Joshua 6:6 - Bible Ni Thothup

⁶ Me pining Joshua fapi prist, nge weliy ngorad ni ga’ar, “Mfeked fare Kahol ko M’ag; me yan medlip i gimed nga m’on riy, ni yad be fek e yabul ni gagey ko saf ni pumo’on.”

Joshua 6:6 Kruisverwysings

Exodus 25:14

mu yuy’ed fagal ley i mat’ ngalan fapi luwaw ni bay u barba’ ngu barba’ fare Kahol.

Acts 9:1

Ma re ngiyal’nem e ka be yan Saul ni be yog ni nge thang e pogofan rok e pi’in gachalpen Somol. Me yan ngak fare Prist ni Th’abi Ga’

Joshua 24:11

Mi gimed th’ab e lul’ ni Jordan nga barba’ ngambad nga Jeriko. Me mael piyu Jeriko ngomed, ma ku aram e n’en ni rin’ e pi Amorite ngomed, nge Perizzite, nge Kanaanite, nge Hittite, nge Girgashite, nge Hivite, nge Jebusite. Mu gu gagiyegnag ngam gelgad ngorad.

Joshua 3:3

ngak e girdi’ nu Israel ni lungurad, “Nap’an ni gimed ra guy e pi prist ni yad be mat’eg fare Kahol ko M’ag rok SOMOL ni ir e Got romed, ma aram e ngam degdeggad ngam lekedrad.

Joshua 3:6

Ma aram me ga’ar Joshua ngak fapi prist, “Mat’egned fare Kahol ko M’ag ngam mon’od rok e girdi’!” Miyad rin’ ni bod nike yog.

Joshua 6:13

Me yan fa medlip i prist ni kar feked fa medlip i yabul ni gagey ko saf ni pumo’on ngranod ni yad be m’on, ma yad be thoy. Ma be yan e pi salthaw ni yad ba m’on rorad, me yib e matanag nga tomur ko fare Kahol ko M’ag. Ma yugu be thow fapi yabul ni gagey ko saf ni pumo’on.

Joshua 6:5

Ma ngar thoyed bayay nib n’uw nap’an. Ma nap’an ni gimed ra rung’ag, ma gubin e girdi’ ni ngar tolulgad ni ba ga’ lamrad, ma bayi puth e yoror ko fare binaw. Ma aram e ga’ngin fa raba’ i salthaw ni ngar thelapgad ngalan fare binaw.”

Joshua 6:7

Me ga’ar ngak e girdi’, “Mmarod ngan yan! Mmarod ngu’um liyeged fare binaw, ni bay e pi salthaw nga m’on ko fare Kahol ko M’ag rok SOMOL.”

Joshua 6:8

Ma aram mi ni yan ni bay fa medlip i prist nga m’on ko fare Kahol ko M’ag rok SOMOL, ni yad be thoy fapi yabul ni gagey ko saf ni pumo’on, ni bod rogon nike yog Joshua ngorad ni ngar rin’ed.

1 Samuel 4:3

Ma fa’ani sul e tin ni magey e salthaw ko gin yad be par riy, me ga’ar e pi’in pi’lal nu Israel, “Gur mangfan nike pag SOMOL e pi Filistine kar gelgad ngodad e daba’? Ngdarod nga Shiloh ngad feked fare Kahol ko M’ag rok SOMOL nge un ngodad nge ayuwegdad u pa’ e pi to’ogor rodad.”