Joshua 8:4 - Bible Ni Thothup

⁴ Ni ba’aray e tin ni yog ngorad ni ngar rin’ed: “Ngam mithgad u barba’ fare binaw, machane dab mu paloggad riy; mu dum’ midilgad ko cham.

Joshua 8:4 Kruisverwysings

2 Kings 7:12

Kab nep’, machane me od e en ni pilung me ga’ar ngak e pi salthaw nib tolang, “Gu manang e n’en ni be leamnag e salthaw nu Syria! Yad manang ni dakuriy e ggan rodad, ere kar paged e tent rorad ka ranod ra mithgad nga bang. Yad be leamnag ni ngad chuwgad u lan binaw ngdarod ni gad be gay e ggan, miyad koldad ngar feked e re binaw rodad ney.”

2 Kronicles 13:13

Rengiyal’ i n’em ma ke l’oeg Jeroboam yu raba’ fapi salthaw rok ni ngranod u keru’ e pi salthaw nu Judah ngar oggad ngorad, me par e tin kabay e salthaw rok Jeroboam ni ka ra sabaliyed e salthaw nu Judah.

Eklesiastes 7:19

Gonop e kabga’ angin ngak be’ ko ragag i tagagiyeg ni nge yib angirad ngab binaw.

Eklesiastes 9:16

Yigguma yog ni gonop e kabfel’ ko yargel, machane dariy be’ nma leamnag ni be’ nib gafgow e ba gonop ara ni motoyil ko n’en ni be yog.

Acts 23:21

Machane dab mu telim ngorad, ya ba pag e aningeg i ragag e pumo’on ni bay ra mithgad ngu’ur son niged, ya kar og niged u mit Got ndab ra ked ban’en ara ra garbodgad nge mada’ ko ngiyal’ ni kar thanged e fan rok riy. Chiney e kar fal’eged rogorad ni ngar rin’ed, ma yad be sonnag e n’en ni bay mu turguy.”

Joshua 8:16

Ma gubin e pumo’on ko re binaw nem nni piningrad nga ta’bang ni ngar lekedrad, ma nap’an e yad be lol’oeged Joshua i yan, ma aram e yad be palog ko fare binaw nga orel.

Joshua 8:3

Me ere fal’eg Joshua rogon nge salthaw rok ko yan nga Ai. Me mel’eg guyey biyu’ ko salthaw rok nthabi salap nge pi’rad ngranod nnep’.

Judges 20:29

Ere tay piyu Israel boch e salthaw ngar pachgad ni kar liyeged yu Gibeah.

Judges 20:33

Ere nap’an e sul fa raba’ i salthaw ni gelngin yu Israel nga ta’bang ngar yu ulunggad bayay u Baaltamar, ma fapi salthaw nra longbiyed yu Gibeah e rabad ra bogorgad nib tomgin nga tamilang ko gin ur pachgad riy u fithik’ e war nib liyeg fare binaw.

Judges 20:36

me nang piyu Benjamin ni kar waergad. Fa raba’ i salthaw ni gelngin yu Israel e ra milgad rok piyu Benjamin ni bochan e be pagan’rad ngak e tin e salthaw ni kan tayrad ni yad be pach ni kar longbiyed yu Gibeah.

Judges 9:25

Pi pumo’on nu Shekem e ra ted bochiyad nga p’ebgul e pi burey ni ngar oggad ku Abimelek, ma ku yad be og ko pi’in yad be yan u rom ngu’ur feked e tirorad u yargal. Minog e pin’ey ku Abimelek.

Judges 9:32

Ere gimed e tirom e girdi’ e ngam marod nnep’ ngam mithgad u daken e falang.

1 Samuel 15:2

Bayi gechignag e girdi’ nu Amalek ni bochan e ra togopluwgad ngak piyu Israel ko fa ngiyal’nem ni chuw piyu Israel u Egypt.

1 Samuel 15:5

Ma aram miyad yan e salthaw rok ko fare binaw nu Amalek ngranod ra mithgad ngalan ba lul’ nike m’ay e ran riy ni ngar oggad ko pi Amalek.