Numbers 34:13 - Bible Ni Thothup

¹³ Ma aram me ga’ar Moses ngak fapi girdi’ nu Israel, “Irera’ e binaw nrayag ngomed nike duwgil iip ko pow ni kan girengiy, ni fare binaw ni SOMOL e ke turguy ni ngan pi’ ko fa mereb nge balay e ganong.

Numbers 34:13 Kruisverwysings

Genesis 15:18

Chirofen nem e ngongliy SOMOL reb e m’ag u thilrow Abram, ni ga’ar, “Nggog ngom ni bay gu pi’ e re nam ney ni ga’ngin ngak e pi’in owchem, ni mus ko fare lul’ ni bay ko mathil u Egypt nge yan i mada’ ko fare lul’ ni ba ga’ ni Eufrates fithingan,

Ezekiel 45:1

Nap’an ni yira f’oth e binaw ni ngan pi tafen reb e ganong nge reb, ma bay bang riy ni yira pi’ ngak SOMOL. Ni regi binaw nem e ragag e mayel n’umngin ma meruk e mayel radan. Ga’ngin e re gin’em nra par nib thothup.

Mikah 2:5

Aram fan ndariy bigimed nrayag bang e binaw ngak ko rofen ni bay ku ni f’oth e binaw bayay u pa’ e tirok SOMOL e girdi’.

Numbers 26:52

Me ga’ar SOMOL ngak Moses,

Numbers 26:55

Ma ngan tay e f’oth ko yungi binaw nem ni bod urngin yang fithngan fapi ganong ko chitamangirad.

Numbers 34:1

I yog SOMOL ngak Moses,

Numbers 34:12

ma aram me yan ko yimuch ni be waliy e lul’ nu Jordan nge yan ko Dead Sea. “Nge par ni irera’ e re aningeg i mathil ko binaw romed.”

Deuteronomy 11:24

Gubin yang e but’ ni gimed ra yan u daken e go’ gimed ra tafnay. Tafenmed e bayi tabab ko yimuch u lan e ted ni desert me yan i taw ko fapi Burey nu Lebanon ni bay ko lel’och, me tabab ko fare lul’ ni Eufrates ni bay ko ngek nge mada’ ko fare gi day ni Mediterranean ni bay ko ngal.

Joshua 13:7

Ere chiney, e ngam f’oth e regi binaw ney u daken fa mereb i ganong nge baley ko birok Manasseh e ganong, ni fan e ngar tafned nge mil suwon ngorad.”