Numbers 10:10 - Bible Ni Thothup

¹⁰ Ma ku er rogon e pi madnom ko felfelan’ — u ngilan’ e Madnom ko M’ug e Pul nge ku boch e madnom romed ko liyor — ma ngam thoyed fa gali yabul ko ngiyal’ ni ngam pi’ed e maligach romed ni mo’oruf nge maligach nma gapaseg thilin Got nge girdi’. Ma aram e gu ra ayuwegmed. I Gag SOMOL ni Got romed.”

Numbers 10:10 Kruisverwysings

2 Kings 4:23

Me ga’ar fare pumo’on rok ngak, “Mangfan ni ngari mman e daba’? Ya gathi daba’ faram e Sabbath ara Madnom ko M’ug e Pul.” Me fulweg fare pin ni ga’ar, “Dariy fan.”

1 Kronicles 15:28

Ma aram e urngin e girdi’ nu Israel ma ra’uned ko fare Kahol ko M’ag nga talang u Jerusalem ni yad be tolulnag e felfelan’, ma be yan lingan e rappa’, yabul, nge cymbal, nge harp.

1 Kronicles 16:42

Heman nge Jeduthun e ku yow e ba mifan ngorow fapi rappa’ nge pi cymbal nge tin kabay e talin e musik ni yima chubeg u nap’an ni yibe yin’ fapi tangin e sorok. Chonggin fare ke girdi’ rok Jeduthun e yad e ba milfan fapi garog ngorad ni ngu’ur matnagiyed.

2 Kronicles 29:26

nge talin e musik ni bod e tinem niki i musik David ni Pilung ngay. Miki sak’iy fapi prist u rom ni bay e rappa rorad.

2 Kronicles 29:28

Gubin e girdi’ ni immoy u rom miyad un ko liyor ngak SOMOL, ma de tal e tang nge musik nge mada’ ko ngiyal’ ni kan mu’ i urfiy fapi maligach.

2 Kronicles 7:6

Me sak’iy e pi prist ko yungi n’en ni kani tay ni tagil’rad, ni yad ba changar ko gin nib sak’iy e pi Levite riy, yad be pining e sorok ngak SOMOL ko pi talin e musik ni ka David ni Pilung e yagnag ma yad be yin’ fare tang ni ga’ar, “T’ufeg rok e dabimus!” ni bod nike yog David ngorad ni ngar rin’ed. I thoy fapi prist e rappa nnap’an nib sak’iy gubin e girdi’.

Ezra 3:10

Nap’an nra tababgad i ubung e def ko Tempel me yan i sak’iy e pi prist nga tagil’rad ni karon’ed fapi mad rorad ni n’un’uw, ni bay e rappa u pa’rad, ma pi Levi ni girdi’en e tabinaw rok Asaf e yad bay u rom ni bay e cymbal rorad ni tatelin e musik. Miyad pining e sorok ngak SOMOL nrogon ni duwgiliy David ni Pilung nu Israel kakrom.

Psalms 150:3

Ngu’un thoy e pi rappa ni aram e yibe pining e sorok ngak! Ngu’un chubeg e pi tatelin e musik ni harp nge lyre ni aram e yibe pining e sorok ngak!

Psalms 81:3

Mu thoyed e rappa ni fan ko fare madnom, ko rofen ni m’ug e pul nge rofen ni ngo’on.

Psalms 81:4

Irera’ e motochiyel u lan yu Israel, ni yog fare Got rok Jakob.

Psalms 89:15

Ba felfelan’ e pi’in yad ma liyor ngom ko pi tang ni yad ma yin’, ni yad be par u fithik’ ram’en fanam gol.

Exodus 28:29

“Nap’an nrayan Aron ngalan e Gin ba Thothup ko fare Tent, ma nge tay nga daken ngorngoren e regi mad ney ni bay fapi malang nib tolang puluwon riy ni kan ker fithingan fapi ganong rok yu Israel nga daken, ma aram e Gag SOMOL e bay gu par ni gubin ngiyal’ ni bay e girdi’ rog u lanin’ug.

Exodus 30:16

Mu fek e pi salpiy ney rok e girdi’ nu Israel ngu’um fanay ko maruwel ko fare Tent u p’eowcheg. Re tax ney e nge mang bayul ko pogofan rorad, ma aram e bay i par u lanin’ug ni ngu’ug yoror rorad.”

Isaiah 27:13

Ra taw ko rofen nem, ma bay ni thoy e rapa ni nge pining nge sul gubin e girdi’ nu Israel ni yad ba kalbus u lan yu Assyria ngu Egypt. Ma aram e bay rabad ngar liyorgad ngak SOMOL u lan yu Jerusalem, ko fare burey rok nib thothup.

Numbers 10:9

Nap’an nra yib e mael ngomed u lan tafenmed ni gimed be ayweged gimed rok e re to’ogor nike yib ni mael ngomed, migmed thoy e gali yabul ney ni pow riy ni keyib e mael. I Gag SOMOL ni Got romed e gu ra ayuwegmed u pa’ e pi to’ogor romed.

Numbers 28:11

Maligach ni mo’oruf ni ngan pi’ ngak SOMOL u tabolngin reb e pul: l’agruw e garbaw ni pumo’on ni kab bitir, ta’reb e saf ni pumo’on, medlip e saf ni pumo’on ni ta’reb e duw yangarrad, ni yad urngin ni dariy bang u dowrad nib kireb.

Numbers 29:1

U lan e bin ni som’on e rran ko bin medlip e pul e ngam mu’ulunggad ni fan e liyor, ma dariy ba maruwel ni ngan rin’. Rofen nem e ngu’un thoy e rappa’.

Matthew 11:28

“Mired ngog, ni gimed gubin e pi’in ke aw parowmed i fek e n’en nib tomal ni gimed be fek, mu gu pi’ e toffan ngomed.

Acts 10:4

Me lik’ath ngak fare engel nike tamdag me ga’ar, “Be mang?” Me fulweg fare engel ni ga’ar, “Got e bfel’ u wan’ e meybil rom nge maruwel ni kam tay ni ga be ayuweg e pi’in gafgow, ma be leam nigem.

1 Korinth 15:52

ni bod machregin lan mit be’ ni talab, ko ngiyal’ ni bay non e bin tomur e rappa riy. Ya nap’an nra non, mi ni faseg e yam’ mra ngal’gad ni girdi’ ndab ki yim’ bi’id, ma gadad gubin ni bay nthiliyeg dowdad.

1 Thessalonika 4:16

Bay nrung’ag ba lam ni ba ga’, min rung’ag laman pilungen e engel, min rung’ag laman e rappa rok Got, ma aram me yib Somol u tharmiy nga but’! Ma pi’in karm’ad nib mich Jesus u wun’rad e bay ni fasegrad ko yam’ ni som’on;

1 Thessalonika 4:18

Ere ngu’um weliyed e pi thin ney ngomed i yan, ngu’um pi’ed e athamgil nga lanin’med.

Joshua 4:7

ma nga mogned ngorad ni ran ko lul’ ni Jordan e tal ndaki yan nnap’an ni yib fare Kahol ko M’ag rok SOMOL i th’ab e re lul’ nem. Pi malang ney e bay i par ni gubin ngiyal’ nib puguran ngak piyu Israel.”

Joshua 6:4

Ma medlip e prist, nra bagayad ma be fek reb e yabul ni gagey rok e saf ni pumo’on ngranod ni yad be m’on ma be lek fare Kahol ko M’ag rok SOMOL keru’rad. Ma chirofen ni nge gaman e medlip ngay e ngam marod e salthaw rom ngam liyeged e re binaw nem ni medlip yay, ni be thoy e pi prist e pi yabul nem ni gagey ko saf ni pumo’on.

Revelation 22:17

Fare Kan Nthothup nge fare pin ni nge mabgol e lungurow, “Moy!” Urngin e girdi’ ni yad ra rung’ag e re bugithin ney e thingar ki lungurad, “Moy!” Moy i gur e en nike yib e belel ngom; ngam fek fare ran ko yafos nib tow’ath ni yira pi’ ngak e en ni ba’adag ni nge yag ngak.

1 Samuel 20:5

Me ga’ar David, “Gabul e Madnom ko M’ug e Pul ni susun e nggu un ngak Saul ko abich. Machane fa’anra fel’ u wun’um mu gu wan gu mith nga daken e ted nge yan i mada’ ko langilath nnep’.