Numbers 18:5 - Bible Ni Thothup

⁵ Makri mus ni gur nge pi pumo’on ni fakam e thingar mu libguyed e tin dabisiy nib milfan ngomed ni ngam bangbeng niged ni fan ko fa Gin nib Thothup nge fare altar, ya nge dabki aw e damumuw rog bayay nga daken e girdi’ nu Israel.

Numbers 18:5 Kruisverwysings

1 Kronicles 23:24

Irera’ e pi’in owchen piyu Levi, ni yuke girdi nge pi tabnaw, yad gubin ni kan yoloy fithingrad. Ra bagyad e picha’ney nike gaman e rliw’ e duw yangren ngalang, ma bay e birok e maruwel ko fare Tempel rok SOMOL.

1 Kronicles 23:32

Yad e ni pagfan ngorad fare Tent rok SOMOL nge fare Tempel ni ngu’ur ayuweged, ma ku yad be ayuweg e girdi’ rorad ni pi prist ni pi’in owchen Aron, ko liyor u Tempel.

1 Kronicles 24:5

Ma bochan ni bay e pi tolang u Tempel nge prist u fithik’ e pi’in owchen Eleazar nge Ithamar, min yarmiy ni nge fel’ rogon e maruwel ni rogon ni duwgil ko pow nni girengiy.

1 Kronicles 9:19

Shallum nib mo’on ni fak Kore ma Ebiasaf e tutuw rok, nib mu’un girdi’en fare ke girdi’ rok Korah ngay, yad e maruwel rorad ni ngar matanagiyed langan fare Tent u p’eowchen SOMOL, nri bod ni i rin’ e pi chitamngirad kakrom nnap’an ni yad e yad ma guy ni ngi i par ni bfel’ rogon fare Tent rok SOMOL.

1 Kronicles 9:23

Yad nge pi’in owcherad e dar talgad i matnagiy fapi garog ko fare Tempel.

1 Kronicles 9:33

Ma boch e tabnaw pi Levite e ba milfan ngorad e musik ko fare Tempel. Pi’in lolgen e pi tabnaw ney e yad ma par u lan boch e senggil u Tempel mda ku nir yin’ daken e maruwel rorad, ni bochan e yad ma rin’ e maruwel rorad ni rran nge nep’.

Exodus 27:21

I Aron nge pi pumo’on ni fak e yad e ngu’ur faleged rogon fare magal u lan fare Tent ko gin gu bay riy. Re magal ney e ngan tay nga ba’ ni wuru’ fare gi kateng u m’on ko fare Kahol ko M’ag. Mu rom u p’eowcheg e nge yik’ e re magal nem riy ni blayal’ nge mada’ ko kadbul. Biney e nge par nib gam’ing ni ngi i rin’ piyu Israel u reb e mafen ngu reb ni dariy n’umngin nap’an.

Jeremiah 23:15

“I Gag, fare SOMOL ni Gubin ma Rayag Rok e ba’aray e tin gu be yog ni murung’agen e pi profet nu Jerusalem ni be lungug: Bay gu pi’ e woldug nib mo’oy ngar ked, nge ran ni bay e yub riy ngar unumed, ya kar gagiyeg niged e girdi’ u lan e nam ni ga’ngin ka ra pired ndakuriy fag u wun’rad.”

Ezekiel 44:15

I SOMOL ni Th’abi Tolang e ga’ar, “Fapi prist ko ganong rok Levi ni yad owchen Zadok, e ur pared ni yad ba yul’yul’ ko pigpig ngog u lan e Tempel ko ngiyal’ ni ba’aram ni tin kabay e girdi’ nu Israel e kar pi’ed keru’rad ngog. Ere chiney e yad e picha’ ni ngu’ur pigpiggad ngog miyad be yib nga p’eowcheg ngu’ur pi’ed e mam nge racha’ ko fapi maligach ngog.

Ezekiel 44:16

Kemus ni go’ yad e yad ra yib nga langgin e Tempel rog, ngar pigpiggad u altar rog, miyad tay murung’agen e liyor u Tempel.

Levitikus 10:6

Me ga’ar Moses ngak Aron nge fa gali pumo’on ni fak ni aram Eleazar nge Ithamar, “Dab mu ted lolgumed ndab kum raweyed ara mu guchthiyed e mad romed ni gimed be dag ni be taganan’med. Ya gimed ra rin’, ma gimed ra yim’, mra damumuw SOMOL ngak yu Israel ni ga’ngin. Machane urngin e girdi’ nu Israel ni yad ra yornag faglicha’ ni li’row fare nifiy ni SOMOL e pi’ nge yib.

Levitikus 24:3

Gubin e blayal’ ni ngi i tay Aron e nifiy ko pi magal nem me par ni bay e nifiy riy nge mada’ ko kadbul, u rom u p’eowchen SOMOL u wuru’ fare gi kateng u mit fare Kahol ko M’ag, ni aram e Gin Th’abi Thothup. Re gam’ing n’ey e ngu’un rin’ i yan ngaram.

Zekariah 10:3

Be ga’ar SOMOL, “Kar gu damumuw ngak e girdi’ nu bang ni yad be yog e n’en ni nge rin’ e girdi’ rog, ma aram e nggu gechig nagrad. Girdi’ nu Judah e ba milfarad ngog, ma gag SOMOL ni Gubin ma Rayag Rok, e bay gu aywegrad. Bay ra manged e pi os rog ko mael nib gel gelingrad.

Numbers 1:50

Ya ngam tay e pi Levite ni yad e ngar maruwelgad ko Tent u p’eowcheg nge gubin tatalin e maruwel riy. Yad e bay urfeked i yan nge urngin tatalin e maruwel riy, ma bay ur pigpiggad riy, ma bay ra n’ufed e pi Tent rorad ngalang nib liyeg fare Tent.

Numbers 1:53

Machane pi girdi’ ko ganong rok Levi e yad ra n’uf e pi Tent rorad nib liyeg fare Tent rog ngu’ur matnagiyed, ya nge dabi chugur yug be’ ngay ya ri mang tapgin e damumuw rog ni nge aw ngak yu Israel ni ga’ngin.”

Numbers 16:46

me ga’ar Moses ngak Aron, “Mu fek fa raba’ i n’en rom ni fen e fek nifiy ngam af e nifiy u daken e altar nga langgin, ma ga af boch e incense nga langgin. Ma ga papey nigem ngam fek i yan ngak e pi girdi’ nem ngam fal’eg bangbengin e machalbog ni fan ngorad. Mu pay nigem! Ya ke pu’og SOMOL e damumuw rok ke tabab e liliy ni yibe yim’ riy.”

Numbers 18:4

Ngar’uned ngom ko maruwel ngar lebguyed e tin dabisiy nib milfan ngorad e maruwel ni pigpig u langgin fare Tent, machane be’ ni dariy mat’won e dabi un ngom ko maruwel.

Numbers 4:18

“Dab mpagew fare ke girdi’ rok Kohath

Numbers 8:19

Are kug pi’ e pi Levite ngak Aron nge pifak ni pumo’on, nib tow’ath nike yib rok yu Israel, ni ngar maruwelgad u lan fare Tent ni fan ko girdi’ nu Israel ma ngkur yororgad rok yu Israel ko riya’ nra aw ngorad ni fa’an yad ra chuchugur nga charen fa Gin nib Thothup.”

Numbers 8:2

“Mog ngak Aron ni nge ayliy fa medlip i magal ni ngi i mat nga m’on.”

1 Timothy 1:18

Timothy ni fakag, kug pag fan e re bugithin ney ngom, ni bod rogon e thin nni yi’iynag nike n’uw nap’an ni murung’agem. Pi thin ney e ir e nge mang talin e cham rom ko cham ni ga be tay nib mat’aw,

1 Timothy 3:15

Machane fa’anra gu sowath, ma re gi babyor ney e bay yog ngomed rogon pangidad ni nge par nrogon girdi’en e tabinaw rok Got, ni aram fare galesiya rok fare Got ni be par nib fos, nre galesiya nem e ir e duga’ me ir e be dunubiy fare thin nib riyul’.

1 Timothy 5:21

Ri gu be non ngom u p’eowchen Got, nge Kristus Jesus, nge pi engel nib thothup ni ngam fol ko pi thin ney, ma urngin ban’en ni ga ra ngongliy ma dab mu dabuy daken be’ ara mu fol ngak be’.

1 Timothy 6:20

Timothy, mu ayuweg e n’en ni gur e kan pag fan ngom ni ngam ayuweg. Dab mu’un i yog e thin nma yog e pi’in ndariyfan Got u wun’rad nge tugthin ndariyfan ni murung’agen e llowan’ nike balyang boch e girdi’ karogned e llowan’ ngay.