Psalms 127:1 - Bible Ni Thothup

¹ Fa’anra gathi SOMOL e be toy ba naun, ma maruwel ko pi’in be toy e mm’ay fan; fa’anra dabi yoror SOMOL u bbinaw, ma mm’ay fan e pi’in yad be matanagiy.

Psalms 127:1 Kruisverwysings

1 Kings 5:12

I SOMOL e tay u gil’ e n’en ni micheg nge pi’ e gonop ngak Solomon. Mi i par ni bfel’ thilin Hiram nge Solomon, miyow ngongliy e tha’ u thilrow.

1 Kronicles 28:10

Thingar mu nang ni SOMOL e ke mel’egem ni ngam toy e Tempel rok nib thothup. Ere mu ngongliy e chiney ni dab mu sulsul riy nga tomur.”

1 Kronicles 28:20

Me ga’ar David ni Pilung ngak Solomon ni fak, “Nge pagan’um me muthan’um. Mu tabab ko maruwel ma dab mu pag ban’en nge talegem. I SOMOL ni Got, ni ir e gu ma pigpig ngak e bayi par rom. Dabi pagem, machane ra par rom nge mada’ ko ngiyal’ ni kam mu’ i muruwliy fare Tempel rok.

1 Kronicles 29:19

Ma ga pi’ ngak Solomon ni fakag reb e leam ni bfel’ ni ngi i fol u gubin ban’en ni kamog ni ngan rin’, ma nge toy fare Tempel ni ku gu t’ar madlin ku gu tay.”

Psalms 120:1

Nap’an ni u gu moy u fithik’ e oloboch, mu gu pining SOMOL, me fuluweg lungug.

Psalms 121:1

Kugu sap ngalang ko fapi burey; uw e nge yib e ayuw riy ngog?

Psalms 122:1

Gu felfelan’ nnap’an ni lungurad ngog, “Ngdarod ko naun rok SOMOL!”

Psalms 123:1

SOMOL, gu be changar ngom ngalang, nga tharmiy ko gin ga be gagiyeg riy.

Psalms 124:1

Fa’an mang e da i moy SOMOL u ba’ rodad ma gadad ra di’in? Israel, mu pi’ e fulweg riy!

Psalms 125:1

Pi’in ma pagan’rad ngak SOMOL e yad bod fare burey ni Zion, ndariy liyben me rur, ma dabi mithmith bi’id.

Psalms 126:1

Nap’an ni fulwegdad SOMOL nga Jerusalem, ma gowa ba lik’ay!

Psalms 72:1

Got, mu fil ngak e en ni pilung rogon i turguy ban’en nib mat’aw, mu gagiyegnag nge rin’ e tin ba yal’uw ni bod gur,

Psalms 78:69

Me toy e Tempel rok u rom ni bod tafen u tharmiy; ni ngongliy nib mayluy ni bod e fayleng, ni dariy bingyal’ nra buch ban’en riy.

Proverbs 16:9

Rayag ni ngam tanomnag e pin’en ni ngam rin’, machane Got e be pow’iy e ngongol rom.

Eklesiastes 9:11

Ku gu nang reb e ban’en, u roy u fayleng ni pi’in yad bmachrag ko mil e gathi urngin yay ni yad ma m’on ko sagreng, nge cha’ nib falu’ e gathi urngin yay mma gel ko mael. Pi’in yad ba gonop e gathi urngin ngiyal’ ma ba gaman e tin nib t’uf ko yafos rorad, ma pi’in ba tamilangan’rad e gathi gubin ngiyal’ ma yad bfla’ab, ma pi’in yad ba salap ko gagiyeg e gathi gubin ngiyal’ ni yad ma yan ko liw nib tolang. Gubin e girdi mma buch wa’athan.

Tang Ko Pitang 3:3

Pi pumo’on ni matanagin e binaw e ra guyed gag. Mu gu fithrad, “Ka mu piri’egged e en ni gamareg?”

Tang Ko Pitang 5:7

Pi tamatnag ko binaw e ra pir’eged gag; miyad pirdi’iyeg ngar maad’adgad ngog; fapi matnag ni yad bay ko yoror ko binaw a ra gochthiyed e thal ni wuru’ e mad rog.

Isaiah 27:3

“Gu ma ayweg ma gu ma tarannag ni gubin ngiyal’. Gu ma matanagiy ni nnep’ nge rran ya nge dabi kirebnag be’.

Isaiah 56:10

I ga’ar, “Gubin e tayugang’ ni susun e yad e ngu’ur ginanged e girdi’ rog e yad bma’ew! Dariy ban’en ni yad manang. Yad bod e pilis ni matnag ndar tolul yad ma molmol u but’ i yan ngu’ur lik’aygad, ya ri yad ba’adag e mol!

Isaiah 62:6

Jerusalem, daken e pi rungrung rom e kug tay e pi matanag riy; ndab ra th’abed gulungurad nnep’ nge rran. Thingar ra puged wuran ngak SOMOL e tin i micheg dab ra paged nge pag talin.

Jeremiah 51:12

Mu daged e pow riy ni ngan buthug fapi rungrung nu Babylon. Mu yo’or niged e pi matnag! Mu ted e matnag! Mu ted e pi’in nge yan ko cham ko gin ngar mithgad riy!” I SOMOL e ke rin’ e tin ni yog nra rin’ ko girdi’ nu Babylon.

Jeremiah 51:31

Ke malay reb e mal’og nga daken reb yad be mil i yan ko fare pilung nu Babylon yad be yog ngak nike puth e yoror ko binaw rok u gubin raba’.

1 Korinth 15:14

ma fa’anra da ni faseg Kristus ko yam’, me ere dariy ban’en ni nggu machib niged murung’agen ngak e girdi’, ma dariy ban’en ni ir e nge michan’med ngay.

1 Korinth 3:7

Cha’ ni yung nge cha’ ni pu’og e ran ngay e gathi rib ga’ farow. Ya Got e ir e ba ga’ fan, yi ir e be pi’ gelngin e woldug be ga’.

Galatia 4:11

Kug rusnagmed! Gur aram e urngin e maruwel ni kug tay ni fan ngomed e ke yan i aw ndariyfan?

Deuteronomy 8:18

Dab mu paged talin ni SOMOL ni Got romed e ir e be pi’ gelngimed be yo’or ban’en romed. Be rin’ ni ara’ rogon, ni bochan e ka daba’ ma ku be par nib yul’yul’ ko fare m’ag ni ngongliy u thilrad e chitamangimed ni kakrom.

Joshua 2:2

Me rung’ag e pilung nu Jeriko murung’agrow ni lunguy, “Ke yib l’agruw ni’ u Israel ngaray e nep’ ney ni damit ni ngar nangew fan e nam!”