Luke 1:20 - Bible Ni Thothup

²⁰ Machane dawori pagan’um ko re bugithin ney ni kug fek i yib ngom, ni bayi taw nga nap’an me yib i m’ug nib riyul’. Ere bay mu par ndabkiyag ni mu’un ko numon ni bochan e de pagan’um ko tin kugog; bay mu par ndabkiyag ni mu’un ko numon nge yan i mada’ ko chirofen ni bay yib i m’ug nib riyul’ e tin kugog ngom.”

Luke 1:20 Kruisverwysings

2 Kings 7:19

me ga’ar fare salthaw nma un ngak e pilung, “Ri dabiyag ni nge ydor, mus ni nge pi’ SOMOL e n’uw e chiney ma dabiyag!” Me ga’ar Elisa, “Bay mu guy ni bod ni kugog, machane dab mu koy boch e pi ggan nem.”

2 Kings 7:2

Ma fare salthaw nib tolang ni un ngak fare pilung e ga’ar ngak Elisa, “Ri dabiyag ni nge ydor, mus ni nge pi’ SOMOL e n’uw e chiney ma dabiyag!” Me ga’ar Elisa, “Bay mu guy ni bod ni kugog, machane dab mu koy boch e pi ggan nem.”

Exodus 4:11

Me ga’ar SOMOL ngak, “I mini’ e pi’ l’ugun e girdi’? I mini’ e ma gagiyegnag e girdi’ nge par nike baling ara dabkiyag ni nge non? I mini’ e ke tay e girdi’ ni nge guy ban’en, ara tay nib malmit? I gag SOMOL.

Isaiah 7:9

Yu Israel e de gel ko fare binaw ni tochuch rok nu Samaria, ma yu Samaria e de gel ngak Pekah ni Pilung. “Fa’anra dabi muduwgil e michan’ romed, ma dab mmuduwgilgad.”

Ezekiel 24:27

Ma ka chirofenem me sul lungum ngom ni m’ay ngabang, ma aram e bay um nonad. Irera’ kanawo’en ni ga ra mang ba pow ngak e girdi’, ma aram e bay ra nanged ni Gag fare SOMOL.”

Ezekiel 3:26

Bay gu m’aynag gelngin bolowthem nge dabkiyag ni mu ginaeng e pi girdi’ ney ni tatogopluw.

Daniel 10:15

Fa’ani yog e ren’ey, mu gu lik’ath nga but’ nda gog ban’en.

Numbers 20:12

Machane puwan’ SOMOL ngak Moses nge Aron ni ga’ar, “Bochan e de gaman e pagan’ romew ngog ni ngam dagew u p’eowchen yu Israel nib pagan’mew nga gelngig nib thothup, ma aram e dab kum pow’iyew yu Israel ngalan fare nam ni gu micheg ni bay gu pi’ ngorad.”

Mark 16:14

Me tomur riy me m’ug Jesus ngak fa ragag nge ta’reb i gachalpen ko ngiyal’ ni yad be abich; me puwan’ ngorad ni bochan e de pagan’rad ko thin ni yog, nge bochan e kayigi gel e gelan’ rorad nde riyul’ u wun’rad e tin ni yog e pi’in nra guyed Jesus nike fos.

Mark 9:19

Me fulweg Jesus ngorad ni ga’ar, “Ri der mich Got u wun’med! Uw n’umngin nap’an nthingar gu par romed? Uw n’umngin nap’an ni nggu k’adan’ug romed? Mfeked fachi pagel i yib ngog!”

Luke 1:19

Me fulweg fare engel ngak ni ga’ar, “I gag Gabriel, gu ma par u p’eowchen Got, ni ir e ke l’oegeg ni nggu non ngom ni nggu weliy e re bugithin ni bfel’ ney ngom.

Luke 1:21

Fa’ani be non Zakariah nge fare engel ma be sonnag e girdi’ Zakariah, ni yad be fithrad u wun’rad ko mangfan ni kayigi n’uw nap’an nike par u lan e Tempel.

Luke 1:22

Ma fa’ani yib nga wean ma dabkiyag nra non ngorad, ma aram mar nanged ni kan piliyeg e changar rok ke guy ban’en u lan e Tempel. Me fanathin ngorad u pa’ ya dabkiyag ni nge yog ta’ab bugithin.

Luke 1:45

I pagan’um ngak Somol ko tin ni yog ni bay rin’ ngom, aram fan ni kari mfelan’!”

Luke 1:64

Ka chingiyal’ nem me yag ni nge non Zakariah bayay, ma aram me tabab i pining e sorok ngak Got.

Roma 3:3

Ma fa’anra bay boch i yad nde yul’yul’? Gur ma aram e dabki yul’yul’ Got?

2 Timothy 2:13

Ma fa’anra darid yul’yul’gad, me ir e be par nib yul’yul’, ya dabiyag ni nge thiliyeg rogon ni ir Got.”

Titus 1:2

ni murung’agen e yafos ndariy n’umngin nap’an ni ir e nge l’agan’uy ngay. I Got nder ma ban e turguy e re yafos ney ndariy n’umngin nap’an ni nge pi’ ngodad ko ngiyal’ ndawori sunumeg e fayleng riy,

Hebrews 6:18

Ere gali n’ey e dabiyag ni nge thil ma dabiyag ni nge lifith Got l’ugun riy. Ere gadad e pi’in ni kad thapgad ngak Got e ka ni pi’ e athamgil nga lanin’dad ni ngad chichi’iyed pa’dad ko fare pagan’ ni ka ni pi’ ngodad.

Revelation 3:19

Gu ma puwan’ ma gu ma gechignag urngin e pi’in yad ba t’uf rog. Ere mu tiyan’um ngam pi’ keruum ko denen ni ga be rin’.