Numbers 20:11 - Bible Ni Thothup

¹¹ Me tining Moses fare ley i sog ngalang nge toy ko fare war ni l’agruw yay, me po’ e ran riy nga but’ ni pire’, me unum urngin e girdi’ nge gamanman.

Numbers 20:11 Kruisverwysings

1 Kronicles 15:13

Bochan e dammoyed u rom ko yay nsom’on nni fek, me gechig nagmad SOMOL ni Got rodad ya da gu liyorgad ngak nrogon thingar gu rin’ed.”

1 Kronicles 15:2

Ma aram me ga’ar, “Kemus ni pi Levite e yad ra fek fare Kahol ko M’ag, ni bochan e yad e pi’in ke mel’egrad SOMOL ni ngu’ur feked ma yad be pigpig ngak ni manemus.”

Psalms 105:41

Me bing ba war, me po’ e ran riy nga but’ nge yan u daken e ted ni bod ba lul’.

Psalms 114:8

nma pilyeg e war nge ngal’ nran nge gogyal nge ngal’ ni thang’el.

Psalms 74:15

Kam tay e pi alublub nge pi athang’el ngi i map’; ma kam mliknag lan e pi lul’ ni gagang’.

Psalms 78:15

I sey e war u lan e ted ni desert nge pi’ e ran riy ngorad.

Psalms 78:16

Me k’aring e ran nge map’ ko fare war me gagiyegnag nge thang’el nga but ni bod ba lul’.

Psalms 78:20

Riyul’ ni pirdi’iy fare war nge po’ e ran riy, machane gur, rayag rok ni ngki pi’ e flowa ngodad me pi’ e ufin ngak e girdi’ rok?”

Exodus 17:6

Ma bay gu sak’iy nga p’eowchem u rom u daken fare war nu Horeb. Ma ga toy fare war nge yib e ran riy nga but’ nge unum e girdi’.” Me rin’ Moses ni aram rogon u p’eowchen e pi’in yad ma yog e thin rok piyu Israel.

Isaiah 43:19

Mu sapgad ko n’en nib be’ech ni nggu ngongliy. Be yib i m’ug e chiney, rayag ni ngam guyed e chiney! Bay gu ngongliy bpa’ i kanawo’ nge yan u daken e ted, mu gu pi’ yu pa’ i lul’ ngomed u rom.

Isaiah 48:21

Nap’an ni pow’iy SOMOL e girdi’ rok u daken e ted nib gowal ma ba fengfeng, ma darm’ad ko balel. I gagiyegnag e ran nge yib u fithik’ e war ni fan ngorad; i say e war nge mab, nge yib e ran riy nga wuru’.

Hosea 13:5

Ug ayuwegmed u bangi ted ni desert.

Levitikus 10:1

Nadab nge Abihu ni l’agruw i pagel ni fak Aron e ra bagyow me fek e ba’ rok e pan nma par e nifiy u langgin nge af e kol ni be yik nga langgin, miyow uneg e incense ngay, ngar pi’ew nib maligach ngak SOMOL. Machane re nifiy ney e de thothup, ya dawori yog SOMOL ni ngar pi’ew e maligach ngak ni aray rogon.

Numbers 20:8

“Mu fek fare ley i sog ni bay u m’on ko fare Kahol ko M’ag, mi gimew kunuy Aron e girdi’ ni gubin. Mu p’eowcherad ni yad gubin e ngam non riy ko re war ni ba’aram me po’ e ran riy. Irera’ rogon me yib e ran nga but’ ko re war nem nge unum e girdi’ nge gamanman rorad.”

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

1 Korinth 10:4

ma yad gubin nra unumed fare ran ni yib ko fare war ni pi’ Got ni fa’an i un ngorad i yan, nre war nem e aram Kristus.

Deuteronomy 8:15

I pow’iymed i yan u lan e ted ni desert ma ba kan dugwen ya bay e porchoyog riy ni bay e yub u l’ugun, ma ku bay e scorpion riy. U rom u daken e ted nib mlik’ e but’ riy ma dariy e ran riy e gagiyegnag SOMOL e ran nge yib i po’ nga but’ u fithik’ ba war nib el ni fan ngomed;

James 1:20

Ya damumuw rok e girdi’ e dar ma ayuweg e girdi’ nge yag nra ngongliyed e tin nib mat’aw ni ir e be finey Got.

Judges 15:19

Me bing Got bangi but’ nib aw nga but’ u rom u Lehi, me yib e ran riy. Me unum Samson e ran riy, me fel’ rogon. Min tunguy fithingan e re alublub nem ni Hakkore; re alublub nem e kabay u rom u Lehi.

1 Samuel 15:19

Ere mangfan nda mu fol ko tin ni yog? Mangfan ni mu gur nigem ko tin bay rorad ngam rin’ e tin nde m’agan’ SOMOL ngay?”

1 Samuel 15:24

Me ga’ar Saul, “Kug denen, ya da gu fol ko tin keyog SOMOL ngog nge tin mog ngog ni nggu rin’. Gu tamdag ngak e pi salthaw rog mu gu rin’ e tin nib magan’rad ngay.