Numbers 18:6 - Bible Ni Thothup

⁶ I gag e en ni kug mel’eg girdi’em ni pi Levite u fithik’ piyu Israel ni nge mang ba tow’ath ngom. Kan og nagrad ngog, ni aram e rayag ni ngar marwuliyed e maruwel rorad u lan fare Tent.

Numbers 18:6 Kruisverwysings

Genesis 6:17

Ya bay gu pi’ e ran nge yib nga daken e fayleng ni nge thang mit urngin ban’en nib fos. Ma urngin ban’en ni bay u daken e fayleng ni bay yim’,

Genesis 9:9

“Chiney e nggu ngongliy e m’ag u thildad nge pi’in ni bayi sum ni owchemed,

Exodus 14:17

Bay gu tay piyu Egypt ngari gel lanin’rad ngar leked piyu Israel nga maday; ma bay gu gel ngak Farao, nge fa rab’ i salthaw rok, nge pi chariot rok, nge pi’in yad ma yannag e pi chariot rok nem, min ta’fag ni bochan.

Exodus 31:6

Kug mel’eg Oholiab nib mo’on ni fak Ahisamak, ni be’ ko fare ganong rok Dan, ni ngar maruwel gow Bezalel u ta’bang. Ma kug pi’ e salap ngak boch e pumo’on nrayag e maruwel rorad, ya nge yag nra muruwliyed gubin e tin kugog ni ngan mu’nag:

Isaiah 48:15

I gag e en ni gu non nggu pining; nggu pow’iy mu gu gagiyegnag nge fel’ rogon.

Isaiah 51:12

I SOMOL e be ga’ar, “I gag e cha’ ni gu pi’ gelingmed. Ere mangfan ni gimed be rus ko girdi’, ni bod e pan ni dar ma n’uw nap’an.

Ezekiel 34:11

“I Gag SOMOL ni Th’abi Tolang e gu be yog ngomed ni gag e bay ggay e saf rog nggu ayuwegrad

Ezekiel 34:20

“Ere chiney e Gag SOMOL ni Th’abi Tolang e gu be yog ngomed ni bay gu turguy e n’en ni nggu rin’ ngomed e tin ba gel e saf nge tin ba me’waer.

Numbers 3:12

“Fa pi Levite e ke milfarad ngog e chiney. Nap’an nug thang e fan rok urngin e tin nganni’ u pifak yu Egypt, mug tabgul nagrad nike milfan ngog e tin nganni’ i pifak yu Israel ni pumo’on ko pi tabnaw i yan nge tin nganni’ u pifak e gamanman. Ma chiney e ke yan e ganong rok Levi nga luwan e tin nib nganni’ u pifak yu Israel ni pumo’on; bay ra pired nib milfarad ngog. I Gag SOMOL.”

Numbers 3:45

“Aram e ngam yiblay ngam pi’ e pi Levite ni nge milsuwrad ngog ni ngranod nga luwan urngin e tin nganni’ e pumo’on ni pifak yu Israel, mu kum ognag fa ran’ i gamanman ko Levite ni nge yin’ luwan e tin nganni’ e gamanman rok yu Israel.

Numbers 3:6

“Mu fek fare ganong rok Levi i yib nga m’on ngan falrad ngabang ni ngar manged tapigpig rok Aron ni prist.

Numbers 3:9

Ta’are gaf i maruwel ni ngi i rin’ e pi Levite e ngar pigpiggad ngak Aron nge pifak ni pumo’on.