Numbers 19:21 - Bible Ni Thothup

²¹ Nge par nib motochiyel ni fanmed i yan ngaram. Cha’an nge atngiy e ran ni fan ko be’ech e thangri ki luknag e mad rok; ma demturug be’ nra math ko pi ran nem e ra par nib ta’ay nge blayal’.

Numbers 19:21 Kruisverwysings

Exodus 27:21

I Aron nge pi pumo’on ni fak e yad e ngu’ur faleged rogon fare magal u lan fare Tent ko gin gu bay riy. Re magal ney e ngan tay nga ba’ ni wuru’ fare gi kateng u m’on ko fare Kahol ko M’ag. Mu rom u p’eowcheg e nge yik’ e re magal nem riy ni blayal’ nge mada’ ko kadbul. Biney e nge par nib gam’ing ni ngi i rin’ piyu Israel u reb e mafen ngu reb ni dariy n’umngin nap’an.

Levitikus 11:25

ma en nra fek bang u downgin reb e pin’ey e thangri luknag e mad rok me par nib ta’ay nge mada’ ko blayal’.

Levitikus 11:40

Ma fa’anra kay be’ bang ko fare gamanman, ma thangri luknag e mad rok, me ra par nib alit nge mada’ ko blayal’; en nra fek fare gamanman nike yim e thangri luknag e mad rok, me ra par nib ta’ay nge mada’ ko blayal’.

Numbers 18:23

Chiney i yan e ngaram, e kemus ni Levite e ngu’ur ayweged fare Tent ma urngin e maruwel riy mab milfan ngorad. Re motochiyel ney e dabi thil ma ku arrogon ni pi’in owchem e ku yad ra fol riy. Ma pi Levite e dab ra tafnayed e binaw nu lan yu Israel,

Numbers 19:10

Fare pumo’on ni i kunkunuy e awat, e thangri luknag e mad rok, machane ra par nib ta’ay nge mada ko blayal’. Biney e gaming e nge par ni ara’rogon i yan ngaram, ni fan ngak piyu Israel nge girdi’ nu bang ni yad be par u fithik’ piyu Israel.

Numbers 19:7

Ma tomuren, e nge maluknag e mad rok, me pu’og e ran nga daken, ma aram e rayag ni yan nga langgin fa gin ni kar n’ufed e Tent riy; machane nge par nib ta’ay nge mada’ ko blayal’.

Numbers 19:8

Ma re mo’on ni orfeg fare garbaw ni bpin e thangri ki maluknag e mad rok me pu’og e ran nga daken, machane ku ra par nib ta’ay nge mada ko blayal’.

Hebrews 10:4

Ya racha’en e garbaw ni pumo’on nge kaming e ri dabiyag ni nge fek e denen nge chuweg.

Hebrews 7:19

Ya Motochiyel rok Moses e dabiyag ni nge fal’eg ban’en ngari fel’. Ma chiney e kan pi’ ban’en ngodad ni kab gel e fel’ riy ni ir e ke l’agan’dad ngay, ni ir e ra chugurnagdad ngak Got.

Hebrews 9:10

Kemus ni fan ko ggan, nge garbod, nge gam’ingin e maluk nge maluknag ban’en nrogon ko ba’ rorad e taliw. Pin’ey ni urngin e motochiyel ni fan nga wuru’ i dowey, ni kemus ni bay fan nge yan i mada’ ko ngiyal’ ni nge thiliyeg Got urngin e pin’ey nge be’ech.