Numbers 1:53 - Bible Ni Thothup

⁵³ Machane pi girdi’ ko ganong rok Levi e yad ra n’uf e pi Tent rorad nib liyeg fare Tent rog ngu’ur matnagiyed, ya nge dabi chugur yug be’ ngay ya ri mang tapgin e damumuw rog ni nge aw ngak yu Israel ni ga’ngin.”

Numbers 1:53 Kruisverwysings

1 Kronicles 23:32

Yad e ni pagfan ngorad fare Tent rok SOMOL nge fare Tempel ni ngu’ur ayuweged, ma ku yad be ayuweg e girdi’ rorad ni pi prist ni pi’in owchen Aron, ko liyor u Tempel.

2 Kronicles 13:10

Ma gamad e kagmad be pigpig ngak SOMOL ni Got romad ma dawor gu paged. Prist nrabad rok Aron e kayad ma rin’ e maruwel rorad, ma pi Levite e tama’ayuw rorad.

2 Kronicles 13:11

Gubin e kakadbul nge blayal’ ma yad ma pi’ ngak e incense nge gamanman ni maligach ni yibe urfiy nika yu reb. Ma yad be pi’ e maligach ni flowa u daken ba tebel ni kan tabgulnag, ma gubin e blayal’ ma yad ma gal’ e magal u daken e pi tagil’ e magal nib gol. Gamad ma rin’ e n’en keyog SOMOL, machane gimed e kam digeyed SOMOL.

Jeremiah 23:15

“I Gag, fare SOMOL ni Gubin ma Rayag Rok e ba’aray e tin gu be yog ni murung’agen e pi profet nu Jerusalem ni be lungug: Bay gu pi’ e woldug nib mo’oy ngar ked, nge ran ni bay e yub riy ngar unumed, ya kar gagiyeg niged e girdi’ u lan e nam ni ga’ngin ka ra pired ndakuriy fag u wun’rad.”

Jeremiah 5:31

Pi profet e go’ ban e yad ma tay, ma prist e yad be gagiyeg u rogon nike yog e profet, ma girdi’ e dariy ban’en niyad be yog riy. Machane mang e yad ra rin’ ko ngiyal’ nike taw gubin ban’en ko tungun?”

Levitikus 10:6

Me ga’ar Moses ngak Aron nge fa gali pumo’on ni fak ni aram Eleazar nge Ithamar, “Dab mu ted lolgumed ndab kum raweyed ara mu guchthiyed e mad romed ni gimed be dag ni be taganan’med. Ya gimed ra rin’, ma gimed ra yim’, mra damumuw SOMOL ngak yu Israel ni ga’ngin. Machane urngin e girdi’ nu Israel ni yad ra yornag faglicha’ ni li’row fare nifiy ni SOMOL e pi’ nge yib.

Numbers 1:50

Ya ngam tay e pi Levite ni yad e ngar maruwelgad ko Tent u p’eowcheg nge gubin tatalin e maruwel riy. Yad e bay urfeked i yan nge urngin tatalin e maruwel riy, ma bay ur pigpiggad riy, ma bay ra n’ufed e pi Tent rorad ngalang nib liyeg fare Tent.

Numbers 1:54

Aram me rin’ e girdi’ nu Israel gubin ban’en nike yog SOMOL ngak Moses.

Numbers 16:46

me ga’ar Moses ngak Aron, “Mu fek fa raba’ i n’en rom ni fen e fek nifiy ngam af e nifiy u daken e altar nga langgin, ma ga af boch e incense nga langgin. Ma ga papey nigem ngam fek i yan ngak e pi girdi’ nem ngam fal’eg bangbengin e machalbog ni fan ngorad. Mu pay nigem! Ya ke pu’og SOMOL e damumuw rok ke tabab e liliy ni yibe yim’ riy.”

Numbers 16:9

Mogned, gimed be leamnag ma yug de ga’fan nike faelmed e Got rok yu Israel nga bang u fithik’ piyu Israel ni bochan e nge yag ni ngu’um chugurgad ngak, ma gimed be rin’ e maruwel romed u lan fare Tent rok SOMOL, ma gimed be sak’iy u mit yu Israel ngu’um machibgad mi gimed be pigpig ngorad?

Numbers 17:7

Me tay Moses fa yu ley i sog ni urngin ngalan fare Tent nga mit fare Kahol ko M’ag rok SOMOL.

Numbers 2:17

Mu thilin fagal raba’ i girdi’ ni m’on nge gal raba’ ni tomur e bay girdi’en Levi riy ni yad e ngranod ni yad be fek fare Tent. Ra barba’ fapi girdi’ ma yad be yan ni ku ba yaram ni bod yarmen ni ur n’ufed e pi Tent rorad u tan e flak rorad.

Numbers 3:23

Re ke girdi’ ney e ngu’ur n’ufed e pi Tent rorad u ley ni ngal ko fare Tent.

Numbers 3:29

Re ke girdi’ ney e ngu’ur n’ufed e pi Tent rorad u ba’ ni yimuch ko fare Tent,

Numbers 3:35

Re ke girdi’ ney e ngu’ur n’ufed e pi Tent rorad u ba’ ni lel’och ko fare Tent, ni Zuriel nib mo’on ni fak Abihail e ir e mitethin ko ra ke girdi’ ney.

Numbers 3:38

I Moses nge Aron nge fa pimo’on ni pifak e ngu’ur n’ufed e pi Tent rorad nga mit fare Tent u ley ni ngek. Yad e bmilfan ngorad ngonglen e pigpig u lan e Gin nib Thothup ni fan ngak e girdi’ nu Israel. Ma yug be’ ni nge guy rogon nge rin’ e pi maruwel ney e yira thang e fan rok.

Numbers 31:30

Ma guruy ni kan pi ko tin kaba’ e girdi’ e ngan fek ta’reb u fithik’ urngin e yu wugem ko pi kalbus ma ku aram rogon ni ngan rin’ ko garbaw, dongki, saf, nge kaming. Min pi’ ngak e pi Levite ni yad e ba milfan e Tent rok SOMOL ngorad.”

Numbers 31:47

Biney e f’oth e fek Moses ta’reb u fithik’ urngin e yu wugem ko pi kalbus nge gamanman, ni bod ni yog SOMOL, ni ngan pi’ ko pi Levite ni yad e ba milfan fare Tent rok SOMOL ngorad.

Numbers 8:19

Are kug pi’ e pi Levite ngak Aron nge pifak ni pumo’on, nib tow’ath nike yib rok yu Israel, ni ngar maruwelgad u lan fare Tent ni fan ko girdi’ nu Israel ma ngkur yororgad rok yu Israel ko riya’ nra aw ngorad ni fa’an yad ra chuchugur nga charen fa Gin nib Thothup.”

2 Timothy 4:2

ni ngam machibnag e thin rok Got ko girdi’ ndemturug ko kari mab e kanawo’ ngom fa dawor; mu gguy rogon ni nge riyul’ u wun’rad, ma ga fal owcherad ko kireb ni yad be rin’, ma ga pi’ e athamgil nga lanin’rad, mu um fil e thin rok Got ngorad u fithik’ e gumaen’.

1 Samuel 6:19

I SOMOL e thang e pogofan rok medlip i ragag e pumo’on nu Beth Shemesh ni bochan e ranod ra chocho’gad ngalan fare Kahol ko M’ag. Me dolo’loy e girdi’ ni bochan e bo’or e girdi’ ni li’ SOMOL u fithik’rad.