Joshua 5:1 - Bible Ni Thothup

¹ Urngin e pilung rok e pi Amorite ni yad bay ko ngal ko lul’ ni Jordan nge urngin e pilung rok yu Kana’an ni yad bay u to’oben fa gi day ni Mediterranean fithingan e rrung’aged nike chuweg SOMOL e ran u lan e lul’ ni Jordan ko ngiyal’ ni ba’aram ni yib piyu Israel ra th’abed nga baraba’. Me yib e marus ngorad nge mulan’rad ni bochan piyu Israel.

Joshua 5:1 Kruisverwysings

Genesis 12:6

me milekag Abram nge yib i mada’ ko fa gin’en ni bay fare ke gek’iy ni oak riy u Moreh u lan e binaw nu Shekem. (Re ngiyal’ i n’em e ka be par e girdi’ ni kanog e Kanaanite ngorad u lan e re nam nem.)

Genesis 48:22

Yu Shekem, ni fa gi binaw nth’abi yong’ol ni gu fek rok e pi Amorite ni yag ngog ko saydon rog nge gat’ing rog, e dab gu pi’ ngak pi walagem ni pumo’on ya gur e nggu pi’ ngom.”

2 Samuel 21:2

Fapi girdi’ nu Gibeon e gathi yad piyu Israel; yad bochi ulung i girdi’ nu Amor nike micheg piyu Israel ni yad ra ayuwegrad, machane Saul e i guy rogon ni nge thirifrad u but’ ni bochan e ba’ ufan e girdi’ nu Israel ngu Judah u daken.)

1 Kings 10:5

nge ggan ni be pi’ yibe kay u tabel rok, nge tagil’ e pi tolang ni yad ba migid ngak, nge feni yaram chon e maruwel rok nge mad rorad ni ta’reb rogon ni karon’ed, nge pi’ tapigpig rok ni yad be farwol ko pi mur, nge gamanman ni maligach ni be pi’ u Tempel. Ri ngat e re bpin nem ngay nike balyangan’.

Ezra 9:1

Nga tomuren ni go’ kan rin’ urngin e pin’ey, me yib boch fapi tayugang’ rok e girdi’ nu Israel rogned ngog ni girdi’, nge prist, nge pi Levite e de yag nra ki’egged yad nga orel rok e girdi’ ko pi nam ni yad ba chuchugur ngorad ni aram yu Ammon, Moab, ngu Egypt ara rok e pi Kanaanite, Hittite, Perizzite, Jebusite, nge pi Amorite. Yad be rin’ e pin’en nib sonogor nma rin’ e pi girdi’ ney.

Psalms 135:11

I Sihon, ni pilung rok e pi Amorite, Og, ni pilung u Bashan, nge urngin e pilung nu Kanaan.

Exodus 23:28

Bay gu k’ar mrus ko pi to’ogor romed nib tomgin; bay gu tuluf piyu Hiv, piyu Kanaan, nge piyu Hitt, nnap’an ni gimed be yan i yan nga m’on.

Isaiah 41:5

“Girdi’ ko pi nam ni yad bmal’af e ka ra guyed e pin’en ni ku gu ngongliy; ka ra tamdaggad ni yad be t’on ko marus. Ka ra mu’ulunggad ni yad gubin karbad.

Ezekiel 16:3

Mog ngak yu Jerusalem e n’en ni be yog SOMOL ni Th’abi Tolang ngak: “Nni gargel nigem u lan e nam nu Kanaan. Chitamam e be’ nu Amor, ma chitinam e be u Hitt.

Ezekiel 21:7

Nap’an ni yad ra fithem ko mangfan ni ga be gel’gel’, ma gog ngorad ni bochan e thin nib be’ech ni bayi taw. Nap’an nra taw, me suguy e marus lanin’rad, me ul pa’rad, ni mathliyab, me dada’ bugrad. Re ngiyal’ i n’em e ketaw ngay; ketaw ngaray e chiney.” I SOMOL ni Th’abi Tolang e be non.

Daniel 5:6

Me pig owchen ngabang nike yib e marus ngak nib gel ngi i chachafin bugun.

Amos 2:9

“Ni yugu aram rogon ni gag e gu li’ e yu Amor ni bochrad, ni bogi pumo’on ni bod feni n’un’uw e gek’iy ni cedar, ma yad bod feni gel e gek’iy ni oak. Go’ gu li’rad ngarm’ad.

Numbers 13:29

Pi Amalekite e yad be par ko ley ni yimuch e re nam nem; ma pi Hittite, nge pi Jebusite, nge pi Amorite e yad be par u daken e ted; ma piyu Kanaan e yad be par u dap’el’ay u to’oben fa gi day ni Mediterranean fithingan nge to’oben fare lul’ ni Jordan fithingan.”

Joshua 17:12

Fapi girdi’ rok Manasseh e de yag rorad ni ngar tulufed fapi girdi’ ni yad ma par u lan e pi binaw nem ngar chuwgad, ere miki par piyu Kanaan u rom.

Joshua 17:18

Gin’en ni go’ burey e bayi par romed. Yug aram rogon nib upong ko gek’iy, ma bay mu tamilang niged mi gimed tafna’ u baley nge mada’ nga baley. Ma piyu Kanaan e bay mu tulufedrad ngar chuwgad u rom, ni yug aram rogon ni bay e pi chariot ni wasey rorad ma yad bogi girdi’ ni yad ba gel.”

Joshua 24:15

Fa’anra der magan’med ngay ni ngam pigpiggad ngak SOMOL, me ere mu duwgiliyed e daba’ e re got ni ngu’um pigpiggad ngak, ko pi got ni i pigpig pi chitamangimed ngorad u lan e nam nu Mesopotamia, ara pi got rok e pi Amorite, ni nam rorad e gimed be par riy e chiney. Machane gag nge girdi’ ko birog e tabinaw e ngu’ug pigpiggad ngak SOMOL.”

Joshua 3:16

me tal e ran ko fare lul’ ndaki yan me mukun u p’ebugul e lul’ u Adam, ni fare binaw ni bay u to’oben yu Zarethan. Ma fare ran ni be yan ko re lul’ nem ngalan e Dead Sea e tal ndaki yan, me th’ab e girdi’ fare lul’ nga baraba’ u bang nib chugur nga Jeriko.

Joshua 3:17

Ma nap’an ni yad be th’ab fare lul’ ni ngranod u daken e but’ ndakuriy e ran riy, ma fapi prist ni yad be mat’nag fare Kahol ko M’ag rok SOMOL e ra dugilgad u daken e but’ nike mlik’ u lukngun fare lul’ ni Jordan nge yan i mada’ ko ngiyal’ nike yib urngin e girdi’ nu Israel ra th’abed fare lul’ nga baraba’.

Revelation 18:10

Bay ra sak’iygad u orel rok, ni bochan e yad be tamdag ko re gafgow nem nike yib ngak, me lungurad, “Kari gafgow i gafgow e re binaw ney nu Babylon nib gilbuguwan ma ba gel! Ri ta’reb e awa ma ka ni mu’ i gechig nigem!”

Judges 1:1

Nga tomuren nike yim’ Joshua me fith e girdi’ nu Israel SOMOL ni lungurad, “Bin ngan ko pi ganong romad e ir e som’on ni nge yan ko mael ngak piyu Kanaan?”

Judges 11:23

Ere SOMOL ni Got rok yu Israel e ir e tuluf piyu Amor ni fan ngak e tirok e girdi’, ni piyu Israel.

Judges 3:3

Tin ni magech u lan fare nam e fa lal i binaw ko Filistine, urngin yu Kanaan, nge yu Sidon, nge yu Hiv ni ur pired u lan fapi Burey nu Lebanon ni tabab ko Burey nu Baal Hermon me yan nge mada’ ko wo’ u thilin e burey u Hamath.

Judges 4:2

Me pagrad SOMOL nge gel Jabin ngorad ko mael, ni ir e pilung u Kanaan mma gagyeg u lan e binaw nu Hazor. Ma en ni be tay murung’agen e salthaw rok e Sisera, nma par u Harosheth nma par e pi Gentile riy.

1 Samuel 25:37

Ma nap’an ni m’ay e chingaw rok Nabal me weliy urngin ban’en ngak. Me pil reb e nguchey nib ga’ u lolugen nge par u but’ ndaki yag ni mithmith.