Psalms 33:3 - Bible Ni Thothup

³ Mon’ed reb e tang nib be’ech ngak, mu chubeged e harp nge mus rogmed riy, mi gimed tolul’ nib ga’ lam’ed!

Psalms 33:3 Kruisverwysings

1 Kronicles 13:8

nnap’an ni be churu’ David nge urngin fapi girdi’ ni karimus rograd ko liyor ni yad be tay ngak Got. Yad be tang ma yad be chubeg talin e musik ni harp, drum, cymbal, nge rappa’.

1 Kronicles 15:22

Me Kenaniah e ni mel’eg ni nge milfan e girdi’en e musik ko pi Levite ngak, ni bochan e be’ nrib salap ko musik.

1 Kronicles 25:7

Gubin e re rliw’ nge aningeg i pumo’on ney ni go’ yad ba salap; nge pi Levite ni pichongrad e ri yad ba salap ko musik. Gubin e pi pumo’on ney u gubin e 288.

2 Kronicles 34:12

Pi pumo’on ni ur ngongliyed fare maruwel e ri yad ba yul’yul’. Aningeg e Levite ni aram i Jahath nge Obadiah ko fare ke girdi’ rok Merari, nge Zekariah nge Meshullam ko fare ke girdi’ rok Kohath e yad e uroged rogon e re maruwel ney ni nge yan ko pi pumo’on nem. (Gubin yu Levi ni go’yad ba salap ko musik.)

Psalms 144:9

A Got, bay gon’ reb e tang nib be’ech ngom; bay gu chubeg e harp mu gu tang nigem.

Psalms 149:1

Ke sorok SOMOL! Nga non’ reb e tang nib be’ech ngak SOMOL; ngan pining e sorok ngak u lan e mu’ulung ko girdi’ rok nib yul’yul’!

Psalms 40:3

Me fil ba tang nib be’ech ngog, nib tang ni yibe pining e magaer ngak e Got rodad. Pire’ e girdi’ ni bay ra guyed e ren’ey me yib madgun SOMOL u wun’rad me par ni SOMOL e yad be toer ngak.

Psalms 40:4

Ba felfelan’ e en ni SOMOL e be toer ngak, ma dar cheal nge toer ngak e pi liyos, ara un ko meybil rok e pi’in yad ma tayfan e pi got ni go’ bogi ban’en.

Psalms 96:1

Mu tang niged SOMOL nga ba tang nib be’ech! Gimed e girdi’ nu fayleng ni polo’, mu tang niged SOMOL!

Psalms 98:1

Nga nin’ ba tang nib be’ech ngak SOMOL; ya tin ke rin’ e rib th’abi fel’! Ba’ ni mat’aw i pa nge pa’ nib thothup e ke gelnag.

Isaiah 42:10

Mon’ed ba tang nib be’ech ngak SOMOL; fayleng ni polo’, mu tanggad ni gimed be pining e sorok ngak! Gimed e pi’in gimed be milekag u lan e day, mpininged e sorok ngak; gimed urngin e yafos nu maday, mpininged e sorok ngak! Gimed e pi nam ni gimed bmal’af nge girdi’ ni be par riy e ngam tanggad!

Efesus 5:19

Ra bigimed ma ngi i welthin ngak bigimed u fithik’ e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Somol ni gimed be yin’ e tang ni machib, nge tang ni thin rok Got ni bay ko Psalm, ni gimed be pining e sorok ngak u fithik’ i lanin’med.

Kolose 3:16

Thin ni ir e bth’ab feni fel’, ni weliy Kristus e thangri i par ni polo’ u lanin’med. Um filed ngomed ma gimed be fonow nagmed ngay u fithik’ e gonop. Umon’ed e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Got ni gimed be pining e magaer ngak Got u wun’med.

Revelation 14:3

ni kar sak’iygad ni yad ba sap nga tagil’ Got nge ngak fa aningeg i n’em ni yad ba fos nge pi’in pi’ilal, miyad yin’ ba tang nib be’ech ndariy be’ nra mit ngak ya kemus ni fare ra’ay nge aningeg i ragag nge aningeg i biyu’ i girdi’ ni kan biyuliyrad u fayleng e ke mit ngorad.

Revelation 5:9

Miyad yin’ ba tang nib be’ech ni ga’ar: “I gur e bay rogom ni ngam fek fare gi babyor ni kan bachiy ngam guchthuy fapi hang riy. Ya nli’em nga mum’, ma racha’em ni map’ u kuruth e ir e mu chuw’iy e girdi’ ngay ni ngar manged girdi’en Got, ni girdi’ u urngin e ganong, nge thin, nge gubin mit e girdi’, nge nam.