Numbers 1:20 - Bible Ni Thothup

^20-46 Pi’in pumo’on ni rliw’ e duw rorad ngalang nrayag ni ngar uned ko mael e ni ngongliy babyorenrad nrogon fithingrad ko yuke girdi’ nge tabnaw nrabad riy, ni tabab ko fare ganong rok Ruben, ni bin nth’abi nganni’ e pumo’on u fak Jakob. Urunginrad u gubin e ba’aray: Ganong Urngin e girdi’ Ruben 46,500 Simeon 59,300 Gad 45,650 Judah 74,600 Issakar 54,400 Zebulun 57,400 Efraim 40,500 Manasseh 32,200 Benjamin 35,400 Dan 62,700 Asher 41,500 Naftali 53,400 Urnginrad u gubin: 603,550

Numbers 1:20 Kruisverwysings

Genesis 29:32

Me diyen Leah me gargel ni bochi pagel. Me ga’ar, “I SOMOL e ke guyeg ni gu be gafgow, chiney e bayi adageg e pumo’on rog”; me tunguy fithingan ni Ruben.

Genesis 35:23

Pi pagel ni fak Leah e Ruben (ni bin nganni’ i fak Jakob), Simeon, Levi, Judah, Issachar, nge Zebulun.

Genesis 46:9

nge pi pumo’on ni pifak Ruben: Hanok, Pallu, Hezron, nge Karmi.

1 Kronicles 5:1

Irera’ e pi’in owchen Ruben, ni en nganni’ ko pi pumo’on ni pifak Jakob. (Bochan e ra pirew reb fapi bpin rok e chitamngin, me mul u pa’ mat’wun e en nib nganni’ e pagel u fakay, min pi’ ngak Josef e pi mat’wun nem.