Numbers 33:1 - Bible Ni Thothup

¹ Ba’aray fithingan e yungi n’en ni i par piyu Israel riy u tomuren ni chuw fapi ganong nu Israel u Egypt ni Moses nge Aron e ra pow’iyewrad i yan.

Numbers 33:1 Kruisverwysings

Psalms 105:26

Me l’oeg Moses ni tapigpig rok, nge Aron ni ir e turguy.

Psalms 77:20

Ga be gafaliy e girdi’ rom ni bod ba tagafaliy e saf, ni Moses nge Aron e ga’ rorad.

Exodus 12:37

Piyu Israel e ra chuwgad u Rameses ngranod ni yad be nameg yu Sukkoth. Urngin e pumo’on e gonapan 600,000 nranod u but’, nda nthe’eg e ppin nge bitir.

Exodus 12:41

Rofen ni gaman e 430 e duw ngay e gubin e ganong rok SOMOL nra chuwgad u Egypt.

Exodus 12:51

Ma karofen nem me fek SOMOL fapi ganong nu Israel nga wuru’ yu Egypt.

Exodus 13:18

Ma aram me fekrad ngar liyeggad u daken e ted ni desert i yan ko fa gi day ni Red Sea fithingan. Yu Israel e bay talin e cham rorad ni fan ko mael.

Exodus 6:26

Aron nge Moses e ireram faglicha’ ni ga’ar SOMOL ngorow, “Mu pow’iyew fapi ganong nu Israel nga wuru’ yu Egypt.”

Mikah 6:4

I gag e gu chuwegmed u Egypt. Um pired riy ni gimed’ e sib, mu gu chuwegmed riy. Gu pi’ Moses nge Aron nge Miriam ni ngu’ur pow’iyed gimed.

Numbers 33:2

I SOMOL e yog, me yoloy Moses nga but’ fithingan e yungi n’en ni ur pired riy.

Joshua 24:5

Mu gol’oeg Moses nge Aron, mu gu girengiy e gafgow nib gel nga daken yu Egypt. Mu gu pow’iyrad nga wuru’;

1 Samuel 12:8

Fa’ani yan Jakob nge girdi’ ko tabinaw rok nga Egypt me cheal piyu Egypt ngar gafgow niged yad, me pag e pi chitamangimed lamrad ngalang ngar ninged e ayuw ngak SOMOL, me pi’ Moses nge Aron ngorad, ni yow e ra pow’iyew yad nga wuru’ yu Egypt marbad ra pired ngalan e re nam ney.