Numbers 12:2 - Bible Ni Thothup

² Lungurow, “Gur kemus nu l’ugun Moses e ke non SOMOL riy? Gathi ku er rogodow nike yib i non u l’ugundow?” Me rung’ag SOMOL e n’en ni karognew.

Numbers 12:2 Kruisverwysings

Genesis 29:33

Me diyen nge gargel bayay ni ku reb e pagel. Me ga’ar, “I SOMOL e ku ke pi’ e chi pagel ney ngog, ya ke rung’ag nde adageg e pumo’on rog”; ma aram me tunguy fithingan ni Simeon.

2 Samuel 11:27

Ma fa’ani lebug nap’an e mowaw ko yam’, me mal’og David nga ni yan ni fek fare pin i yib nga tafen e pilung; nge mang le’engin me diyen nge gargelnag bochi pagel ni fak. Machane de fel’ u wan’ SOMOL e n’en nike rin’ David.

2 Kings 19:4

Fare pilung nu Assyria e ke l’oeg pilungen e salthaw rok ni nge darifannag Got ni be par nib fos. I SOMOL ni Got rom e mang e yigi rung’ag e pi thin ni kireb nem me gechignag e pi’in ni karogned. Ere mmeybil ni fan ngak e girdi’ rodad ni ka yad ba fos.”

Exodus 4:14

Me damumuw SOMOL ngak Moses, me ga’ar, “Uw rogon fare mo’on ni walagem i Aron, ni ir be’ ko ganong rok Levi? Gu manang nib salap ko welthin. Chiney e be yib ni nge guyem; gimew ra mada’ mar ra felan’.

Exodus 4:30

Me weliy Aron ngorad urngin e tin ke weliy SOMOL ngak Moses, me ngongliy Moses urngin fapi maang’ang u p’eowchen fapi girdi’.

Exodus 5:1

Ma aram me yan Moses nge Aron ngak Farao me lungurow ngak, “Ba’aray e thin nike yog SOMOL, ni ir fare Got rok piyu Israel, ke ga’ar, ‘Mu pag e girdi’ rog ngranod ngar ngongliyed ba madnom u lan e ted ni desert ngar liyorgad ngog.’

Exodus 7:10

Me yan Moses nge Aron ngak fare pilung miyow rin’ ni bod nike weliy SOMOL ngorow. I yin’ Aron e sog rok nga but’ u p’eowchen fare pilung nge pi’ tolang, me ngal’ nib porchoyog.

Proverbs 13:10

Tolngan’ e go’ oloboch e ma fek i yib. Kab gonop e en ma fith e fnow.

Isaiah 37:4

Fare emperor nu Assyria e ke l’oeg pilungen e salthaw rok ni nge dariyfannag Got ni be par nib fos. I SOMOL ni Got rom e mang e yigi rung’ag e pi thin nem me gechignag e pi’in i yog. Ere mu meybil ngak Got ni fan ngak e girdi’ rodad nra magach nib fos.”

Mikah 6:4

I gag e gu chuwegmed u Egypt. Um pired riy ni gimed’ e sib, mu gu chuwegmed riy. Gu pi’ Moses nge Aron nge Miriam ni ngu’ur pow’iyed gimed.

Numbers 11:1

Me tabab piyu Israel i gun’gun’ ngak SOMOL ni bochan e gafgow ni yad be tay. Fa’ani rung’ag SOMOL me damumuw, me pag e nifiy nga fithik’ rad nge urfiy e gin ni be par yu Israel riy ni kirebnag taban u baley.

Numbers 11:29

Me ga’ar Moses ngak, “Mog, ke awan’um ngorow ni bochag? Ku gum’ ni bochan ni manga yigi pi’ SOMOL e gonop ngak urngin e girdi’ rok ngar welthingad ni bod rogon e profet.”

Numbers 12:3

Mi Moses e be’ nrib sobut’an’, ni ir e th’abi sobut’an’ u fithik’ e girdi’ nu fayleng.

Numbers 16:3

Ra mo’olunggad nga p’eowchen Moses nge Aron me lungurad ngorow, “Kaygi pagrogon e n’en ni kam rin’ew! Gubin e girdi’ nu Israel nib mil farad ngak SOMOL, ma bay SOMOL rodad ni gadad gubin. Moses, ere mangfan ni kam tolang nigem ngalang rok ga’ngin yu Israel ni girdi’en SOMOL?”

Roma 12:10

Nge bigimed me t’uf bigimed rok nrogon e walag ni girdi’en Kristus, ma nge pasigan’med ngay ni nge bigimed mi i tay fan bigimed.

Roma 12:3

Ke runguyeg Got ke pi’ e salap ngog, ma aram fan ni nggog ngomed ni gimed gubin ndab um tolang niged gimed u lanin’med nge pag rogon e leam nsusun e ngu’um ted, machane ngu’um leamgad u fithik’ e leam nib sobut’, me bigimed me gonopiy u wan’ e tin nrayag rok nib m’ag nga gelngin e michan’ rok ngak Got nike pi’ Got ngak.

Filippi 2:14

Um rin’ed urngin ban’en ndab um gun’gun’gad ara um tugthingad,

Filippi 2:3

Dabi suk’ ngan’med ni ngam muruwliyed ban’en ni gimed e ngam m’onod riy ni fan e nganogmed riy ni gimed e soromed, ara bochan e nge yib ufan ngomed; machane nge bigimed me sobut’nag ir, ma dabi finey bigimed ni ir e ba sorok ngak e tin ni kabay e girdi’.

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”