Numbers 11:5 - Bible Ni Thothup

⁵ U Egypt e ud ked e nig riy ndariy puluwon, nge kiyuri, nge mayis, nge subuyas, nge garlik.

Numbers 11:5 Kruisverwysings

Psalms 17:14

mu ayuwegneg u pa’ e pi’in nib yoor ban’en rograd ko biney e tamilang. Mu gechig nagrad ko pi gafgow ni ka mu cha’riy ni fan ngorad; mang e yugu ra gaman gad pifakrad riy miki aw boch ni fen pifak pifakrad!

Exodus 16:3

ni lungurad ngorow, “Fa’an mang e li’mad SOMOL nggu m’ad u Egypt ma kabfel’. Yu rom e gamad ma sabol riy ko th’ib nib sug ko ufin ma gamad kay urngin e ggan ni gamad ba’adag. Machane kam fekew gamad i yib ngalan e ted ni desert ni nggu m’ad nriyul’ ko uyongol.”

Isaiah 1:8

Kemus ni binaw nu Jerusalem e kabay, machane kanin’ nga longob, ni bod bochi naun nib waer ni tafen e matanag u bangi woldug ni grape, ara bochi yang i togorba’ u bang i flang ko kiyuri.

Jeremiah 44:18

Machane aram n’umngin nap’an i yib ni kug talgad i pi’ e maligach ngak fare Queen nu Tharmiy, nge wayin ni gamad be pu’og nib maligach ngak, ma dakriy ban’en romad, ma be yim’ e girdi’ romad u tan e mael nge uyngol.”

Numbers 14:2

Ma yad be non nib togopluw ngak Moses nge Aron ni be lungurad, “Fa’an mang e da m’ad u Egypt ara u roy u daken e ted ma kabfel’!

Filippi 3:19

ni bay ranod ra musgad nga fithik’ e nifiy ni dabi math bi’id, ya n’en ni be ar’arnag dowdad e kemang got rorad, yad be uf ko tin ni ir e susun e ngar tamra’gad ngay, ma kemus ni tin nu roy u fayleng ban’en e ir e yad be leamnag.