Numbers 20:6 - Bible Ni Thothup

⁶ Me chuw Moses nge Aron u p’eowchen e girdi’ nga ranow ra sak’iygow nga langan e mab ko fare Tent u p’eowchen SOMOL. Mi yow paraw nga but’, me m’ug ngorow ram’en SOMOL ni be mluplup’.

Numbers 20:6 Kruisverwysings

1 Kronicles 21:16

Me guy David fare engel nib sak’iy u daken e nifeng nike kol e saydon rok nga pa’ nike fal’eg rogon ni nge gathay yu Jerusalem. Ma aram e David nge pi tayugang’ ni karon’ed e mad ni tutuw e go’ ra siro’gad nge math owcherad nga daken e but’.

Exodus 16:10

Ma nap’an ni be non Aron ngak e girdi’ nu Israel ni gubin, miyad changar nga daken e ted ni desert miyad guy ram’en e muluplup’ rok SOMOL nike m’ug u fithik’ bangi manileng.

Exodus 17:4

Mri meybil Moses ngak SOMOL ni ga’ar, “Mang e nggu rin’ ngak e pi girdi’ ney? Ya ke chugur ni ngar malang nigedgag nggum’.”

Numbers 12:5

me yib bangi manileng nga but’ nib suwon ni bay SOMOL u fithik’, me yib i par nga langan e mab ko fare Tent, me pong ni ga’ar, “Aron! Miriam!” Mi yow yan nga m’on.

Numbers 14:10

Ma be yan yu Israel ni ngar malang niged yow ngar m’ow, ma yigi gin e girdi’ ma ke m’ug ram’en SOMOL nib mluplup’ u daken fare Tent ni be dag ni bay u rom.

Numbers 14:5

Me paraw Moses nge Aron nga but’ u p’eowchen urngin e girdi’ nu Israel.

Numbers 16:19

Ma aram me kunuy Korah gubin e girdi’ nu Israel nga ta’bang, ngar sak’iygad ni yad ba sap ngak Moses nge Aron ni yow bay u langan e mab ko fare Tent. Miyad gin ma ke mat muluplup’en SOMOL nga dakenrad ni yad gubin,

Numbers 16:22

Machane me ragbug Moses nge Aron nga but’ nge math peri’ row ko but’ me lungurow, “Got, I gur e ga ma pi’ e yafos. Ere mog, nap’an nra denen ta’abe’ ma aram e ngam damumuw ngak urngin e girdi’ u lan fare binaw ni ga’ngin?”

Numbers 16:4

Nap’an ni rung’ag Moses e ren’ey me pag ir nga daken e but’ nge meybil.

Numbers 16:42

Ma nap’an ni mu’ulung yu Israel ni ga’ngin ni ngar togopluwgad ngak Moses nge Aron, miyad cheal u but’ ngar sapgad ko fare Tent mar guyed fare gi manileng nike ing fare Tent ma be mat ram’en SOMOL riy ni be maluplup’.

Numbers 16:45

“Mchuwgow u to’oben e pi girdi’ ney, ya nggu thang e pogofan rorad ni kachingiyal’ ney!” Miyow siro’ ngak SOMOL nge math peri’row nga but’,

Numbers 20:7

Me ga’ar SOMOL ngak Moses,

Matthew 26:39

Me yan bochu’uw nga orel, me yan i paraw nga but’, me meybil ni ga’ar, “Chitamag, fa’anra yag ma ga fek e re kap ney ngam chuweg rog! Machane gathi tin ni gu ba’adag e ngam rin’ ya tin ni gab adag.”

Joshua 7:6

Me Joshua nge pi’in yad ma yog e thin u Israel e go’ ra guchthiyed e mad rorad u fithik’ e kireban’, miyad pagrad nga but’ u mit fare Kahol ko M’ag rok SOMOL, miyad par u rom u but’ nge mada’ ko blayal’, ni kar afed e ab nga daken lolgurad ni yad be dag gel’ngin e tagnan’ rorad.