Numbers 23:13 - Bible Ni Thothup

¹³ Me ga’ar Balak ngak Balaam, “Mu un ngog ngdarow ngabang ni ga ra par riy ma kemus ni boch piyu Israel e ga ra guyrad. U rom e ngam yibil riy ngam bucheg wa’athrad.”

Numbers 23:13 Kruisverwysings

1 Kings 20:23

Me ga’ar e pi totang ko salthaw rok Benhadad ni Pilung ngak, “Fapi got rok yu Israel e bogi got ko pi burey, aramfan nike gel e piyu Israel ngodad. Machane ri gadad ra gel ngorad ni fa’an gadad ra cham ngorad u lan e yungi tafelfel’.

1 Kings 20:28

Me yan ba profet ngak Ahab ni Pilung me ga’ar, “Ba’aray e n’en ni be yog SOMOL: ‘Bochan ni be yog e pi Syrian ni gag e got ko yochi burey ma gathi gag ba got nu daken e yungi tafalfel’, ma aram e bay gu gel nagem ko fare raba’ i salthaw rorad nib ga’, me gur nge girdi’ rom e bay mu nanged ni Gag SOMOL.’”

Psalms 109:17

Ri ba’adag nma yibil ni nge buch wa’athan be’ — mang e yigi mang ir e buch wa’athan! Dabun ni nge fal’eg wa’athan be’, mang e yigi dariy be’ ni fal’eg wa’athan!

Mikah 6:5

Gimed e girdi’ rog, mu leam niged e tin ni tanomnag Balak ni ir e pilung nu Moab ni nge rin’ ngomed, nge rogon ni fulweg Balaam ni fak Beor lungun Balak. Mu leam niged fa pin’en ni mpir’eged nnap’an ni gimed be yan ko binaw nu Akacia nga Gilgal, nge yag ni mu nanged e tin gu rin’ ni fan e nggu ayuwegmed.”

Numbers 22:41

Me kadbul me fek Balak Balaam ngranow nga bang nib tolang u Bamoth Baal. Yu rom e ra changar Balaam riy me guy boch piyu Israel.

Numbers 22:6

Yad bo’or ngomad, ere moy ngam yibil ngam bucheg wa’athrad, ma aram e sana rayag ni gu gelgad ngorad ma gamad tulufrad ngar chuwgad ko nam romad. Gu manang ni pi’in ga ra yibilay ni nge fel’ wa’athrad e ra fel’ wa’athrad, ma pi’in ga ra bucheg wa’athrad e ra buch wa’athrad.”

Numbers 23:12

Me fulweg Balaam ni ga’ar, “Kemus ni thin nike yog SOMOL ngog e rayag ni gog.”

Numbers 23:14

Me fek ngranow nga daken bangi flang u Zofim ni bay u p’ebgul e Burey ni Pisgah. Miki ubung medlip e altar u rom, mra reb fapi altar miki maligachnag reb e garbaw ni pumo’on nge reb e saf ni pumo’on u daken.

Joshua 24:9

Mi Balak, ni ir e pilung rok yu Moab, ni be’ nib mo’on ni fak Zippor, e mael ngak piyu Israel. Me pi’ e thin nge yan ngak Balaam nib mo’on ni fak Beor, ni be wenig ngak ni nge yibil ni nge buch wa’athmed.