Joshua 7:25 - Bible Ni Thothup

²⁵ Me ga’ar Joshua, “Mangfan ni kam girengiy e tiney e wagagey nga dakendad? Aram e chiney e nge girengiy SOMOL e wagagey nga dakenam!” Ma urngin e girdi’ nra malang niged Akan nge yim’; mu ku ra malang niged miyad urfiy chon e tabnaw rok nge urngin e chugum rok.

Joshua 7:25 Kruisverwysings

Genesis 34:30

Me ga’ar Jakob ngak Simeon nge Levi, “Kam tew e oloboch nga puluwog; ni aram e bayi dabuyeg piyu Kanaan, nge Perizzites, nge gubin e girdi’ ko re binaw ney. Ma gadad buchu’uw; mra chey ni ta’reb lungrad ni ngar togopluwgad ngar chamgad ngog, ma ga’ngin e re ke girdi’ rodad ney nra math owcharad.”

Genesis 38:24

Gonap’an dalip e pul nga tomuren me ga’ar be’ ngak Judah, “Fare bpin i Tamar ni i le’engiy fakam e ki i ngongol ni bod e bpin nib gathar, ya chiney e ke diyan u muchugbil.” Me pi’ Judah e thin nge yan ni be ga’ar, “Ngan fek e re bpin nir nga wuru’ e binaw ngan orfeg nge yim.”

1 Kronicles 2:7

I Akan nib mo’on ni fak Karmi, ni reb e pi’in owchen Zerah e girengiy e riya’ nga daken e girdi’ nu Israel ko fa pin’en nni fek u tan e mael ni tel nde pi’ ni kan mu’ i ognag ngak Got.

Proverbs 1:19

Moro’ro’ u fithik’ e yargel e gubin ngiyal’ nma fek e pogofan rok fa’anem ni moro’ro’-irera’ kanawo’en e en nma yargel.

Proverbs 15:27

Ga ra guy rogon ni nge yag e win ngom u fithik’ e sasalap, ma aram e oloboch ni nge yib nga tabnaw rom. Dab mu fek puluwon e sasalap me n’uw e yafos rom.

Levitikus 20:14

Fa’anra le’engiy be’ nib mo’on be’ ni bpin nge chitinngin fare pin, ma yad gubin ni yira urfiyrad ngarm’ad ni bochan e rib kireb e tin kar rin’en; mitney e ngongol e thingar dab ni pag nge buch u fithik’med.

Levitikus 20:2

ni nge yog ngak e girdi’ nu Israel ni nge ga’ar, “Demturug bigimed ara be’ u reb e nam ni be par u fithik’med nra pi’ reb i pifak ngak fare got ni Molek e thangri malangnag piyu Israel facha’ nge yim’.

Levitikus 21:9

Ma fa’anra be’ ni bpin ni fak e prist ni pi’ ir nchuway’, ma aram e ke dariy fannag e chitamngin; ma yira urfiy nge yim’.

Levitikus 24:14

“Mu fek e re mo’on nem nga wuru’ e gin’ey ni be par yu Israel riy. Ma gubin e pi’in rung’aged facha’ ni i yog e thin ni kireb e ngar ted pa’rad nga daken lolgen fare mo’on, me malangnag yu Israel facha’.

Galatia 5:12

Pi’in yad be wageynag lanin’med e mpaged yad ngar maad’adniged yad nrogon nge dab kur fakyed e bitir.

Deuteronomy 13:10

Ngan malang nagrad ngarm’ad! Ya yad be guy rogon ni ngar waliyed gimed nga orel rok SOMOL ni Got romed, ni ir e chuwegmed u Egypt, ni gin ni um sibgad riy.

Deuteronomy 13:11

Ma aram e gubin e girdi’ nu Israel ni bay rrung’aged e n’en ke buch; ma bay rrusgad, ma aram e dakriy be’ nra rin’ bayay e binem e kireb.

Deuteronomy 17:5

ma aram e ngam feked facha’ nga wuru’ fare binaw ngam malang niged nge yim’.

Deuteronomy 21:21

Ma aram e gubin e pumo’on u lan fare binaw e ngar malang niged fare pagel nge yim’, ya nge chuw e mitney e kireb u fithikmed. Ma urngin e girdi’ nu Israel ni yad ra rung’ag e tin ke buch, miyad ra rus.

2 Thessalonika 1:6

Ya Got e bay rin’ e tin nib mat’aw: ni bayi fek e gafgow nga daken e pi’in yad be gafgow nagmed,

Hebrews 12:15

Mu ayuwgad nge dabi pi’ bigimed keru’ ko runguy rok Got ngodad. Mu ayuwgad nge dabi bod bigimed ba ke pan nib mo’oy ni ilal nge gafgownag bo’or e girdi’ ko yub rok.

Joshua 6:18

Machane gimed e ngam ted gimed u orel ko n’en ni bay ni kirebnag. Fa’an gimed ra fek ban’en ni kan turguy ni ngan kirebnag, ma gimed ra girengiy e gafgow nge riya’ ko gin be par piyu Israel riy.

Joshua 7:15

Ma en nra gu mel’eg mi ni pir’eg ni bay fapi chugum rok e yira urfiy, nib mu’un chon e tabnaw rok ngay nge urngin e chugum rok, ya ke girengiy e tamra’ nga daken yu Israel ma ke th’ab fare m’ag ni gu ngongliy u thildad.”

1 Samuel 14:29

Me fulweg Jonathan ni ga’ar, “Rib kireb e n’en nike rin’ e chitamag ngak e girdi’ rodad! A mu guy nga rogon nike yib gelngig ni bochan e kug way boch e honey!