Luke 3:3 - Bible Ni Thothup

³ Ma aram me yan John u ga’ngin yang e gi nug ni ba’aram ni bay e lul’ ni Jordan riy, ni be machib ni be ga’ar, “Mpi’ed keru’med ko denen ni gimed be rin’ min tawfe nagmed, me n’ag Got fan e denen romed u wan’.”

Luke 3:3 Kruisverwysings

Matthew 3:11

I gag e gu be tawfe nagmed ko ran ni nge dag ni kam kolgad ngan’med kam pi’ed keru’med ko denen ni gimed be rin’; ma en ni bayi yib u tomureg e bayi tawfe nagmed ko fare Kan Nthothup nge nifiy. I ir e ri ka ba ga’ ngog; nri gub sobut’ ndab gu bung ni ngu’ug fek e sus rok.

Luke 1:16

Ya bayi fulweg bo’or e girdi’ nu Israel ngak Somol ni Got rorad.

Luke 1:77

ngamog ngak e girdi’ rok ni bayi thapegrad Got ngak, ni bochan e bayi n’ag fan e denen rorad.

Luke 4:1

Me sul Jesus u Jordan nib sug ko Kan Nthothup, me mang fare Kan ni Thothup e pow’iy nga daken e ted,

John 1:28

Urngin e pin’ey e nrin’ u lan e binaw nu Bethany, ni bay u ba’nem e lul’ ni Jordan, ni ir e i tawfenag John e girdi’ riy.

John 3:26

Ma aram miyad yan ngak John ngrogned ngak ni lungurad, “Tamchib, ka ga manang fare mo’on ni fa’ani mmada’gow u ba’nem e lul’ ni Jordan, ni fa’anem ni mweliy murung’agen? Chiney e aram e be tawfe, ma gubin e girdi’ ni be yan ngak!”

Acts 13:24

Dawori yib Jesus, me machib John ngak urngin e girdi’ nu Israel ni ngar pi’ed keru’rad ko denen ni yad be rin’ ngan tawfe nagrad.

Acts 19:4

Me ga’ar Paul, “John e i tawfenag e pi’in kar paged e kireb ni yad be ngongliy; me ir e weliy ngak e girdi’ nu Israel ni nge mich u wun’rad e en ni bay yib u tomuren ni aram e Jesus e nge mich u wun’rad.”

Acts 22:16

Ere mang ni ka ga be son e chiney? Mu sak’iy ngan tawfe nigem ma ga wenig nigem nga fithingan nge chuweg e denen rom.’