Numbers 4:12 - Bible Ni Thothup

¹² Miyad fek urngin e pi tatalin e maruwel riy ni yima fanay u lane Gin nib Thothup ko fare Tent, ngar inged bang i mad nib ra’en mak’ef ko fa pin’em, min upunguy ngabang i keru’ e gamanman ni bfel’, ngar ted nga daken tagil’ e fek chugom.

Numbers 4:12 Kruisverwysings

1 Kronicles 9:28

Ku boch piyu Levi e ba milfan ngorad bangbengen e pin’en ni yima fanay ko gam’ing ko liyor. Yad ma the’eg e pin’em ko ngiyal’ ni kanfek nga waen nge ngiyal’ ni kan fulweg, ni gubin yay ni yad be maruwel ngay.

1 Kronicles 9:29

Ma ku boch i yad e be guy ni dabi buch ban’en ko tin ba’aram e talin e maruwel nib thothup, nge flowa, wayin, gapgep ni olive, incense, nge pi spice.

2 Kronicles 4:11

Miki ngongliy Huram e pi th’ib, nge pi sebel, nge taray. I mu’nag ni gubin e pin’en ni micheg ngak Solomon ni Pilung nra ngongliy ni fan ko fare Tempel: Fagal duga’ Fa gal raba’ i taray ni kan fal’eg u daken p’ebgul fagal duga’ Fa yukiyi chen ni kan lifith nib nunuw u p’ebugul baley fagal duga’ Fa 400 i ya’an e gek’iy ni pomegranate nib bronze ni kan ayliy ni l’agruw thal nib liyeg p’ebugul fagal duga’ Fa ragag i cart Fa ragag raba’ i dabiy Fare teng Fa ragag nge l’agruw i ya’an e garbaw ni pumo’on nma par fare teng u daken Fapi th’ib, nge sebel, nge fok Huram e ir e masta ko girdi’en e mongongol wasay ko gubin e pin’ey nib bronze ni kan gichiy, ni bod nike ta’chiylen Solomon ni Pilung, ni ngu’un maruwel ngay u lan fare Tempel rok SOMOL.

2 Kronicles 4:19

I Solomon ni Pilung e ki yog ni ngan ngongliy boch ban’en ko gol ni fen fare Tempel: fare altar nge pi tebel ni tagil’ e flowa ni yima ognag ngak Got;

2 Kronicles 4:22

nge fen e mathang nifiy ko magal, nge yu raba’ i taray, nge yu raba’ i pilet ni fen e incense, nge yu raba’ i th’ib ni yima fek e nifiy u langgin. Urngin e pin’ey ma ni ngongliy ko gol nib th’abi fel’. Fapi mab nib migid nga wuru’ fare Tempel nge pi mab ni yan ngalan e Gin Th’abi Thothup e ni ing ko gol.

Exodus 25:5

nge keru’ e saf ni pumo’on ni kan k’ad ko row; nge keru’ e kaming; nge ren ko gek’iy ni acacia;

Exodus 25:9

Ngar ngongoliyed nge urngin gathon nrogon ni bay gudag ngom.

Exodus 31:10

nge fapi madan e prist nrib gamog ni fen Aron nge pi pumo’on ni fak ni ngron’ed u nap’an ni yad be pigpig ni prist;

Numbers 3:8

Yad e nge milfan ngorad urngin tatalin e maruwel ko fare Tent mu’ur ngongliyed e maruwel ni fan ngak e tin kabay yu Israel.

Numbers 4:11

Me migid miyad pithig bang i mad nib ra’en mak’ef nga daken fare altar ni gol, ngar upunguyed ngabang i keru’ e gamanman ni bfel’, ma aram miyad yip’ e mat’ riy ngay.

Numbers 4:13

Yad ra chuweg e awat ko fare altar mar pithiged bang i mad nga daken nib purple.

Numbers 4:6

Ma ku yad ra upunguy nga bangi keru’ e gamanman ni bfel’, min pithig bang i mad nib polo’ i ra’en mak’ef nga daken, ngemu’ miyad yip’ e mat’ riy ngay.

Numbers 4:7

Ma fare tebel ni yima tay fare flowa ni kan pi’ ni maligach ngak SOMOL ngay e ngan pithig bang e mad nib ra’en mak’ef nga daken, min tay fa yu raba’ i plet nga daken, nge fa yu raba’ i dabiy ko incense, nge yu raba’ i dabiy ni fen e maligach, nge fapi rume’ ni fen e wayin ni maligach. Thangri gubin ngiyal’ ma bay e flowa u daken fare tebel.

Numbers 4:9

Mar feked bang i mad nib ra’en mak’ef ngar upunguyed ko fare tagil’ e magal, nge fapi magal, nge fa pin’en ni fen e mthang nifiy ko fapi magal, nge yu raba’ i plet riy, nge urngin fapi tafen e gapgep ni olive.