Zefaniah 2:10 - Bible Ni Thothup

¹⁰ Ireram rogon e girdi’ nu Moab ngu Ammon ni bay ni gechig nagrad ko tolngan’ rorad nge ferad taf nge fan e ur yab’iyed e girdi’ rok SOMOL ni Gubin ma Rayag Rok.

Zefaniah 2:10 Kruisverwysings

1 Kronicles 16:21

Machane de pag Got be’ nge gafgow nagrad; bochan ni nge yoror rorad me motochiyel ko pi pilung ni ga’ar:

Exodus 10:3

Ma aram me yan Moses nge Aron ngak Farao, me lungurow ngak, “Ba’aray e thin nike yog SOMOL, ni ir e Got ko Hebrew, ‘Uw n’umngin nap’an ni ngu’um par ndab mu rin’ e tin gu be yog? Mpag e girdi’ rog ngranod ngar meybilgad ngog.

Exodus 9:17

Machane ka ga be togopluw ngak e girdi’ rog u fithik’ e tolngan’, ndamur pagrad ngranod.

Isaiah 16:6

Me ga’ar e girdi’ nu Judah, “Ku gu rung’aged rogon feni uf uf e girdi’ nu Moab. Gamad manang ni yad ba tolngan’ ma yad ba ufanthin machane dariy ban’en ni ngar ufgad ngay.”

Jeremiah 12:14

I SOMOL e be ga’ar, “Bay ban’en ni nggog u murung’agen e pi’in yad bbuguliyoror yu Israel ni yad e ka ra kireb niged fare but’ ni gu pi’ ngak e girdi’ rog nu Israel. Bay gu chuweg e pi’in kireb ko nam rorad ni bod ba ke pan nni pug, ma bay gu ayweg piyu Judah u pa’rad.

Jeremiah 48:14

“Gimed e pumo’on nu Moab, mang ni gimed be yog ni gimed bogi falu’, nike gagyel fanmed falu’ u fithik’ e mael?

Jeremiah 48:29

Moab e ri ba ufanthin! Kug rung’ag feni ufanthin, tolngan, nge girdi’ nma moningnag, nge rogon ni yad ba uf ngorad.

Lamentations 1:9

Feni alit e ba mom ni yira guy, machane de dag nike magfan’ ko mang e ke buch rok. Ir nike thay e rib gafgow; dariy be’ nra fal’eg lanyan’. I gel e pi to’ogor rok me yor ngak SOMOL ni ngan runguy.

Ezekiel 25:6

“Ba’aray e n’en ni be yog SOMOL ni Th’abi Tolang: gimed be way ma gimed be og ngalang ko felfelan’. Ni gimed be fananikan e nam nu Israel.

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

Obadiah 1:11

Mu gilaf ngam telem u orel u nap’an ni t’ar e pi to’ogor e garog rorad nga but’, ta’reb fanam kireb ngak e pi girdi’ nu bang nem ni kar feked e fla’ab u pa’ yu Jerusalem kar f’othed u dakenrad.

Obadiah 1:3

Tolngan’ rom e ir e ke ban nigem. Tochuch rom e kan yororiy ko war nib el; tafnam e bay ngalang u fithik’ e pi burey, ma kam ga’ar u wun’um, ‘Mini’ e rayag rok ni girngiyeg nga but’?’

Zefaniah 2:8

Be ga’ar SOMOL ni Gubin ma Rayag Rok, “Kug rung’ag ni be yog e girdi’ nu Moab ngu Ammon e thin nib kireb ma yad be moning nag e girdi’ rog. Yad be yog nib sororad ma bay ra koled u fithik’ e yargal e binaw rok yu Judah.

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”