Joshua 3:5 - Bible Ni Thothup

⁵ Me ga’ar Joshua ngak piyu Israel, “Mu macholbog niged gimed, ya gabul e bayi ngongliy SOMOL e maang’ang u fithik’med.”

Joshua 3:5 Kruisverwysings

BABYOR NI JOB 1:5

Nap’an ni yad ra mu’u reb e mur me reb e rran riy nri kab kadbul me od Job nge li’ e gamanman nge pi’ ni maligach ngak Got ni fan e nge n’ag Got fan e denen rok pifak ngar machalboggad. Gubin yay ni i rin’ ni aray rogon, ya be leamnag nrichey ma ke denen bagayad ni gomanga keyog bbugithin nib tagan ngak Got, ni gathi ri aram rogon ni leamnag.

Psalms 77:15

Gelngim nib gel e mu ayweg e girdi’ rom ngay, ni pi’in owchen Jakob nge Josef.

Psalms 86:10

Ya gur e rib gel gelngim ma ga ma ngongliy e maang’ang; kemus ni go’ gur e Got.

Joel 2:16

Mu kunuyed e girdi’ nga ta’bang; mu fal’eged rogorad ni fan nga reb e muulung nib thothup; mu kunuyed e pilibthir; mu kunuyed e pi’in bitir, ma ku er rogon e bitir ni kabran. Mus ngak e pi’in kafini mabgol ni thingar ra chuwgad u lan e pi senggil rorad ngar uned ko wub.

Levitikus 10:3

Me ga’ar Moses ngak Aron, “Irera’ e n’en ni yog SOMOL murung’agen ni fa’an ni ga’ar, ‘Gubin e pi tapigpig rog e thingar ra tedfag nga fenag thothup, ma bay gu dag feni gilbugwag ko girdi’ rog.’” Me par Aron nde non.

Levitikus 20:7

Mu pi’ed gimed ngalan pa’ag mi gimed par ni gimed ba thothup ni bochan e Gag SOMOL e Got romed.

Numbers 11:8

Ma yan e girdi’ ni kakadbul ngar fanged ngar biliged ara ra yowogiliyed, miyad lith ngar ngongliyed e kek nib gilgith riy, bod lamen e kek ni kan lith ko gapgip ni olive.)

John 17:19

Nggu pi’eg ngom ni bochrad, ni fan e ngkur manged girdi’em.

Joshua 3:13

Ma pi prist ni yad be mat’nag fare Kahol ko M’ag rok SOMOL ko fayleng ni ga’ngin e nap’an ni yad ra tay e rifrif rorad nga fithik’ e ran, me tal e ran ko fare lul’ ni Jordan ndabki yan, ma ran ni be yib u p’ebugul e lul’ e bayi mokun nga ta’bang.”

Joshua 3:15

ma fa’an ni taw fapi prist nga marichlen e lul’ ni Jordan, ma ran u lan e lul’ e ke sug ke pag mirichlen ngalang, nma yodrom u nap’an ni yima t’ar wom’ngin e woldug. Machane yug nap’an e tay fapi prist e rifrif rorad nga maran,

Joshua 3:4

Ma aram e bay mu nanged e gin ngam sorgad ngay, ya dawor mu uned ngaray. Machane dab mu chugurgad ko fare Kahol ko M’ag; ngu’um leked ni gonap’an e baley e mayl e bay u thilmed nge fare Kahol.”

Joshua 3:6

Ma aram me ga’ar Joshua ngak fapi prist, “Mat’egned fare Kahol ko M’ag ngam mon’od rok e girdi’!” Miyad rin’ ni bod nike yog.

Joshua 7:13

Mu suwon ngalang! Mu machalbognag e pi girdi’ nir ngar fal’eged rogorad ni ngarbad nga p’eowcheg. Mog ngorad ni nge gabul ma kar fal’eged rogorad, ni bochan e Gag SOMOL ni Got rok yu Israel e ba’aray e n’en ni nggog: ‘Gimed yu Israel, bay u fithik’ e chugum romed bogi ban’en ni kugog ni ngam kireb naged! Dabiyag ni ngam gelgad ngak e pi to’ogor romed ni fa’anra dab mu chuweged e pin’ey u fithik’med!’

1 Samuel 16:5

Me fulweg ni ga’ar, “Er rogon. Ku gub ni nggu pi’ ba maligach ngak SOMOL. Mmachalbog niged gimed mi gimed un ngog ngdarod.” Ma ku er rogon Jesse nge fapi pumo’on ni pifak ni yog ngorad ni ngar machalbog niged yad, miyad yib ko maligach ni nge pi’.