Numbers 11:8 - Bible Ni Thothup

⁸ Ma yan e girdi’ ni kakadbul ngar fanged ngar biliged ara ra yowogiliyed, miyad lith ngar ngongliyed e kek nib gilgith riy, bod lamen e kek ni kan lith ko gapgip ni olive.)

Numbers 11:8 Kruisverwysings

Genesis 25:29

Reb e rran ni be lith Jakob e sup ko mame, me sul Esau ko mokol gamanman, ma kri yim’ ko bilig

Exodus 16:23

me ga’ar ngorad, “Ba’aray e thin nike yog SOMOL ni be ta’chiylen ni gabul e ba thothup ni ngan toffan, ni ngan tay ni birok SOMOL e rran. Mu urfiyed e tin gimed ba’adag ni ngan urfiy, mi gimed lith e tin gimed ba’adag ni ngan lith. Ma tin ke magey e ngan tay ngabang ni fen e gabul.”

Exodus 16:31

Me tunguy piyu Israel fithingan e re ggan nem ni manna. Ma re manna nem e bod awochngin e coriander; ba wechwech ma bod lamen e kek nib gilgith nni ngongliy ko honey.

Numbers 11:7

(Re manna nem e bod nochi awoch, ni ba dake maguchol ra’en.

Numbers 11:9

Ra mulmul e wa’angachal ni nep’ ko gin be par piyu Israel riy, ma ke un e re manna nem ngay.

John 6:27

Dab mmaruwelgad ni fan ko ggan ni bay n’en me kireb; machane mmaruwelgad ni fan ko fare ggan nra par ni dabi kireb nge mada’ ko yafos ndariy n’umngin nap’an. Re ggan nem e en ni Fak e Girdi’ e bayi pi’ ngomed, ya Got ni Chitamangiy e ke pi’ mat’wun.”

John 6:31

pi chitamangidad ni kakrom e ra ked e manna u daken e ted nder tugul ban’en riy, ni bod rogon ni be weliy e babyor nib thothup murung’agen ni be ga’ar, I pi’ e ggan ngar ked, ni ggan ni yib u tharmiy.”