Numbers 18:2 - Bible Ni Thothup

² Mu fek e pi girdi’em, ni fare ganong rok Levi, ni ngar maruwelgad rom ngar ayweged gur u nap’an ni gimed be pigpig pifakam u lan fare Tent.

Numbers 18:2 Kruisverwysings

Genesis 29:34

Me diyen nge gargel bayay ni ku reb e pagel. Me ga’ar, “Chiney e bayi gel e pagan’ rok e pumo’on rog ngog, ni bochan e kug gargeleg dalip i pagel ni fak”; me tunguy fithingan ni Levi.

2 Kronicles 30:16

Ranod ra pired nga tagilrad u lan fare Tempel ni bod rogon ni bay u lan e Motochiyel rok Moses, ni fare mo’on ni bay Got rok. Yu Levi e ra pi’ed racha’en fapi gamanman ni maligach ngak e prist, ni yad e ra atngiyed nga daken fare altar.

Ezekiel 44:11

Rayag ni ngu’ur pigpiggad ngog u lan fare Tempel ni yad e ga’ ko pi garog mu’ur rin’ed e maruwel ko fare Tempel. Rayag ni yad ra li’ e gamanman ni be pi’ e girdi’ ni maligach ni mo’oruf nge yug maligach, mu’ur rin’ed e maruwel rorad ni yad be pigpig ko girdi’.

Ezekiel 44:15

I SOMOL ni Th’abi Tolang e ga’ar, “Fapi prist ko ganong rok Levi ni yad owchen Zadok, e ur pared ni yad ba yul’yul’ ko pigpig ngog u lan e Tempel ko ngiyal’ ni ba’aram ni tin kabay e girdi’ nu Israel e kar pi’ed keru’rad ngog. Ere chiney e yad e picha’ ni ngu’ur pigpiggad ngog miyad be yib nga p’eowcheg ngu’ur pi’ed e mam nge racha’ ko fapi maligach ngog.

Malaki 2:4

Ma aram e bay mu nanged ni gag e kugog e re bugithin ney, ya nge par fare m’ag romad e pi prist, ni aram e pi’in owchen Levi ni dabi math’.

Numbers 1:53

Machane pi girdi’ ko ganong rok Levi e yad ra n’uf e pi Tent rorad nib liyeg fare Tent rog ngu’ur matnagiyed, ya nge dabi chugur yug be’ ngay ya ri mang tapgin e damumuw rog ni nge aw ngak yu Israel ni ga’ngin.”

Numbers 16:40

Re upong n’ey e ngi i puguran ngak piyu Israel ni yug be’ ni gathi reb i owchen Aron e dabiyag ni nge yib ko fare altar nge urufiy riy fapi incense ni yima pi’ ngak SOMOL. Mra rin’ be’ ma yira thang e pogofan rok ni bod Korah nge pi’in yad ngabang. Urngin e pin’ey nrin’ ni bod rogon ni yog SOMOL ngak Moses ni nge rin’ Eleazar.

Numbers 17:7

Me tay Moses fa yu ley i sog ni urngin ngalan fare Tent nga mit fare Kahol ko M’ag rok SOMOL.

Numbers 18:4

Ngar’uned ngom ko maruwel ngar lebguyed e tin dabisiy nib milfan ngorad e maruwel ni pigpig u langgin fare Tent, machane be’ ni dariy mat’won e dabi un ngom ko maruwel.

Numbers 3:5

Me ga’ar SOMOL ngak Moses,

Numbers 4:15

Ma nap’an ra pig ni ngkur n’iged tagil’rad, ma fare ke girdi’ rok Kohath e ngarbad ni ngar feked fa pin’em nib thothup u tomuren nike mu’ Aron nge pi pumo’on ni fak i upunguy e pin’em nge gubin talin e maruwel riy. Fare ke girdi’ rok Kohath e thingar dabi math bagyad nga reb e pin’em nib thothup, ya ra yim’. Gubin ngiyal’ ni ngan mithmitheg fare Tent ma irera’ e pi maruwel ko fare ke girdi’ rok Kohath.

Numbers 8:19

Are kug pi’ e pi Levite ngak Aron nge pifak ni pumo’on, nib tow’ath nike yib rok yu Israel, ni ngar maruwelgad u lan fare Tent ni fan ko girdi’ nu Israel ma ngkur yororgad rok yu Israel ko riya’ nra aw ngorad ni fa’an yad ra chuchugur nga charen fa Gin nib Thothup.”

Numbers 8:22

Me rin’ gubin e girdi’ e tin ni yog SOMOL ngak Moses nib l’ag rogon ngak e pi Levite. Ma aram e ke bung rogon e pi Levite ni ngar maruwelgad u lan fare Tent u tan pa’ Aron nge pifak ni pumo’on.

Hebrews 9:6

Fa’ani m’ay i duwgiliy e pin’ey, ma aram mi i yan e pi prist ngalan e bin ngam’on e senggil ko tent ni gubin e rran ngu’ur ngongliyed e maruwel ni kan pi’ ngorad;