Joshua 5:5 - Bible Ni Thothup

⁵ Yugu aram rogon ni urngin e pumo’on ni chuw u Egypt e kan maad’ad nagrad ni bod ni yog e motochiyel rok Moses, ma pi’in nni gargelegrad ko ngiyal’ ni ba’aram nni milekag u daken fa gi ted ngan th’ab nga baraba’ e dariy bagayad ni kan maad’adnag.

Joshua 5:5 Kruisverwysings

Matthew 12:7

Fa’an mang e ri gimed manang fan e re gin’en ni ba’aray ni bay u lan e babyor nib thothup ni ga’ar, ‘Dabug e gamanman ni maligach, ma wurengan’ e gub adag,’ ma dabiyag ni ngam turguyed e kireb nga daken bogni’ ndar kirebgad.

Roma 2:26

Ma be’, ni gathi be’ u Israel, ni be’ ndawor ni maad’adnag, ma be fol ko tin ni be yog fare Motochiyel, e gathi ra tay Got e cha’nem ni susun e be’ ni kan maad’ad ngak?

1 Korinth 7:19

Ya dariy ban’en nrogon ni fa’anra kan maad’ad ngom fa dawor. N’en ni bay fan e ngan fol ko tin ke yog Got ni ngan rin’.

Galatia 5:6

Ya fa’anra kad ta’ab girdi’gad Kristus Jesus, ma dariyfan ko kan maad’adnagdad fa dawor; n’en ni ir e ba ga’ fan e michan’ rodad ngak Kristus ni be maruwel u fithik’ e t’ufeg.

Galatia 6:15

Dariy ban’en nrogon ni fa’anra dawor ni maad’ad ngak be’ ara kan maad’ad ngak. Ya n’en ni ir e ba ga’ fan e nge thil be’ nge par ni be’ ni Got e ka fini sunumeg.

Joshua 5:4

I rin’ e ren’em ni bochan e urngin e pumo’on ni kar ilalgad ni yad ra bung ko mael ko ngiyal’ ni rchuwgad u Egypt e karm’ad u kanawo’ u daken e ted ko ngiyal’ ni yad be milekag.

Joshua 5:6

Ya girdi’ nu Israel e uranod u daken e gi ted nem ni aningeg i ragag e duw. Nap’an ni taw ko ngiyal’nem ma urngin e pumo’on nike taw nga yangarrad ni ngar uned ko mael nra chuwgad u Egypt e karm’ad ya dar folgad ko tin ni yog SOMOL. Ya yog ngorad ndabi pagrad ngar guyed fare nam ni bfel’ rogon ma ba yong’ol e but’ riy ni fa’ani micheg ngak pi chitamangirad nra pi’ ngorad.