Psalms 44:2 - Bible Ni Thothup

² rogon ni go’ gur ma ga tuluf fa pi girdi’ ni dar nanged Got nga wuru e nam rorad, ma ga tay e tirom e girdi’ nga taferad ngar suwyed; nge rogon ni mu gechignag boch e nam, ma ga gagiyegnag e girdi’ rom nge fel’ rograd.

Psalms 44:2 Kruisverwysings

2 Samuel 23:12

machane me dugil Shammah u luwan u lan fagi flang’, nge yoror riy, me thang e fan rok fapi Filistine. Me gel SOMOL ko mael e rofen nem nrib fel’ rogon.

2 Samuel 7:10

Bay gu duwgiliy bang ni nge par piyu Israel ni girdi’ rog riy, mu gu tayrad ngu’ur pired riy ndakuriy be’ nra pigi cham ngorad. Nap’an nrabad ngalan e re nam ney ma be yib e girdi’ ni kireb i cham ngorad, machane biney e pa’ e bayi tal. Bay gu yororiyem rok urngin e pi to’ogor rom, mug gagiyegnag nge yib e pi’in owchem.

Psalms 105:44

Me pi’ boch e nam ngar tafned, ni tafen yugu boch e girdi’, me gagiyeg nagrad ngar fi’iyed e woldug rorad,

Psalms 78:55

I tuluf e girdi’ riy nnap’an ni be yib e tirok e girdi’ i yib; me f’oth e binaw rorad u pa’ e ganong nu Israel me pi’ taferad ko tirok e girdi.

Exodus 10:2

ma fan e nge yag ni mu weliyed ngak pifakmed nge fak pifakmed nga rogon ni gu balyangnag piyu Egypt ko ngiyal’ ni gu ngongliy fapi maang’ang u fithik’rad. Ma gimed gubin ni bay mu nanged ni gag SOMOL.”

Exodus 15:17

Bay mu fekrad i yan ngam man mu tayrad ko burey rom, ni fa gin’em ni gur, SOMOL, e mu mel’eg ni tabnaw rom, ni fare Tempel ni ri gur e mu toy.

Exodus 15:19

Yu Israel e ranod ngar th’abed e day nga barba’ u daken e but’ nib mlik. Machane nap’an ni yib e pi chariot rok yu Egypt nge pi os rorad nge pi’in yad be yannag nga maday, me fulweg SOMOL e day nge thareyrad.

Exodus 23:28

Bay gu k’ar mrus ko pi to’ogor romed nib tomgin; bay gu tuluf piyu Hiv, piyu Kanaan, nge piyu Hitt, nnap’an ni gimed be yan i yan nga m’on.

Exodus 34:11

Um fol ko fapi motochiyel ni bay gu pi’ ngom e daba’. Bay gu m’on rom nggu tuluf piyu Amor, nge piyu Kanaan, nge piyu Hitt, nge piyu Perez, nge piyu Hiv nge piyu Jebus ngar chuwgad.

Isaiah 51:9

SOMOL, mu’ od ngam aywegmad! Mu maruwel nga gelngim ngam aywegmad; mu maruwel ngay ni bod ni mu rin’ kakrom. I gur faram e mu theth’ab fare gamanman nu maday ni Rahab nge yochyang.

Jeremiah 32:23

Machane fa’an rabad ngalan e re binaw ney nge mil suwon e gubin ban’en ngorad, ma da ur folgad ko pin’en ni u mog ni ngan rin’ ara ur pired ni bod rogon ni um machibnag; ma da rin’ed e tin mog ni ngar rin’ed. Ere ka mu fek urngin e pi gafgow ney nga dakenrad.

Numbers 13:32

Miyad weliy u fithik’ e girdi’ nu Israel i yan bogi n’en nde riyul’ ni murung’agen e re nam nem ni kar lekged. Ra ga’argad, “Woldug ni be tugul ko re nam nem e der gaman e girdi’ riy. Urngin e girdi’ ni gguyed e yad n’un’uw,

Deuteronomy 32:7

“Mu leam niged e som’on, ko fangiyal’ ni kakrom, mu fithed e chitamangimed nge weliy ngomed murung’agen e tin ni m’ug e ngiyal’nem, mu fithed e pilibthir nge weliy ngomed murung’agen e kakrom.

Deuteronomy 4:38

me tuluf girdi’en e pi nam ni ba ga’ ma ba gel ngomed, ni fan e nge yag ni mmarod ngalan e nam rorad nge pi’ nga pa’med, ni nge par ni tafenmed nge mada’ ko daba’.

Deuteronomy 7:1

“SOMOL ni Got romed e bayi fekmed i yan ngalan fare nam ni ngam pired riy, me tuluf bo’or e nam ni bay riy ngar chuwgad u lan fare nam ni aram e pi Hittite, Girgashite, Amorite, Kanaanite, Perizzite, Hivite, nge pi Jebusite, ni medlip i nam ni yad ba ga’ ma yad ba gel ngomed.

Joshua 10:11

Nap’an ni yad be mil rok piyu Israel i yib nga p’ening u daken fare pa’ i kanawo’ ni yib u Beth-horon nga Azekah, me yin’ SOMOL e ayis ni gang’ yang u lang nga dakenrad ngarm’ad. Pire’ e tin ni yim’ ko re ayis nem ko tin i li’ piyu Israel.

Joshua 10:42

Gubin e pilung ntaferad e yu ngin’ey ni go’ gel Joshua ngorad me fekrad nge binaw rorad ni bochan e SOMOL ni Got rok yu Israel e be cham ni pa’ yu Israel.

Joshua 11:23

Me kol Joshua fare nam ni ga’ngin, ni bod ni yog SOMOL ngak Moses. Me pi’ Joshua fare nam ngak piyu Israel ngar tafned miyad tay e f’oth riy nra reb e ganong ma bang. Ma aram me toffan e girdi’ ko mael.

Joshua 21:43

Ere SOMOL e pi’ fare nam ni ga’ngin ngak piyu Israel, ya ri michmicheg ngak e pi chitamangirad kakrom nra pi’ ngorad. Nap’an ni yag ngorad, miyad par u rom.

Joshua 24:12

Mu gu gagiyegnag ngar rusgad u nap’an ni gimed be yan i yan nga m’on ni bochan e nge mil fa gal pilung ko pi Amorite ngar chuwgow ko nam rorow. Saydon romed nge gat’ing romed e gathi ir e gagiyegnag nge yodrom.

Joshua 3:10

Daba’ e bay mu nanged ni fare Got ni be par nib fos e bay romed; nap’an ni bay mmarod i yan nga m’on ma ir e bayi tuluf piyu Kanaan ngar chuwgad, nge fapi girdi’ ni kanog e Hittite ngorad, nge Hivite, nge Perizzite, nge Girgashite, nge Amorite, nge Jebusite.

Judges 6:13

Me ga’ar Gideon ngak, “Siro’, rayag ni gu fith ngom e re bugithin ni ba’aray? Fa’anra bay SOMOL romad me ere mangfan urngin e pi gafgow ney nike yib ngomad? Mang e ke rin’ urngin fa pin’en ni bfel’ nma weliy pi chitamangimad murung’agen ngomad ni i rin’ SOMOL, ni murung’agen rogon ni fekrad nga wuru’ yu Egypt? I SOMOL e ke pagmad. Ke n’agmad nga pa’ piyu Midian.”