Numbers 10:1 - Bible Ni Thothup

¹ Me ga’ar SOMOL ngak Moses,

Numbers 10:1 Kruisverwysings

Genesis 42:13

Me lungurad, “Gamad ragag nge l’agruw u gubin, ni gamad pifak be’ nib mo’on ko nam nu Kanaan. En ni th’abi bitir e bay rok e chitamangimad, ma reb e ke yim’.”

Genesis 46:15

Pi pagel ney e diyannag Leah rok Jakob u Mesopotamia nge kureb e bpin ni Dinah. Yad urngin ni yad owchen Jakob rok Leah ni yad guyey nge dalip u gubin.

2 Samuel 6:15

Ma aram miyad fek piyu Israel ni gubin fare Kahol ko M’ag i yan ngar mada’gad nga Jerusalem ni yad be garus ma yad be l tolulnag e felfelan’ ma yad be thoy e yabul.

2 Kings 11:14

Mu rom e guy fare pilung ni kab be’ech riy nib sak’iy u to’oben fare duga’ ni bay u langan fare Tempel, ya aram rogon ko yalen. Ma ke liyeg e pi tolang nge pi ta thoy e rappa’, ma urngin e girdi’ ni yad be tolulnag e felfelan’ ma yad be thoy e rappa’. Me guchthuy Athaliah e mad rok ni kari kireban’ me tolul, ni be ga’ar, “Ka mu liyab nigedgag! Ka mu liyab nigedgag!”

2 Kronicles 23:13

U rom e guy riy fare pilung ni kab be’ech u langan e Tempel, nib sak’iy u to’oben fare duga’ ni ka ni tay ni fan ngak e pilung ma ke liyeg e pi tolang ko salthaw nge girdi’en e musik ko rappa. Gubin e girdi’ ni yad be garusnag e felfelan’ ma yad be thoy e rappa, ma girdi’en e musik u Tempel ni bay talin e musik rorad e yad e yad be tay langin fare madnom. Me guchthiy fare pin e mad rok me tolul ni ga’ar, “Ka mu liyab nigedgag! Ka mu liyab nigedgag!”

2 Kronicles 7:6

Me sak’iy e pi prist ko yungi n’en ni kani tay ni tagil’rad, ni yad ba changar ko gin nib sak’iy e pi Levite riy, yad be pining e sorok ngak SOMOL ko pi talin e musik ni ka David ni Pilung e yagnag ma yad be yin’ fare tang ni ga’ar, “T’ufeg rok e dabimus!” ni bod nike yog David ngorad ni ngar rin’ed. I thoy fapi prist e rappa nnap’an nib sak’iy gubin e girdi’.

Ezra 3:10

Nap’an nra tababgad i ubung e def ko Tempel me yan i sak’iy e pi prist nga tagil’rad ni karon’ed fapi mad rorad ni n’un’uw, ni bay e rappa u pa’rad, ma pi Levi ni girdi’en e tabinaw rok Asaf e yad bay u rom ni bay e cymbal rorad ni tatelin e musik. Miyad pining e sorok ngak SOMOL nrogon ni duwgiliy David ni Pilung nu Israel kakrom.

Psalms 47:5

Got e ke yan ngalang nga tagil’! Min tolulnag e felfelan’ me thow e rappa ni be yan SOMOL ngalang!

Psalms 81:3

Mu thoyed e rappa ni fan ko fare madnom, ko rofen ni m’ug e pul nge rofen ni ngo’on.

Psalms 98:6

Mu thoyed e rappa nge yabul, mi gimed tolul’nag e felfelan’ ngak SOMOL ni pilung rodad.

Numbers 1:52

Mfini yib e tin kabay e girdi’ nu Israel ngar n’ufed e Tent rorad ngalang, ni yu ulung, ra reb fapi pumo’on ma bay u tan e girok e flak ni yad e birok e ulung.

Numbers 10:2

“Mu ngongliy l’agruw i yabul ko silber ni kan amanag ni ngu’un pong girdi’ ngay ni nge mokun nga ta’bang nge ngiyal’ ni ngad piliged e pi Tent rodad nga but’ ni aram e ngad n’iged gil’dad.

Numbers 29:1

U lan e bin ni som’on e rran ko bin medlip e pul e ngam mu’ulunggad ni fan e liyor, ma dariy ba maruwel ni ngan rin’. Rofen nem e ngu’un thoy e rappa’.

Numbers 7:2

Ma fapi mitethin ko fa yuke girdi’ ni yad e pi tayugang’ ko fapi ganong nu Israel, ni fapi pumo’on ni ur mathe’eg girdi’gad,

Numbers 9:23

Yad ma tal ngar n’ufed e Tent rorad ma yad ma pug e Tent rorad ngar milekaggad nrogon ni be yog SOMOL ngorad u l’ugun Moses.

Matthew 24:31

Ma fare rappa ni ba ga’ lungun e bay non, ma aram e bayi l’oeg e engel rok ko fa aningeg yangi n’en u fayleng nma thow e nifeng riy, ma aram miyad kunuy e girdi’ rok nike mel’egrad u baraba’ e fayleng nge yan i mada’ nga baraba’.

Joshua 6:4

Ma medlip e prist, nra bagayad ma be fek reb e yabul ni gagey rok e saf ni pumo’on ngranod ni yad be m’on ma be lek fare Kahol ko M’ag rok SOMOL keru’rad. Ma chirofen ni nge gaman e medlip ngay e ngam marod e salthaw rom ngam liyeged e re binaw nem ni medlip yay, ni be thoy e pi prist e pi yabul nem ni gagey ko saf ni pumo’on.

Revelation 8:2

Mu gguy fa medlip i engel ni yad ba sak’iy u p’eowchen Got; ni medlip e rappa ni kan pi’ ngorad.

Judges 7:20

Me thoy fa gal nem e ulung e yabul rorad miyad bilig fapi rume’. Miyad fek e mol’ nga ba’ ni gilay’ i pa’rad, ma bay e yabul u ba’ ni mat’aw, miyad tolul ni lungurad, “Ba saydon ni fen SOMOL nge Gideon!”