Numbers 4:5 - Bible Ni Thothup

⁵ Ra taw nga nap’an ni ngan n’ag gil’iy ni aram e ngan pug e Tent, me Aron nge pi pumo’on ni pifak e yad ra yan ngalan fare Tent, ngar pilged nga but’ fare gi kateng ni kan tining ngalang ni be rungrunguy fare Kahol ko M’ag, mra upunguyed fare Kahol ko rengi kateng nem.

Numbers 4:5 Kruisverwysings

1 Kronicles 15:15

Me fek e Levi fare Kahol ni kar mat’ niged, ni bod ni yog SOMOL ngak Moses.

1 Kronicles 23:26

Ere dakuriy rogon ni ngki fek e piyu Levi fare Tent u p’eowchen SOMOL nge gubin e pin’en ni yima fanay ko fare liyor.”

2 Kronicles 3:14

Mi ni ngongliy bangi kateng ni fen fa Gin Th’abi Thothup nni ngongliy ko mad ni wech nge ku boch ban’en mi ni k’ad ko ma’chaw ni ra’en mak’ef, nge purple, nge row, ni kan susunag ya’an e kerubim nga daken.

Exodus 36:35

Ra ngongliyed bangi kateng ko mad ni wech miyad lifith bunu’en e saf u fithik’ nib ra’en mak’ef, purple, nge row, miyad sisyunag ya’an e pi kerubim nga daken.

Exodus 40:3

Ma ga tay fare Kahol ko M’ag ni bay fare ragag i motochiyel u langgin, ma ga pag fare gi kateng nga mit.

Exodus 40:5

Ma ga tay fare altar nib gol ni fen e incense ni yima urfiy nga m’on ko fare Kahol ko M’ag mag tining fagi kateng u langan e mab ko fare Tent.

Isaiah 25:7

Mu roy e bayi chuweg riy e kireban’ nib tomgin ni bod e manileng nike gapopow nga daken gubin e nam.

Levitikus 16:2

I ga’ar, “Mog ngak Aron ni walagem ni fin ra taw nga nap’an me yan nga ba’ nem fa gi kateng ngalan fa Gin Th’abi Thothup, ya ireram e gin ni gu ma m’ug riy ni bangi manileng u puluwon upungen fare Kahol ko M’ag ngalang. Fa’anra dabi fol riy mra yim’.

Numbers 10:14

ma gubin ngiyal’ ni yad ra mithmith, ma yad beyan nikyad ba yaram. Pi’in bay u tan e flak ko fare raba’ i girdi’ ni be gafaliyrad fare ganong rok Judah e yad e som’on ko yan, ni yad be yan ni yu raba’, ni Nahshon nib mo’on ni fak Amminadab e ir e be gafaliyrad.

Numbers 4:15

Ma nap’an ra pig ni ngkur n’iged tagil’rad, ma fare ke girdi’ rok Kohath e ngarbad ni ngar feked fa pin’em nib thothup u tomuren nike mu’ Aron nge pi pumo’on ni fak i upunguy e pin’em nge gubin talin e maruwel riy. Fare ke girdi’ rok Kohath e thingar dabi math bagyad nga reb e pin’em nib thothup, ya ra yim’. Gubin ngiyal’ ni ngan mithmitheg fare Tent ma irera’ e pi maruwel ko fare ke girdi’ rok Kohath.

Numbers 4:4

Muruwel rorad e ba l’ag rogon ko pin’en nib thothup.

Numbers 7:9

Machane de pi’ Moses reb e wagon ara reb e garbaw ngak e girdi’ ni owchen Kohath, ni bochan e tin thothup ni yad ma ayweg e ngu’ur feked u daken porad.

Matthew 27:51

Ma aram e fa gi mad ni kan tining ngalang u Tempel e mogchoth u lang nga but’, nge par nike l’agruw yang. Me rur e but’, me pil e war,

Deuteronomy 31:9

Me yoloy Moses e motochiyel rok Got me pi’ ngak fapi prist ni pifak Levi, ni yad e bmil fan fare Kahol ko M’ag rok SOMOL ngorad ni ngu’ur feked nge ngak e pi’in yad be yog e thin rok yu Israel.

Hebrews 10:20

Ke bing ngodad reb e kanawo’ nib be’ech ngak Got, ni reb e kanawo’ nib fos nike yan i kuruf fa gi mad ni kateng ni bay u Tempel ni aram downgin.

Hebrews 9:3

Mu wuru’ e gin migid e mad ni kan pag u lang nga but’ e bay reb e senggil riy nike lunguy fa Gin Th’abi Thothup.

1 Samuel 6:19

I SOMOL e thang e pogofan rok medlip i ragag e pumo’on nu Beth Shemesh ni bochan e ranod ra chocho’gad ngalan fare Kahol ko M’ag. Me dolo’loy e girdi’ ni bochan e bo’or e girdi’ ni li’ SOMOL u fithik’rad.