Numbers 2:34 - Bible Ni Thothup

³⁴ Ere fapi girdi’ nu Israel e rrin’ed gubin ban’en ni yog SOMOL ngak Moses ni ngar rin’ed. Ra n’ufed e Tent rorad, nra barba’ e girdi’ ma bay u tan e flak rok, mra pig ni ngar mithmithgad ma yad be mithmith u ta’bang nra be’ ma bay u tan e flak ko birok e ulung.

Numbers 2:34 Kruisverwysings

Psalms 119:6

Fa’anra gu tiyan’ug nga gubin e tin kamog, ma aram e dab ni tamra’ nigeg.

Exodus 39:42

Piyu Israel e kar mu’ niged urngin e pi maruwel ney ni bod rogon nike yog SOMOL ngak Moses.

Numbers 1:19

ni bod rogon ni yog SOMOL. Ere u rom u lan fa gi ted ni desert u Sinai, e ir e gin ni ngongliy Moses babyoren fapi girdi’ riy.

Numbers 1:52

Mfini yib e tin kabay e girdi’ nu Israel ngar n’ufed e Tent rorad ngalang, ni yu ulung, ra reb fapi pumo’on ma bay u tan e girok e flak ni yad e birok e ulung.

Numbers 1:54

Aram me rin’ e girdi’ nu Israel gubin ban’en nike yog SOMOL ngak Moses.

Numbers 10:12

me tabab piyu Israel ko milekag ni ngar chuwgad u lan fare gi ted u Sinai. Me yan fare gi manileng i gif nga daken e ted nu Paran.

Numbers 10:28

Aram e irera’ yarmen e yan ni i tay e girdi’ nu Israel ni gubin ngiyal’ ni ngar chuwgad ma yad be yan ni yu raba’.

Numbers 2:2

Ra reb fapi ganong nu Israel ma nge n’uf e Tent rok nga tanggin e flak ko karok e girdi’. Pi Tent ney e ngan suweg ngalang nib liyeg fare Tent.

Numbers 2:33

Ganong rok Levi e dan yoloy fithingarad nga babyor ni bod nrin’ ngak urngin piyu Israel, ya aramrogon ni yog SOMOL ngak Moses.

Numbers 23:21

Kug guy ndariy e buch wa’athan ara kireb ni nge yib ngak yu Israel. I SOMOL ni Got rorad e bay rorad; yad be tolulnag ni Ir e pilung rorad.

Numbers 24:2

me guy piyu Israel ni kar n’ufed e Tent rorad nra reb e ganong ma ke par nga bang. Me gagiyegnag fare kan nthothup rok Got Balaam,

Numbers 3:1

Irera’ murung’agen e tabnaw rok Aron nge Moses ko ngiyal’ ni ba’aram ni non SOMOL ngak Moses u daken e Burey ni Sinai.

Luke 1:6

Ni yow l’agruw ma ur pirew ni bfel’ e ngongol rorow u p’eowchen Got, ma yow be fol ko tin keyog Somol nge pi motochiyel.