Numbers 20:1 - Bible Ni Thothup

¹ U lan e bin som’on e pul me yib yu Israel nga daken e ted nu Zin ma ra bad ra n’ufed e pi Tent rorad nga Kadesh. Me yim’ Miriam u rom mi ni k’eyag u rom.

Numbers 20:1 Kruisverwysings

Genesis 14:7

Miyad cheal ngar sulod nga Kadesh (ara Alublub ko Pufthin), miyad kol e nam rok e girdi’ ni kanog e Amalekite ngorad ni ga’ngin, nge girdi’ ni kanog e Amorite ngorad ni yad ma par u lan yu Hazazon-tamar.

Psalms 29:8

Laman e be rurug e ted ni desert; be rurug e ted ni desert nu Kadesh.

Exodus 15:20

Mi Miriam, ni be’ ni bpin ni ba profet ni walagen Aron e fek e tambourine, ma urngin e ppin nra leked ni yad be chubeg e tambourine ni yad be churu’.

Exodus 2:4

Me par bochi pin ni walagen e re tir nem u orel riy ngi i guy e n’en ni bay rin’.

Exodus 2:7

Me fith fachi pin ni walagen fare tir fare pin ni fak Farao ni ga’ar ngak, “Dab gu wan gu pining reb e bpin ni Hebrew ni ba’ logowen thuthun nge ayuwegnem ngi i pi’ e thuth ko re tir nir?”

Ezekiel 47:19

“Mathil u yimuch e yan u Tamar nib sor ko yimuch ni ngal nge yan ko lul’ nu Kadesh Meribah me sor u rom ko lel’och ni ngal ko mathil yu Egypt nge mada’ ko day ni Mediterranean.

Mikah 6:4

I gag e gu chuwegmed u Egypt. Um pired riy ni gimed’ e sib, mu gu chuwegmed riy. Gu pi’ Moses nge Aron nge Miriam ni ngu’ur pow’iyed gimed.

Numbers 12:1

Miriam nge Aron e ur thibthib nigew Moses ni bochan fare pin ni be’ nu Kush nike le’engiy Moses.

Numbers 12:10

me chuw fare gi manileng u daken fare Tent, kachingiyal’ nem mi yigi fanay ba m’ar ko biyach downgin Miriam ni ga’ngin me pig ra’en downgin nge polo’ i wech ni bod e ayis. Ma nap’an ni changar Aron ngak ni guy nike fanay e m’ar ko biyach downgin ni polo’,

Numbers 12:15

Ma aram min tay Miriam ni medlip e rran nga wuru’ fa gin kar n’ufed e Tent riy. Miyad par ni da kur milekaggad nge mada’ ko ngiyal’ ni kan fulweg Miriam ngalan e gin ni yad be par riy.

Numbers 13:21

Ere me yan fapi pumo’on u rom ngalan e lel’och ngar lekeged fare nam nra tababgad u daken e ted nu Zin ni bay u lan e yimuch ko fare nam ngar tawgad nga Rehob, nib chugur ko Hamath Pass u lan e lel’och ko fare nam.

Numbers 13:26

ngak Moses nge Aron nge urngin e girdi’ nu Israel ni yad bay u Kadesh u daken e ted u Paran. Miyad weliy ngorad e pin’en ni kar guyed, miyad dag ngorad wom’ngin e woldug ni kar feked ko re nam nem.

Numbers 20:16

ma gamad wenig ngak SOMOL ni nge ayuwegmad. Me rung’ag e meybil romad me pi’ ba engel nge yib nge pow’iymad nga wuru’ yu Egypt. Chiney e gamad bay u Kadesh, nib binaw ni bay ko mathil ko nam rom.

Numbers 20:22

Me chuw yu Israel u Kadesh ngarbad ko burey ni Hor

Numbers 20:28

me chuweg Moses e mad ko prist u daken Aron me yin’ nga daken Eleazar. Me yim’ Aron u rom u daken p’ebugul e burey, me sul Moses nge Eleazar u daken fare burey nga but’.

Numbers 26:59

ni le’engiy reb e bpin ni fak e Levi ni fithingan e Jokebed, nni gargeleg u lan yu Egypt. Me diyennag l’agruw i pagel rok Amram ni Aron nge Moses nge reb e bpin ni Miriam.

Numbers 27:14

ya gimew l’agruw nda mfolgow ko tin gog u daken e ted u Zin. Fa ngiyal’nem ni i gun’gun’ yu Israel nib togopluw ngog u Meribah mi gimew siyeg ni ngam dagew u p’eowcherad nib pagan’mew nga gelngig nib thothup.” (Meribah e fare alublub ni bay u Kadesh u daken e ted nu Zin.)

Deuteronomy 1:46

“Ma aram, nga tomuren ni kad pired u Kadesh nike n’uw nap’an,

Deuteronomy 2:14

Ngiyal’ i n’ey e ke yan guyey nge meruk e duw ni kad chuwgad u Kadesh Barnea. Ma aram e urngin e pumo’on ni ur uned ko mael ko re mfen nem e go’ karm’ad, ni bod ni yog SOMOL.

Deuteronomy 32:51

ni bochan e gimew l’agruw ndakum yul’yul’gow ngog u p’eowchen e girdi’ nu Israel ko fa ngiyal’nem ni um med ko fapi alublub nu Meribah nib chugur ko binaw nu Kadesh ni bay u daken fagi desert nu Zin nder tugul ban’en riy; ya dakum tiyew fag u p’eowchen e girdi’ nu Israel.

Judges 11:16

Ba’aray e n’en ni buch: nap’an ni chuw yu Israel u Egypt, mranod u daken e ted ni desert ngranod ko fare Nguy ni Aqaba marbad riy nga Kadesh.