Joshua 4:7 - Bible Ni Thothup

⁷ ma nga mogned ngorad ni ran ko lul’ ni Jordan e tal ndaki yan nnap’an ni yib fare Kahol ko M’ag rok SOMOL i th’ab e re lul’ nem. Pi malang ney e bay i par ni gubin ngiyal’ nib puguran ngak piyu Israel.”

Joshua 4:7 Kruisverwysings

Psalms 111:4

I SOMOL e der ma pagdad ngad pagged tilin epi maang’ang nma rin’; ir e ba gol ma ba marnguy.

Exodus 12:14

Re rran nem e nge par ni puguran ngomed; thingar um madnom niged ni gimed be tayfan SOMOL. Thingar mu madnom niged ni gubin e mfen ni nge par nib madnom ndab ni pag.”

Exodus 28:12

Mi ni tay fa gal malang nga daken gafan lik’ipon fare efod ni nge gagyelnag fa ragag nge l’agruw i ganong nu Israel. Aray rogon ni bayi fek Aron fithingrad u daken lik’ipon ni ruw raba’, ma aram e Gag SOMOL e bay gu par ni gubin ngiyal’ ni bay e girdi’ rog u lanin’ug.

Exodus 30:16

Mu fek e pi salpiy ney rok e girdi’ nu Israel ngu’um fanay ko maruwel ko fare Tent u p’eowcheg. Re tax ney e nge mang bayul ko pogofan rorad, ma aram e bay i par u lanin’ug ni ngu’ug yoror rorad.”

Isaiah 66:3

“Girdi’ e yad ma rin’ e n’en ni yad ba’adag. Ta’ab rogon u wan’rad ni yad gubin ko kar li’ed ba garbaw ni maligach ara kar maligachgad nga ba girdi’; ara ba saf e rmaligachgad ngay ara ba pilis e kar t’ared k’angan; ara ra pi’ed e grain ara racha’en e babiy; ara ra pi’ed e incense ara rmaybilgad ko liyos. Yad ma felfelan’ u rogon e pi tayfan ney ni yad ma rin’ nrib sonogor.

Numbers 16:40

Re upong n’ey e ngi i puguran ngak piyu Israel ni yug be’ ni gathi reb i owchen Aron e dabiyag ni nge yib ko fare altar nge urufiy riy fapi incense ni yima pi’ ngak SOMOL. Mra rin’ be’ ma yira thang e pogofan rok ni bod Korah nge pi’in yad ngabang. Urngin e pin’ey nrin’ ni bod rogon ni yog SOMOL ngak Moses ni nge rin’ Eleazar.

Numbers 17:5

Ma re mo’on ni kug turguy e ra for mal’gun e ley rok e sog. Aray rogon ni nggu taleg e pi girdi’ ney nu Israel ni kar pired ni yad be gun’gun’ nigem.”

1 Korinth 11:24

nge pining e magaer riy ngak Got, me t’ar me ga’ar, “Ireray dowag ni fan ngomed. Um rin’ed ni aray rogon ngi i pugurag ngomed.”

Deuteronomy 16:3

Dab mu ked e flowa ni kan lith ni bay e is riy u nap’an e abich romed ko Paluk’af, medlip e rran ni ngam ked e flowa ni kan lith ni aray rogon, bod ni um rin’ed fa ngiyal’ ni mu chuwgad u Egypt ni aram feni gur. Mu ked e re flowa ney — ni bay u nog fithingan ni flowa ko pi’in nra gafgowgad — ya gubin e rran u lane yafos romed ma ngi i yib ngan’med e rofen ni mu chuwgad u Egypt, ni fare nam ni um gafgowgad riy.

Joshua 4:6

Pi malang ney e nge puguran ngak e girdi’ e n’en nike rin’ SOMOL. Fa’anra yan i daken bi’id ni fith pifakmed ngomed fan e pi malang ney