Numbers 15:21 - Bible Ni Thothup

²¹ Chiney i yan ngaram e ngu’um pi’ed ngak SOMOL e re tow’ath ney nib mal’eag ko pi flowa ni gimed be lith.

Numbers 15:21 Kruisverwysings

Nehemiah 10:38

Fapi prist ni girdi’en e tabnaw rok Aron e ngar cheagad ko pi Levite ko ngiyal’ ni yibe kunuy e ragag e pasent riy, ma fapi Levite e ngar feked ngalan fapi senggil ni yima cha’ar riy u lan e Tempel ragag e pasent ko gubin ni kani kunuy ni ngan fanay ko maruwel u Tempel.

Exodus 23:19

“Gubin e duw mu’um feked i yib nga naun rok SOMOL ni Got romed e tin som’on e grain romed ni ka mu t’ared. “Dab mu lithed ba fak e saf, fa ba fak e kaming u fithik’ i logowen thuthun e chitiningin.

Exodus 29:28

Ke par riy ni arrogon, nap’an nra ognag e girdi’ rog e pi maligach ni nge gapaseg thilig nge girdi’ rog, ma ufin u daken ngorngoren nge daken ay fare gamanman e f’oth ko prist. Ireray e tow’ath rok e girdi’ ngog, I Gag SOMOL.

Ezekiel 44:30

Fapi prist e yad e nge yag ngorad e bin thabi fel’ u wom’ngin gubin e woldug ni tin som’on nge gubin e tin ni kan pi’ ngog. Gubin ngiyal’ nra lith be’ e flowa, ma bin som’on e lof e ngan pi’ ko prist ni bod ba maligach, ma fal’eg wa’ath rog e bay i gif u daken e pi tabnaw rorad.

Levitikus 23:14

Dab mu ked e tin som’on e grain, ni demturug ko ba kak’ling, ara kan urfiy, ara kan lith ni bod e flowa, nge mada’ ko ngiyal ni kam pi’ed e re maligach ney ngak Got. Ren’ey e arrogon ni ngu’um rin’ed nge pi’in owchamed e chiney i yan ngaram.

Numbers 15:20

Ma gimed ra lith e flowa ma bin nth’abi som’on e lof ni gimed ra lith ko grain nib be’ech e gimed ra pi’ ngak SOMOL nib f’oth nib mal’eag. Ren’ey e yira pi’ ngak ni bod rogon ni gimed ra pi’ fare f’oth nib mal’eag ngak ko grain ni gimed ma n’ag keru’.

Numbers 15:22

Machane susun e bay be’ ni gathi leam rok me kal ni de fol u boch e pi gafal ney ni pi’ SOMOL ngak Moses.

Numbers 18:26

ni nge ga’ar ko pi Levite: “Nap’an ni gimed ra fek fare ragag e pasent rok yu Israel ni nge pi’ SOMOL ngomed ni fenmed, ma dabisiy ni ngam pi’ed ragag e pasent riy nib f’oth nib mal’eag ngak SOMOL.