile ŵaYawe, ati: Tulukumukombeteleni, mweŵaYawe, tulukumukombeteleni ati mwisumina ati tonalwe pakuti pamweo wamuntu uyu, neli kutwesya fweŵo ati ŵamulandu wamilopa iswetele; pakuti mweŵo, mweŵaYawe, mwacita koti kutemwa kwenu.

¹⁵ Peŋka'po kaŵamwimya Jona, kaŵamuposa mucisiŵa; necisiŵa lomba kaeileka ukupuputwa kwaciko.

¹⁶ Popele apo aŵantu ŵaliŵatondele ŵaYawa ukwakuti: nekuposo'mulambu kuli ŵaYawe, nekulapa nefilapo.

¹⁷ Lomba ŵaYawe kale ŵatumine icisaŵi icikulu iciŋgamumina Jona; kaŵili Jona waliikele munda yacisaŵi utusuŵa tutatu nemasiku nao atatu.