Numbers 10:9 - Bible Ni Thothup

⁹ Nap’an nra yib e mael ngomed u lan tafenmed ni gimed be ayweged gimed rok e re to’ogor nike yib ni mael ngomed, migmed thoy e gali yabul ney ni pow riy ni keyib e mael. I Gag SOMOL ni Got romed e gu ra ayuwegmed u pa’ e pi to’ogor romed.

Numbers 10:9 Kruisverwysings

Genesis 8:1

Machane depag Got tilin Noah nge urngin e gamanman ni malboch nge gamanman nib mongmor ni bay rok Noah u lan fare barkow; ma aram me pi’ e nifeng nge thow u daken e fayleng, me sul fare ran i yan nga but’.

2 Kronicles 13:12

I Got ni ir e ma gagiyeg nagmad ma prist rok e yad ba’aray ni bay e rappa rorad, ni ka ra fal’eged rogorad ni ngar thoyed miyad piningmad ni nggu maelgad ngomed. Girdi’ nu Israel, dab mu chamgad nib togopluw ngak SOMOL ni Got rok e pi chitamngimed! Dabyag ni ngam gelgad!”

2 Kronicles 13:14

Me chachangar piyu Judea miyad guy ni ka ni longobiyrad. Miyad tolulnag e ayuw ngak SOMOL, me thoy e prist fapi rappa.

Psalms 106:4

SOMOL, dab mu pagtalig ko ngiyal’ ni ga ra ayuweg e girdi’ rom, mu unegeg ngorad nnap’an ni ga ra ayuwegrad.

Psalms 106:42

Ri gafgow nagrad e pi to’ogor rorad miyad par nga tan pa’rad.

Psalms 136:23

De pag taldad ko ngiyal’ nda mo’waergad; t’ufeg rok e ba manemus;

Isaiah 18:3

Ngam motoyilgad, gimed gubin e girdi’ nma par u fayleng! Mu sap niged bangi flak ni pow, ni ngan tining u daken p’ebgul e burey. Mi gimed motoyil nga lingan e rapa!

Isaiah 58:1

Be ga’ar SOMOL, “Mu tolul nge mus ga’ngin lungum! Mu weliy ngak yu Israel ni girdi’ rog e denen rorad!

Jeremiah 4:19

Amith! Dabkiyag ni ngu athmagliy e amith! Gumircha’eg! Be mithmith gumircha’eg nib almarin! Dabkiyag ni gu th’ab gulngag; kug rung’ag lingan e rappah nge lungun e tolul ko mael.

Jeremiah 4:21

Uw n’umngin nap’an ni ngguy e mael nike achngiy ma gu be rung’ag lingan e rappah?

Jeremiah 4:5

Mu thoyed e rappa u ga’ngin yang u lan e nam! Mu tolulgad nib ga’ lungmed ma bmatabogol! Moged ngak e girdi’ nu Judah ngu Jerusalem ni ngar milgad ko fapi binaw ni kan yororiy ni fan ko mael.

Jeremiah 49:2

Machane bayi taw nga bingyal’ ni bay gu gagiyegnag nge rung’ag e girdi’ ko fare binaw ni tochuch u Rabbah lingan e mael, bay ni pag yu Rabbah nike mogoth ni yochi binaw riy e kan urfiy nga but’. Ma aram e yu Israel e bay ra sulwegned taferad u pa’ e pi’in ra feked.

Jeremiah 6:1

Gimed girdi’en e Benjamin, mmil naged e pogofan romed! Mmilgad ngam chuwgad u Jerusalem! Mu thoyed e rappa’ u lan yu Tekoa mi gimed k’eg ba nifiy ni pow u lan yu Beth-Haccherem. Riya’ nge gafgow e nge yib ko lel’och.

Jeremiah 6:17

I SOMOL e ke duwgiliy girdi’en e matanag ni ngar motoyilgad ko yabul ni nge non ni be yog e mael. Machane ke lungurad, “Dab gu motoyilgad.”

Ezekiel 7:14

Ra non e rappa me fal’eg e girdi’ rograd. Machane dariy be nra yan ko mael ya damumuw rok Got e bay i aw nga daken e girdi’ ni ta’reb rogon.

Hosea 5:8

Mu thoyed e yabul u Gibeah ni fan ko mael! Mu kum rin’ed u Ramah! Mu tolul niged e mael u Bethaven! Girdi’ rok Benjamin, marod ko mael!

Amos 3:6

Gur rayag ni yan lingan e yabul ko mael u lan binaw ni dabi rus e girdi’? Gur rayag ni nge aw e riya’ ngab binaw ni gathi SOMOL e pag nge yib?

Zefaniah 1:16

re rran nem e ra sug nga lingan e yabul ko mael nge laman e pi salthaw ni be tolul ko ngiyal’ ni yad be cham ko fapi binaw nge tafen e damit ni kan yororiy nrib tolang.

Numbers 31:6

Ma aram me pi’rad Moses ko mael u tan lungun Finehas nib mo’on ni fak Eleazar ni prist, ni ir e i ayweg e pin’en nib thothup nge pi yabul ni yima thoy ni pow u ban’en.

1 Korinth 14:8

Ma fa’anra dabi thoy e en nma thoy e yabul nrogon ni nge thoy, me mini’ e ra fal’eg rogon ni fan ko mael?

Deuteronomy 20:1

“Nap’an ni gimed ra yan ni mael ngak e pi to’ogor romed mi gimed guy e chariot nma girengiy e os, nge os, nge barba’ i salthaw ni yad bayo’or ngomed, ma dab mu rusgad ngorad. Ya SOMOL ni Got romed nike fekmed nga wuru’ yu Egypt e bay romed.

Joshua 6:5

Ma ngar thoyed bayay nib n’uw nap’an. Ma nap’an ni gimed ra rung’ag, ma gubin e girdi’ ni ngar tolulgad ni ba ga’ lamrad, ma bayi puth e yoror ko fare binaw. Ma aram e ga’ngin fa raba’ i salthaw ni ngar thelapgad ngalan fare binaw.”

Judges 10:12

Sidonia, Amalek, nge piyu Maon, mi gimed yor ngog. Are di’in, da gu ayuwegmed u pa’rad?

Judges 10:8

Ragag nge meruk e duw ni ur gafgow niged ma yad be li’ piyu Israel ni yad ma par u lan yu Amor nib binaw ni bay ko ngek ko fare Lul’ ni Jordan u Gilead.

Judges 2:18

Nap’an nra pi’ SOMOL be’ ngorad ni ir e ngi i gafaliyrad, me ayuweg SOMOL fa’anem, nge ayweg piyu Israel u pa’ e pi to’ogor rorad u n’umngin nap’an nra par fa’anem nib fos. I runguyrad SOMOL, ya ur gilgel’gad u fithik’ e gafgow nge togopluw ni i tay e pi to’ogor rorad ngorad.

Judges 3:27

Nap’an ni taw nga daken e ted nu Efraim ni go’ burey, me thoy ba yabul ni be pining e girdi’ nu Israel ni ngranod ko mael; ma aram me pow’iyrad u rom nga pe’ning.

Judges 6:34

Me yib i ying fare gelngin SOMOL ngak Gideon nge gagiyegnag, nge thoy ba yabul ni be pining e pumo’on ko fare ke girdi’ rok Abiezer ni ngar leked.

Judges 6:9

Gu lagmed u pa’ yu Egypt nge pi’in ur chamgad ngomed u roy. U gu tulufrad ngar chuwgad ma gimed be yan nga m’on, mu gu pi’ taferad ngomed.

1 Samuel 10:18

me ga’ar ngorad, “SOMOL ni ir e Got nu Israel e be ga’ar, ‘I Gag e gu fekmed nga wuru’ yu Egypt, I Gag e gu chuwegmed u pa’rad nge urngin e pi nam ni ur gafgow niged gimed.