Joshua 8:1 - Bible Ni Thothup

¹ I ga’ar SOMOL ngak Joshua, “Mu fek urngin e salthaw nge un ngom ngam farthoggad nga Ai. Dab mu dugow ara mulan’um. Ya bay gu pi’ gelngim ngam gel ngak e pilung nu Ai; nge girdi’ rok, nge binaw rok, ma regi but nem e bay i milfan ngom.

Joshua 8:1 Kruisverwysings

Psalms 27:1

I SOMOL e tamilang rog me ir e bay rog ni be ayuwegneg i yan; dab gu rus ngak be’. SOMOL e be yororiyeg ko riya’; ere dab gu tamdag.

Psalms 44:3

Pi girdi’ rom e dar gelgad ko fare nam ni bochan e saydon rorad; ma ku gathi gelngirad e ra gelgad riy; ya ra gelgad u daken gelngim nge fenam gel, ya ga bay rorad, ni aram e be dag ni yad ba t’uf rom.

Psalms 46:11

SOMOL ni Gubin ma Rayag Rok e bay rodad; fare Got rok Jakob e ir e yoror rodad!

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Isaiah 43:2

Ga ra yan u fithik’ e ran nib to’ar ma gu bay rom; gafgow ni bay i yib ngom e dabiyag ni nge gel ngom. Ga ra yan u fithik’ e nifiy ma dab mu gak’; ma pin’en nib mo’maw’ ni bay i yib ngom e dariy ban’en nra rin’ ngom.

Jeremiah 46:27

“Girdi’ rog, dab mu tamdag gad, girdi’ nu Israel, dab mu rusgad. Bay gu chuwegmed ko fare nam nib orel, ni aram fare nam ni um kalbusgad riy. Bay mu sulod nga tafenmed ngam pired u fithik’ e gapas; dabki buch ban’en romed, ma dakriy be’ ni re k’ar dugow ngomed.

Jeremiah 49:3

Girdi’ nu Heshbon, mu yorgad ngalang! Ai e kan buthug! Pi’in ni ppin nu Rabbah, mu mowawgad! Moned e mad ni tutuw ko mowaw ni ngam ted. Mmilgad i yan nike wagagey lanin’med. Fare got romed i Molek e bay ni fek nib kalbus nga wuru’ e nam, nib chagil e pi prist rok ngak nge fapi pumo’on ni fak e pilung.

Daniel 2:21

Ya ir e ma gagiyegnag nap’an ban’en nge ngal’an; I ir e ma pilung nigey me ir e ma chuwegey ko pilung. I ir e ma pi’ e gonop ngak e girdi’ mma gagiyeg nagrad ngar nanged fan ban’en.

Daniel 4:25

Bay ni tulufem ngam chuw u fithik’ e girdi’ ma ga yan mpar nga fithik’ e gamanman ni malboch. Bay um koy e pan ni bod ba garbaw, mu um mol u wean ngi i aw e wa’angachal ngom ni medlip e duw. Ma aram e bay mu nang ni Got ni Ir e Th’abi Tolang e be gagiyegnag urngin e gagiyeg ni be tay e pi pilung nu fayleng, ma rayag rok ni nge gagiyegnag nge pilung e en ni ir e ke duwgiliy ni nge pilung.

Daniel 4:35

Ra ni paluwnag e girdi’ nu fayleng ngak mra yan i par e girdi’ nu fayleng nib m’ayfarad; i ir e be gagiyegnag e pi engel nu tharmiy nge girdi’ nu fayleng. Dariy be’ nrayag rok ni nge togopluw ko tin ke duwgiliy u wan’, ara fith ngak e n’en nma rin’.

Matthew 8:26

Me fulweg Jesus ni ga’ar, “Mang ni kari mu rusgad? Rib achig e michan’ romed ngak Got!” Me sak’iy ngalang nge non ko nifeng nge n’ew, me ri mocha’.

Deuteronomy 31:8

I SOMOL e bay i pow’iyem i yan ma be un ngom. Dabi pagem ngam waer ara n’agem. Ere dabi mulan’um ara mu rus.”

Deuteronomy 7:18

Dab mu rusgad ngorad, ma dab mpaged talin e n’en ni rin’ SOMOL ni Got romed ngak fare pilung nu Egypt nge girdi’en e nam rok.

Deuteronomy 7:21

Dab mu rusgad ngorad, ya SOMOL ni Got romed e bay romed; ya ir ba Got nib sorok me ir e ngan rus ngak.

Joshua 1:9

Mu tay u wun’um ni kugog ngom ni ngam par ni ga ba gel ma dab mu rus! Dab mu tamdag ma dabi mulan’um, ya Gag, SOMOL ni Got rom, e gu bay rom ko yungi n’en ni bay um man riy.”

Joshua 10:7

Me yan Joshua nge salthaw rok ni urngin u Gilgal ngaram.

Joshua 10:8

Me ga’ar SOMOL ngak Joshua, “Dab mu rus ngorad, ya kug duwgiliy ni gur e ngam gel. Dariy ta’bagayad nrayag rok ni nge talegem.”

Joshua 2:24

Me lungurow ngak, “Kari mich u wun’mow nike pi’ SOMOL ngodad e re nam nem ni ga’ngin. Ya urngin e girdi’ nu rom ni kar rusgad ngodad.”

Joshua 6:2

Me ga’ar SOMOL ngak Joshua, “Mu telim! Yu Jeriko nge pilung riy nge pi salthaw ni bay riy ndarir rusgad e nggu pi’ nga pa’am.

Joshua 7:9

Piyu Kanaan nge urngin e pi’in yad bay u langgin fare nam e bay rrung’aged murung’agmad. Bay ra liyeged gamad ngar li’ed gamad ni gamad gubin nggu m’ad! Are mang e ga ra rin’ mu kum ayweg fanam gilbugwan?”