Numbers 17:10 - Bible Ni Thothup

¹⁰ Me ga’ar SOMOL ngak Moses, “Mu fulweg e ley rok Aron e sog ngam tay nga mit fare Kahol ko M’ag. Nge mang ba puguran ngak e pi’in nu Israel ni be togopluw ni yad ra y’im ni fa’anra dab ra talgad ko gun’gun’.”

Numbers 17:10 Kruisverwysings

Psalms 57:4

Ke liyegeg e pi to’ogor, ni yad bod e layon nib talonguy e girdi’. Nguwelrad e bod bogi sarey nge gan e gat’ing; ma bolowtherad e bod yungi saydon nib m’uth.

Exodus 16:32

Me ga’ar Moses, “I SOMOL e ke ta’chiylen ngodad ni ngad ayweged boch e manna, ni fan ngak e pi’in owchadad, ya nge yag nra guyed e ggan ni i pi’ ngodad ni ngad ked u lan e ted ni desert u n’apan ni fekdad nga wuru’ yu Egypt.”

Exodus 16:34

Bod rogon ni yog SOMOL ngak Moses, ma aram me tay Aron nga m’on ko fare Kahol ko M’ag, ni aram e gin ngan cha’riy riy.

Isaiah 1:2

I SOMOL e ga’ar, “Fayleng nge lanelang, mu telmew ko n’en ni gu be yog i gag SOMOL! Fapi bitir ni ug chuguluyrad e kar togopluwgad ngog.

Hosea 10:9

Be ga’ar SOMOL, “Piyu Israel e dawor rtalgad ko denen nib togopluw ngog ni ka nap’an e ra denengad u Gibeah. Ere u rom u Gibeah e yad ra machda’nag e mael riy.

Numbers 14:5

Me paraw Moses nge Aron nga but’ u p’eowchen urngin e girdi’ nu Israel.

Numbers 16:21

“Mpaloggow rok e pi girdi’ney, ya nggu thang e pogofan rorad e chiney.”

Numbers 16:38

Ke thothup nnap’an e ni pi’ u daken e altar rok SOMOL. Ere mfek fa yu raba’ i fen e nifiy rok fapi pumo’on ni kan thang e pogofan rorad ni bochan e denen rorad. Ngan pirdi’iy e yu raba’ i fen e nifiy nem nge yan i bod yu raba’ i plet nib gilgith, min ngongliy nge mang upongen fare altar. Re upong ney e nge mang ba puguran ngak e girdi’ nu Israel.

Numbers 16:40

Re upong n’ey e ngi i puguran ngak piyu Israel ni yug be’ ni gathi reb i owchen Aron e dabiyag ni nge yib ko fare altar nge urufiy riy fapi incense ni yima pi’ ngak SOMOL. Mra rin’ be’ ma yira thang e pogofan rok ni bod Korah nge pi’in yad ngabang. Urngin e pin’ey nrin’ ni bod rogon ni yog SOMOL ngak Moses ni nge rin’ Eleazar.

Numbers 17:11

Me rin’ Moses ni bod rogon ni yog SOMOL ni ngan rin’.

Numbers 17:4

Mag fek e yu ley i sog nem nga langgin fare Tent u p’eowcheg ngam tay ni gubin nga mit fare Kahol ko M’ag, ko gin ni gu ma mada nigem ngay.

Numbers 17:9

Me fek Moses fa yu ley i sog ni gubin nge dag ngak piyu Israel. Mar guyed e n’en nike rin’, mra bagyad fapi tayugang’ me fulweg e ley rok e sog.

Numbers 20:9

Me yan Moses i fek fare ley i sog ni bod nike yog SOMOL ngak.

Numbers 4:18

“Dab mpagew fare ke girdi’ rok Kohath

1 Korinth 10:10

Ma thingar dab um gun’gun’gad ni bod e n’en ni i rin’ boch i yad — me li’rad fare engel, ni engel ko yam’ ngarm’ad.

Efesus 5:6

Dab mpaged be’ nge ban nagmed ko thin ko balyang; ya damumuw rok Got e ra yib nga daken e pi’in ndarir folgad rok ni bochan e pin’ey.

Deuteronomy 9:24

N’umngin nap’an ni kug nangmed, e gimed be par ni gimed be togopluw ngak SOMOL.

Deuteronomy 9:7

“Dab mpaged talin rogon ni mu k’aringed e damumuw ngak SOMOL ni Got romed u lan e ted ni desert. Ka fa rofen ni mu chuwgad u Egypt nge yib i mada’ ko rofen ni mu tawgad ngaray, ni go’ togopluw e um ted ngak.

Hebrews 9:4

Nu lan e bay e altar riy nib gol ni yima urfiy bogi ban’en ni bfel’ bon u daken, ma ku errogon fare kahol ko m’ag ni bay riy, ni kan ing ko gol ni polo’. Ma re kahol nem e bay fare rume’ u lan nib gol ni bay e manna u lan, nge fare ley i sog ku Aron ni fa’ani yib yuwan, nge fa gal yang i malang ni kan yoloy e fapi motochiyel nga daken.

1 Samuel 2:12

Fa gal pumo’on ni fak Eli e ri yow ba kireb; ya dariy fan SOMOL u wun’row

1 Samuel 30:22

Machane boch e pi salthaw nra uned ngak David e ri yad ba kireb, me lungurad, “Dar uned ngodad, ere dab da pi’ed boch ngorad e pin’en ni kad feked ko mael. Rayag ni ngar feked pi le’engirad nge pifakrad mranod ngar chuwgad.”