Numbers 8:22 - Bible Ni Thothup

²² Me rin’ gubin e girdi’ e tin ni yog SOMOL ngak Moses nib l’ag rogon ngak e pi Levite. Ma aram e ke bung rogon e pi Levite ni ngar maruwelgad u lan fare Tent u tan pa’ Aron nge pifak ni pumo’on.

Numbers 8:22 Kruisverwysings

2 Kronicles 30:27

Fapi prist nge pi Levite e ra ninged ngak SOMOL ni nge fal’eg wa’athan fapi girdi’. Me rung’ag Got e pi meybil rorad nga tafen nga tharmiy mab fel’ u wan’.

2 Kronicles 31:2

Miki ngongliy bayay Hezekiah ni Pilung fare ulung rok e prist nge pi Levite, nu lan e re ulung nem e ra be’ ma bay e maruwel rok ni kanduwgiliy. Pi maruwel ney e bmu’un ngay e maligach ni mo’oruf nge maligach nma gapaseg thilin Got nge girdi’, nge liyor u lan fare Tempel, nge sorok nge magaer ni yad be pining e gubin yang ko fare Tempel.

Exodus 12:50

Gubin piyu Israel nra folgad riy ngar rin’ed e tin keyog SOMOL ngak Moses nge Aron.

Numbers 1:50

Ya ngam tay e pi Levite ni yad e ngar maruwelgad ko Tent u p’eowcheg nge gubin tatalin e maruwel riy. Yad e bay urfeked i yan nge urngin tatalin e maruwel riy, ma bay ur pigpiggad riy, ma bay ra n’ufed e pi Tent rorad ngalang nib liyeg fare Tent.

Numbers 8:15

Nga tomuren ni kam machalbog nagrad ka mu pi’ rad ngog, ma aram e ke bung rogorad ni ngar maruwelgad u lan fare Tent.

Numbers 8:21

Pi Levite e ra machalbog niged yad miyad luknag e mad rorad, me pi’rad Aron nib tow’ath nib mal’eag ngak SOMOL. Ma aram miki bangbeng nagrad Aron ni ngar machalboggad.

Numbers 8:23

Me ga’ar SOMOL ngak Moses,