Numbers 18:16 - Bible Ni Thothup

¹⁶ Pi’in bitir e thingar ni chuw’iy ngan fulwegrad ko ngiyal’ nike gaman ta’reb e pul yangarrad ni ba muduwgil puluwon, lal yang e silber, ni aram rogon ni kan duwgiliy e ngiyal’nem.

Numbers 18:16 Kruisverwysings

Exodus 30:13

Gubin e girdi’ ni kan the’egrad e thingar ra pi’ed e salpiy ni oren ni kanog, ni bod tomalngin ni kan turguy ni ngan pi’. Gubin e girdi’ nthingar ra pi’ed e salpiy ni aram e kar og niged ngog.

Exodus 38:24

Urngin e gol u gubin nni ognag ngak SOMOL ni fen fare Tent nib thothup e 2,195 e pawn, tomalngin ni kan duwgiliy ko thabthabel e ngiyal’nem.

Ezekiel 45:12

“Rogon e birom e malngin e ba’aray rogon: 20 e gerah=1 shekel 60 shekel=1 mina

Levitikus 27:25

Urngin puluwon ban’en ma yibe duwgiliy ni bod rogon nike m’ay i turguy.

Numbers 18:15

“Gubin e tin nganni’ e bitir ara gamanman ni kan pi’rad ngog e nge milfan ngom. Machane thingar mu fek puluwon ni ngan chuw’iy ngan sulweg e tin nganni’ u fakay, ma ngkum fek puluwon gubin e tin nganni’ u fak e gamanman nib alit.

Numbers 18:17

Ma tin nganni’ u fak e garbaw, nge saf, nge kaming e dab kun chuw’iyrad ngan fulwegrad; ke milfarad ngog ni yad gubin ngan maligach ngorad. Ngam atngiyed racha’en fapi gamanman ko altar mi ni orfeg e mam riy nib maligach ni ggan, rib fel’ u wun’ug galo’chngin.

Numbers 3:46

Ma bochan ni bo’or e pumo’on ni nganni’ ni pifak yu Israel ngak e pi Levite, ni 273 ni yad ba yo’or ngorad, ere thingar mu chuw’iy ngam fulweg e re 273 i pifak yu Israel nem ni pumo’on.

Numbers 3:47

Ra bagayad ma lal yang e salpiy ni silber puwon, ni bod rogon nike m’ay i duwgiliy,