Numbers 1:3 - Bible Ni Thothup

³ ni rliw’ e duw yangren ngalang nrayag ni ngar uned ko mael.

Numbers 1:3 Kruisverwysings

2 Samuel 24:9

Miyad sulweg e thin riy ko fare pilung u urngin e pumo’on nrayag rarogon e mael rorad: 800,000 u lan yu Israel ma 500,000 u lan yu Judah.

1 Kronicles 5:18

U lan e pi ganong rok Ruben, Gad nge ba’ ni Ngek e Manasseh, e immoy 44,760 e salthaw riy nri yad ba salap ko saydon nge mun gat’ing nge rogon i fanay e shield.

2 Kronicles 25:5

Me yarmiy Amaziah ni Pilung urngin e pumo’on ko fa gal ganong rok Judah nge Benjamin nge yo’or ulungnag, ra baken e girdi’ ma reb e ulung, me tay e pi tolang ko salthaw ni ngu’ur gafaliyed e pi ulung nem ni boch e 1,000 girdi’en ma boch e 100 girdi’en. Pumo’on ni un ngay e rliw’ e duw yangren ngalang, yad dalip mir’ay e bbiyu’ u gubin. Ka ni mel’egrad ni ngar manged salthaw, ni ka ra fal’eged rogorad ni ngar’uned ko mael, yad ba salap ko cham ko sarey nge shield.

Exodus 12:17

Ngu’um madnom niged e re madnom ney ni yibe kay e flowa ni dariy e is riy, ya irera’ e rofen ni gu fekmed nga wuru’ yu Egypt ni aram fenmed pire’. Um madnom niged e re rran ney ni urngin e mfen ndab mu paged.

Exodus 30:14

Gubin e pi’in kan the’egrad ko fare math’eg girdi’, ni pumo’on nike gaman e rliw’ e duw rorad ngalang e ngar pi’ed e salpiy ngog ni rogon ni kanog.

Exodus 38:26

Re matha’eg ney e aram urngin ni mokun u pa’ urngin e girdi’ ni kan the’egrad, ra bagyad me pi’ oren ni kanog, ni bod tomalngin ni kan duwgiliy ko thabthabel e ngiyal’nem. Urngin e pumo’on ni rriliw e duw yangren ngalang ko fare mathe’eg girdi’ e 603,550 urungrad.

Numbers 14:29

Bay mm’ad, ma dowef romed e bayi wer u daken e re ted ney i yan. Dariy bigimed nike pag reliw’ e duw yangren nra yan ngalan e re nam nem ni bochan e gun’gun’ ni um ted nib togopluw ngog.

Numbers 26:2

“Mu the’eggew e girdi’ ko tabnaw u ga’ngin yu Israel, ni urngin e pumo’on nike gaman rliw’ e duw rok ngalang nrayag ni nge un ko mael.”

Numbers 3:15

ni nge fal’eg babyoren e pi Levite ni yuke girdi’ nge tabnaw, nge uneg ngay gubin e pumo’on nike gaman ta’reb e pul ngalang yangren,

Numbers 32:11

‘Nggu micheg ni bochan e da ra yul’yul’gad ngog, are dakriy bagyad fapi pumo’on ni rliw’ e duw rok ngalang ni chuw u lan yu Egypt nra yan nga langgin fare binaw ni gu ognag ngak Abraham, Isaac, nge Jakob.’

Numbers 33:1

Ba’aray fithingan e yungi n’en ni i par piyu Israel riy u tomuren ni chuw fapi ganong nu Israel u Egypt ni Moses nge Aron e ra pow’iyewrad i yan.

Numbers 4:3

min fal’eg babyoren fithingan urngin e pumo’on ni guyey nge yan i mada’ ko wugem e duw yangarrad ni ngar maruwelgad u lan fare Tent u p’eowchen SOMOL.

Deuteronomy 24:5

“Fa’anra ka fini mabgol reb e pumo’on ma dab ni fek nge un ko salthaw fa yugu reb e maruwel ko nam, ya thangri puf rogon nge par u tabinaw ni reb e duw nge ayuweg e bpin rok ngi i par nib felfelan’.

Deuteronomy 3:18

“Kugog ngomed e ngiyal’nem ni lungug: ‘I SOMOL ni Got rodad e ke pi’ ngomed e regi binaw ney ni bay ko ngek ko lul’ ni Jordan ni ngam tafned. Ere chiney e ngam fal’eged rogon e salthaw romed mi gimed l’ograd ngar m’onod rok e pi ganong nu Israel ni kabay ngar th’abed e Jordan nga ba’ nem. Ya ngar ayuweged e pi ganong nem nge yag nra feked fare binaw ngar tafned.