Psalms 132:5 - Bible Ni Thothup

⁵ nge yan i mada’ ko ngiyal’ ni nggu pir’eg bang ni nge par SOMOL riy, ni nge mang tabinaw ngak fare Got rok Jakob, nib Th’abi Gel Gelngin.”

Psalms 132:5 Kruisverwysings

Efesus 2:22

Ku errogon gimed ni kan chagiymed ngak Somol nge ngak e tin kabay e girdi’ kan ngongliymed kam ngal’gad nib naun ni ir e ma par Got riy u daken e Kan Nthothup rok.

2 Kronicles 2:6

Machane ri dariy be’ nrayag rok ni nge toy ba tempel ni fan ngak Got, ya mus nga ga’ngin lan e tharmiy u lang ma dabi taw ngay. Ere gag mini’ ni nggu toy e tempel rok, gur kemus ni bang i n’en ni ngu’un urfiy e incense riy ngak Got?

1 Kronicles 22:7

Me ga’ar David ngak, “Fakag, gu leamnag ni nggu toy ba tempel ni nggu liyor ngak SOMOL ni Got rog riy.

Isaiah 66:1

Be ga’ar SOMOL, “Tharmiy e tagil’ig, ma fayleng e gu ma gifeg e rifrif u eg ngay. Ere be mang e mit i naun e ngam toyed ni nggu par ngay?

1 Kronicles 15:12

Me ga’ar ngorad, “Gimed e pi tayugang’ ko Levi. Mu machalbog niged gimed nge pi’in gimed ni pi Levite, ya nge yag nim feked fare Kahol ko M’ag rok SOMOL ni Got nu Israel i yan ko gin ku gu ngongliy ntagil’.

1 Kronicles 15:3

Aram me kunuy David e girdi’ nu Israel ni gubin nga Jerusalem ni bochan e ngan fek fare Kahol Ko M’ag i yib ko gin ke fal’eg rogon ntagil’.

1 Kings 8:27

“Machane gur, rayag ni nge par Got u fayleng? Tharmiy ni ga’ngin e dab mu taw nga langgin, ere dabiyag ni ngam taw ngalan e re Tempel ney ni kug toy.

2 Samuel 6:17

Miyad fek fare Kahol ko M’ag ngranod ra ted nga tagil’ u lan fare tent nike ngongliy David ni ngan tay ngay. Me pi’ David e gamanman ni maligach ngak SOMOL nge pin’en ni nge fal’eg thilin SOMOL nge girdi’.

2 Samuel 7:1

Re ngiyal’ i n’ey e ke par David ni Pilung ni ir e be gagiyegnag girdi’en e nam rok, me par SOMOL nike yororiy David rok urngin e pi to’ogor rok.

1 Kings 8:17

Me ul ul Solomon ngay nge ga’ar, “Chitamag i David e leamnag ni nge toy ba tempel ni ngu’un liyor ngak SOMOL ni Got rok yu Israel riy,

1 Kronicles 28:2

Me sak’iy David nga p’eowcherad me ga’ar ngorad: “Gimed e pumo’on ko nam rog, motoyilgad ngog. Kug leamnag ni nggu toy tafen fare Kahol ko M’ag, ni nge tagl’iy rifrifen ay SOMOL ni Got rodad. Ku gu t’ar madlin ba tempel ni ngan toy ni ngu’un liyor ngak riy,