2 Timote 1 - Amashiwi Aba Lesa

¹ NePaulu, nentanjisi yaŵaKlistu Yesu kukufwaya kwaŵaLesa, koti kulaya kwaMweo uyo uli muli ŵaKJisiu Yesu,

² ndukukulembela Timote, wemwana wanji untemenwe; pekale uluse neŋkumbu neŵutende, ubwakufuma kuli ŵaLesa ŵaWisifwe nakuli ŵaKlistu Ycsu ŵaSikulu ŵesu.

³ Ndukutota ŵaLesa, aŵo mpyunjila nacimaŋga uswetele koti nifyopele'fyo ifi ŵalukucita ŵawisifwe, ati nsilukuleko' kukulaŋguluka pakulukulomba; uŵusiku nekasuŵa

⁴ ndukufwaisyo'kukuŵona, nekulukulaŋguluka iminsosi yoŵe, ati ŋkesule ukusaŋgalala;

⁵ ili ndaŋgulusiwe ukueetekela ukwakuŵulo'kutumpaika ukuli muli weŵo, ukwatanjile ukwikala muli ŵaLoisi ŵakapa ŵoŵe namuli ŵaYunike ŵanoko; kaŵili ndukueetekela ati namuli weŵo.

⁶ Pakuti paeeŵo ico ndukukulaŋgulusya ati ukaŵusye impese yaŵaLesa, iyo ili muli weŵo pakuti pakukutintila-po iminwe yanji.

⁷ Pakuti ŵaLesa taŵatupele-po umupasi wamwenso, sombi ŵalitupele umupasi wamakosa neŵutemwe nekueenjesya.

⁸ Tekulukuŵa nensoni lomba pakuti pali ŵumboni bwaŵaSikulu ŵesu, neli bwanji neŵo nekaili waŵo, sombi ulukusomenwa ukupeŋga pamo nafweŵo muCeŵo Iciweme, koti makosa aŵaLesa,

⁹ awatupulwisye, nekutwita nekwita ukuswetelele, tekoti milimo yesu, koku, sombi koti kufwaya kwaŵo aŵene ukulandicile neluse, ulwapelwe kuli fweŵo muli ŵaKlistu Yesu, lomba tasiŋgatatika impindi syamuyayaya,

¹⁰ sombi lulibwenekele ŵukumo pakuti pakuŵoneka Aŵakupulusya ŵesu Klistu Yesu, aŵayalwile yalukoso imfwa, nekuleta apaswetele umweo nekuŵulo'kufwa pakuti paCeŵo leiweme,

¹¹ ico nasalulwilwe mukutulisya, nintanjisi, musambisi uwakuŵenafyalo.

¹² Pakuti paeeŵo ico ndukusomenwa nafifi-fintu; sombi nsikwete-nsoni; pakuti ndiŵesi aŵo aŵa nectekele, nekwisiŵisya ati ŵali nemakosa akulame'ci naŵapele ukufika nakukasuŵa ako.

¹³ Ikatisya akesiŵilo kamasiwi akosele aweme, awaumfwile kuli neŵo, mukueetekela namuŵutemwe uŵuli muli ŵaKlistu Yesu.

¹⁴ Ico-cintu iciweme icapelwe kuli weŵo ulukueilama muMupasi Uswetelele uwikala muli fweŵo.

¹⁵ Ifi uliisiŵile ati ŵalimfutatile ŵonse aŵamuealo caAsya; mwiŵumba lyaŵo emo ŵali Fugelo naElimogene.

¹⁶ ŴaSikulu ŋgaŵaŵacitile'ŋkumbu aŵamuŋanda yakwe Onesifolo: pakuti aliŋkatulwisye liŵili liŵili, taaŵele nensoni pakuti paminyololo yanji;

¹⁷ sombi ili ali muLoma, alukumfwaya-fwaya muŋkonsya, nekumbona,

¹⁸ (ŵaSikulu ŵamusumine ati akaŵone iŋkumbu kuli ŵaSikulu akasuŵa ako); kaŵili uliisi bwino ifintu ifyo ifinji ifi ampyunjile kuEfesa.