Joshua 5:10 - Bible Ni Thothup

¹⁰ Nap’an nike par piyu Israel u Gilgal u daken fa gi tafelfel’ nib chugur nga Jeriko, miyad madnomnag e madnom ko Paluk’af ko re nep’ i n’en ni ragag nge aningeg fen e pul.

Joshua 5:10 Kruisverwysings

2 Samuel 15:28

Bay gu son u lan e loway ko gin ni yima th’ab e lul’ riy nga baraba’ nge yan i mada’ ko ngiyal’ ni bayi taw e thin romed ngog.”

Exodus 12:11

Ba’aray rogon ni ngam longuyed: ngam longuyed ni kam m’aged e leed romed nga lukngumed, ma kam chuwgad nga sus romed, ma bay e sog romed u pa’med; thingar mu longuyed ni gimed ba gur. Ya mur ko madnom ni Paluk’af ni fan ngak SOMOL.

Exodus 12:18

Thingar mu koyed e flowa ni dariy e is riy ko nep’ ko chirofen ni ragag nge aningeg fen e pul ko bin m’on e pul nge yan i mada’ ko nep’ ko chirofen ni reliw’ nge ta’reb fen e pul.

Exodus 12:6

Mi gimed tay nge mada’ ko rofen ni ragag nge aningeg ko re pul ney, aram e rofen ni urngin piyu Israel ni ngar li’ed e gamanman rorad nike aw e lumor.

Jeremiah 39:5

Machane fa raba’ i salthaw nu Babylon e ra tulfedyad ngar koled Zedekiah u lan e tafel’fel’ nib chugur nga Jeriko. Ma aram miyad yan ngak Nebukadnezzar ni Pilung, u lan fare binaw nu Riblah u daken e but’ nu Hamath, ni aram e gin ni duwgiliy Nebukadnezzar riy e n’en ni ngan rin’ ngak.

Ezekiel 12:3

“Fak e girdi’, are chiney, ngam m’ag e chugum rom ni bod nma rin’ e kalbus ngam mman ni dawori aw e lumor. Mu guy rogon ni nge guyem gubin e girdi’ ni ngam chuw ngam mman ngabang. Dabisiy nra guyem fapi tatogopluw.

Levitikus 23:5

Paluk’af e ba madnom ni yibe tay fan SOMOL, yira tababnag ko gonowrug e rofen ni ragag nge aningeg ko bin som’on e pul.

Mikah 6:5

Gimed e girdi’ rog, mu leam niged e tin ni tanomnag Balak ni ir e pilung nu Moab ni nge rin’ ngomed, nge rogon ni fulweg Balaam ni fak Beor lungun Balak. Mu leam niged fa pin’en ni mpir’eged nnap’an ni gimed be yan ko binaw nu Akacia nga Gilgal, nge yag ni mu nanged e tin gu rin’ ni fan e nggu ayuwegmed.”

Joshua 4:19

I th’ab piyu Israel e lul’ ni Jordan nga baraba’ ko rofen ni ragag ko bin m’on e pul, mrabad ra pired nga Gilgal, ni bay ko ngek u Jeriko.

Joshua 5:11

Ma reb e rran riy, ma aram e som’on nra ked e ggan nni yung u Kanaan ni grain ni kan urfiy nge flowa nni lith dariy is riy.

Joshua 9:6

Ma aram miyad yan ko gin be par yu Israel riy u Gilgal ngar ga’argad ngak Joshua nge pumo’on nu Israel, “Kugbad nib palog. Gamad ba’adag ni ngam flaged e tha’ u thildad.”

1 Samuel 7:16

Gubin e duw nma yan u Bethel nga Gilgal nge nga Mizpah, ngi i pithig e yu pa’ i oloboch.